A Estrada na Rede

Agasallos entregados pola ACOE no programa de puntos aestradaPlus

Publicada el 7 septiembre, 2013 por A Estrada na Rede

Dende o mes de Xaneiro 2013, A A.C.O.E fixo entrega dos seguintes agasallos solicitados no troco de puntos da tarxeta de fidelización aestradaPlus.

Agasallo Persoa Comercio

Conjunto de 3 Boxer para chico, Raquel .L.L. ANA BELÉN

Pendrive Lacie iamaKey de 8 GB, Cristina V.S CÓDIGO DIGITAL

Teléfono Inalámbrico Panasonic, Jorge F.C CONNECTA REY

Vestido Miss Sidecar, Isabel V.N. BAMBÚ

3 unidades de Bebida vegetal de arroz, Marta P.L. FARMANATUR

3 paquetes de Cookies de pipas de chocolate Belsi, Marta P.L. FARMANATUR

Nevera Térmica con capacidad para 19l. C.M.F. DROGUERIA MARY

2 Fundas de teléfono Gorfuss O.T.V LIBRARIA MARXE

Dende a asociación animámosvos a todos a que consultedes o catálogo e fagades o troco dos puntos por agasallos. Tentamos poñer cada vez máis agasallos de poucos puntos para que vos anímedes a trocalos.

Seguro que atopas algo para a volta o cole, para facer un agasallo, para decorar a casa, artigos de moda, complementos actuáis, etc. etc.

A ESTRADA PARA MERCAR TODOS OS DIAS.

Redacción: ACOE A Estrada

Publicado en Asociacións, Portada | Deja un comentario

San Xurxo de Vea celebrou o pasado venres a súa 3ª Edición do Festival Folk

Publicada el 7 septiembre, 2013 por A Estrada na Rede

O pasado venres 30 de agosto o parroquia de San Xurxo de Vea celebrou a súa terceira edición do Festival Folk. Nesta ocasión contaron coa actuación de Retrouso de Ouzande, O Recobio de Vaamonte de Teo, Regato de Matamulleres de Callobre, realizando o fin de festa a agrupación de Cuntis, Estofados en Salsa.

Redacción e Fotografía: Iria Eiras

Publicado en Festas, Portada | Deja un comentario

O Sporting Estrada gaña o Torneo Val do Vea

Publicada el 7 septiembre, 2013 por A Estrada na Rede

O derradeiro domingo do mes de agosto preparando a nova tempada 2013/14 dispotouse o Torneo Val do Vea no campo de Nogueira. A competición na modalidade de triángular contou coa participación dos equipos estradenses Callobre e Sporting Estrada ademais do equipo local, Vea CF.

No primeiro encontro entre o Sporting e o Callobre decantouse a favor do Callobre na tanda de penaltis. No segundo o Vea enfrontouse ao Sporting Estrada volvendo a decidirse nas penas máximas que nesta ocasión se decantou polo Sporting. No derradeiro encontro entre o Callobre e o Vea, tamén na quenda de penaltis, decantouse a favor do Vea CF.

Deste xeito o Primeiro Clasificado foi o Sporting Estrada, Segundo o Vea e Terceiro o Callobre.

Os trofeos foron doados polo Concello de A Estrada, Taberna O Patio e Federópticos Fondevila.

Fotografías: Brais Cajaraville

Redacción: Iria Eiras

Publicado en Deportes, Portada | Deja un comentario

Os nacionalistas piden “xustiza” e o “dereito a pensións dignas” para as persoas que no seu momento tiveron que emigrar e puideron voltar a Galiza

Publicada el 7 septiembre, 2013 por A Estrada na Rede

Preto de cen persoas afectadas déronse cita, nesta primeira asemblea, para atallar esta inxustiza recadadora planificada polo PP dende o Ministerio de Facenda

O BNG organizou unha asemblea informativa para todas aquelas persoas afectadas e interesadas polos requirimentos que se están enviando dende a Axencia Tributaria Española a quenes estiveron emigrados e emigradas e que perciben pensións dende outros países. Interviron os parlamentarios do BNG Carme Adán e Xosé Lois Leirós, como representante da plataforma de afectados do Salnés.

Todos os emigrantes que reciben pensións de dous estados e que teñen uns ingresos superiores a 11.200 € anuais están recibindo requirimentos polos ingresos recibidos dende o ano 2008. Os pensionistas que só cobran pensións do estado español non están obrigados a tributar se os seus ingresos non superan os 22.000 € anuais. Este mecanismo recadatorio foi posto en marcha polo Ministerio de Facenda a principios deste ano 2013. Sigue leyendo →

Publicado en Educación e Sociedade, Portada | Deja un comentario

A Estrada despide aos nenos Saharauis

Publicada el 4 septiembre, 2013 por A Estrada na Rede

Un total de 12 nenos e nenas foron acollidos este verán por familias estradenses. Rematado este mes de agosto retornan ao Sahara. Para despedilos o alcalde, Xosé López, acompañado da concelleira de Educación e Servizos Sociais, Amalia Goldar, fixéronlle unha recepción a rapaces e pais de acollida no salón de plenos do concello.

O rexedor dialogou cos máis cativos interesándose pola súa experiencia no noso concello e arredores. Os nenos mostráronse moi contentos e destacaron como principal atractivo da nosa comunidade o mar ao vivir nunha zona desértica.

Para rematar Xosé López fíxolle entrega duns agasallos conformados por material escolar, polo cal agradecen a colaboración e facilidades aportadas pola librería Lolimay.

Redacción e Fotografía: Iria Eiras

Publicado en Educación e Sociedade, Portada | Deja un comentario

O BNG propón que a casa das letras sexa unha homenaxe a “Rosalía de Castro”

Publicada el 4 septiembre, 2013 por A Estrada na Rede

O portavoz municipal do BNG ven de presentar un escrito no rexistro do concello no que propón que “a casa das letras leve o nome da escritora Rosalía de Castro, chamándose así Casa das Letras “Rosalía de Castro””.

Segundo explicou o concelleiro nacionalista “neste ano 2013 cúmprese o 150 aniversario da publicación da obra “Cantares Gallegos”, o que funda de xeito irreversíbel o sistema literario galego, sendo por iso a efeméride escollida para a conmemoración do día das nosas letras.”

“No BNG pensamos”, engadiu Xosé Magariños, que “lamentabelmente A Estrada non ten feito o suficiente por promover o recoñecemento desta escritora que ten mérito dabondo pola súa calidade e tamén polos valores que lle acompañan (dignificar a nosa lingua e as mulleres) motivos de sobra para recibir unha atención institucional axeitada, cousa que até día de hoxe non ocorreu”. “Neste sentido”, explicou o concelleiro nacionalista, “temos que
recordar que este goberno municipal do PP non fixo ningún acto de homenaxe polo 175 aniversario do nacemento da nos escritora máis universal”.
Sigue leyendo →

Publicado en Cultura, Portada | Deja un comentario

O próximo venres proxectárase o documental "A fazaña da liberdade" de Senén Outeiro

Publicada el 4 septiembre, 2013 por A Estrada na Rede

A Asociación Cultural “Vagalumes” informa que o próximo venres 6 de setembro vai estrear na Estrada o documental *“A fazaña da liberdade”* do realizador estradense Senén Outeiro. A proxección terá lugar no Teatro Principal ás 20:30 h. e a entrada será libre e gratuíta.