A Estrada na Rede

O vindeiro venres 30 de Agosto nova cita para os amantes do Folk en San Xurxo de Vea nun Festival que celebra a súa 3ª Edición.

Está previsto que o festival de comenzo sobre as 22:30 horas, e a partir desa hora actuaran os seguintes grupos:

Retrouso de Ouzande.
O Recobio de Vaamonde.
Regato de Matamulleres, de Callobre.
Estofados en Salsa, de Cuntis.

Os tres primeiros grupos teñen un repertorio folk tradicional; temas coñecidos por todolos asistentes co cal será fácil que todos nos arraquemos a cantar algún que outro tema, faendo a festa mais participativa e o traballo dos grupos mais doado.

O último grupo en actuar, polo tanto os encargado de poner o broche de ouro o festival serán os cuntienses dos Estofados en Salsa do cal forman parte , Damián Cortés á voz e saxo, Abrahán Sande e Fran Campos ó baixo e guitarra respectivamente e Alberto Torres á batería e percusións. Eles definen o seu espectáculo como un espectáculo musicómico, e faramnos gozar a todos de temas de moi diferentes estilos e sobradamente coñecidos con un toque estofado moi característico e singular.

Como nas pasadas ocasións o festival celebrarase no campo da festa de San Xurxo de Vea, pero con algún que outro cambio de ubicación das actividades, que evidentemente aquí non desvelaremos para non fastidiarlle a sorpresa ós asistentes.

Ainda que nun principio non este previsto a acampada a zona permiteo, asi que se a alguén lle apetece traerse a tenda e quedar a pasar a noite en Vea, non terá ningún tipo de problema.

Ainda que o Festival Folk de San Xurxo de Vea, é un festival moi xoven, dende a organización, estamos a traballar con moitas ganas para que vaia medrando pouquiño a pouco e se convirta nun referente do folclore tradicional como xa o son outro festivais da zona, como poden ser As Nosas Músicas de Couso, ou o Folk de Raiz de Callobre. Festivais que tomamos como exemplo a seguir, e dos cales aprendemos moito edición tras edición.

Redacción e Fotografías: Comisión Festival Folk de San Xurxo de Vea

A AC A Fervenza de Ouzande presenta a sexta edición da FERVENZA DE MÚSICAS, dirixida especialmente á promoción e divulgación da nosa música, tal como ven facendo desde a súa fundación, a través do desaparecido festival Músicas da Terra, ata 2007, ou coas clases de música tradicional que se desenvolven no local social de Ouzande, e nas que no curso pasado participaron máis de 60 persoas de todas as idades.

A iniciativa, xa consolidada nestes cinco anos anteriores, cumpre o obxectivo fundamental de posibilitar o intercambio cultural e musical con outras iniciativas e grupos semellantes, achegando agrupacións da comarca e de comarcas próximas. Trátase de agrupacións de música tradicional e popular pero con formas ben distintas de achegarse á musica galega deste tipo, dando mostra da riqueza e variedade da mesma, obxectivo que tamén está nas nosas intencións.

Tamén está nas motivacións da actividade o feito de incluír no programa das festas parroquiais (Festas do Socorro de Ouzande) unha actividade musical diferente nas que a música tradicional e popular teña cabida e sexa a principal protagonista. En consecuencia FERVENZA DE MÚSICAS está incluída en dito programa de festexos que organiza a Xunta Parroquial de Ouzande.

As actuacións dos grupos convidados serán todas elas “a pé de campo”, mesturándose entre o público , tratando así de recuperar o sabor e ambiente das foliadas tradicionais, e procurando a maior participación posible dos asistentes. Sigue leyendo →