Na xornada matinal deste domingo celebrouse na Estrada a III Edición do Memorial en Homenaxe a Manuel Bergueiro organizado por Atlántica de Abogados en colaboración co Concello de A Estrada.
As rúas máis céntricas do pobo foron ocupadas por corredores e público de todas as idades que quixeron achegarse e participar do evento. Comezaron ás 10 da mañá os máis cativos con circuítos adaptados aos rangos de idades; pitufos, prebenxamín, benxamín, alevín, infantil e cadete. Todos os participantes destas categorías recibiron unha medalla ademais da camiseta conmemorativa que se lle facía entrega xunto cos dorsais a todos os corredores. Os atletas tamén tiñan a súa disposición bebidas e froita.
Antes da carreira grande que daría comezo ás 11:30 horas e na que competían os atletas de categoría absoluta e veteranos, o xerente de Atlántica de Abobados, José Cao, acompañado do edil de Deportes, Ismael Pena, fixéronlle entrega duns ramos de flores a familiares do 
homenaxeado Manuel Bergueiro.
En total competiron arredor de 270 atletas dos cales obtiveron trofeo o primeiro clasificado de cada categoría, tanto masculina como feminina, dos máis pequenos e veteranos. Na categoría absoluta obtiñan trofeo e premios en metálico os tres primeiros clasificados; 250, 150 e 100 € respectivamente, tanto en categoría feminina como en masculina.
Deixámosvos aquí galerías de imaxes de todas as probas para que vos busquedes:
Pitufos
Prebenxamín e Benxamín
Alevin
Infantil e Cadete
Proba Absoluta
Entrega de Trofeos (Fotos cedidas por Catrogatos)
A entrega de galardóns tivo lugar ás 13:00 horas na Praza do Concello e os gañadores por categorías foron os seguintes: Sigue leyendo
