A Estrada na Rede

A Estrada estase convertendo nun referente a nivel autonómico e nacional na programación de competicións deportivas como a deste fin de semana, na que o pavillón Coto Ferreiro acollerá un novo evento autonómico, o Campionato Galego de Latinos.

O alcalde estradense, Xosé López, agradeceu o esforzo de todas esas persoas que traballan de maneira altruísta  para traer á Estrada este tipo de eventos, para os cales sempre teñen a súa disposición a gran variedade de instalacións deportivas do concello.

“A Estrada ten neste momento 36 clubs federados en 29 disciplinas deportivas diferentes, con preto de 2000 nenos e nenas competindo oficialmente”, recalcaba o alcalde, obtendo como resultado achegar o deporte aos máis cativos e a organización de torneos cada vez máis importantes no Concello de A Estrada.

 A décimo novena edición do certame de danza congregará o vindeiro 14
de maio a máis de 300 deportistas no pavillón Manuel Coto Ferreiro.
O Trofeo SondoDance de baile deportivo regresará ao Concello da Estrada o
vindeiro 14 de maio logo de non celebrarse no municipio desde o comezo da
pandemia.
A sala de xuntas da casa consistorial acolleu esta mañá a presentación do
campionato de danza, o cal congregará no pavillón Manuel Coto Ferreiro a
máis de 300 deportistas para tomar parte na edición con maior participación de
todas as celebradas ata o momento en Galicia.
A competición, puntuable para o ránking nacional, contará tamén cunha nutrida
participación de bailaríns chegados desde distintos puntos da Península, como
a Comunidade Valenciana, Madrid ou Estremadura.
Na súa intervención no acto de presentación, o alcalde, José López, sinalou a
importancia de “retomar un dos grandes eventos da danza autonómica e
nacional, consolidando deste xeito A Estrada como un núcleo neurálxico do
deporte galego”. Pola súa parte, Juan Carlos Romero, de SondoDance, incidiu
na relevancia “de acoller un evento destas dimensións, dándolle un espazo a
unha manifestación deportiva e artística que como vemos coa participación
desta edición, conta cun gran número de practicantes”.

—

 En febreiro de 2022 o BNG da Estrada alertamos das consecuencias que ía ter para os transportistas a construción da rotonda do Mercadona, que eliminou as prazas de aparcamento que habitualmente utilizaban estes vehículos de grandes dimensións. Daquela desde o BNG pedimos unha alternativa, pero máis dun ano despois o goberno de López segue mirando para outro lado, ignorando as peticións dos camioneiros.

No BNG cremos que esta é unha necesidade que non se pode seguir obviando, os profesionais do transporte necesitan un espazo amplo e seguro onde deixar os seus vehículos durante os fins de semana ou días festivos. Agora mesmo non hai un espazo habilitado para este fin, e os transportistas vense obrigados a deixalos nas en beiravías e outros lugares que non teñen o ancho suficiente para acoller este tipo de vehículos, o que ten como consecuencia sancións por parte da policía local.

O goberno municipal ten que habilitar un espazo para aparcar os camións, é urxente, os transportistas non poden agardar máis, arriscándose a multas e a roubos de mercancía e combustíbel.

O 28 de maio hai eleccións e elixirase un novo goberno. Se temos responsabilidades de goberno, desde o BNG comprometémonos a buscar unha alternativa, ampla, segura e céntrica para acoller os camións durante a fin de semana ou aos que estean de ruta para que teñan na Estrada o seu punto de parada.

Impulsar aldeas modelo,
recuperar los molinos de
agua o invertir en abastecimiento
de agua y en saneamiento son
algunas de las medidas que el PP
pretende llevar a cabo para revalorizar
el rural estradense.
El candidato ‘popular’ precisó
que quiere «anticiparse a un problema
que imos ter nos próximos
anos, que vai ser o abastecemento
de auga». Por ello, se compromete
a continuar con la extensión de
la red de abastecimiento público
de agua e incrementar la colaboración
con las traídas de aguas
vecinales; así como a poner en
marcha un plan director de saneamiento,
mejorar la seguridad
vial y la movilidad en el rural y la
conectividad a internet.
López pretende también reforzar
la singularidad de A Estrada,
dándole valor al patrimonio del
rural. «E hai algo que nos caracteriza,
que é que somos o concello
con máis muíños de auga de toda
España», con 628 catalogados. Por
ello, el PP aboga por recuperar esos
molinos y «converter á Estrada
nun referente».
Promete incrementar el personal
de la oficina de atención al
rural e intensificar la colaboración
con Seaga. López también informó
que el Gobierno local está trabajando
con Agader y el GDR para
poner en marcha un proyecto de
movilidad de tierras, un sistema
de permutas para que los vecinos
de mutuo acuerdo puedan hacer
un proceso de reordenación del
territorio.
Asimismo, el ‘popular’ lleva en
su programa electoral la puesta
en marcha de aldeas modelo, una
«recuperación integral de aldeas
rurais», tanto de las viviendas
como de negocios, así como crear
actividad agrícola en la franja más
próxima a esos núcleos.
Impulsará también un programa
de acompañamiento a las personas
mayores que viven solas.
inversión histórica. En este
último mandato el PP invirtió más
de 20 millones de euros en proyectos
directos en el rural estradense,
«a inversión histórica máis grande
que tivo a Administración local»,
indicó López. Entre las actuaciones
destacó los 8,5 millones de
euros de la IDAE para el cambio
de luminarias; seis millones de
euros en asfaltado de la red viaria
del rural; se está ejecutando a
día de hoy la señalización integral
del rural, en la que se invierten
830.000 euros; y más de un millón
de euros en la mejora de las
traídas de aguas públicas.

«Desde o BNG cremos que hai que levantar o asfalto, polo menos nos anacos que están peor, e volver a asfaltar; a solución rápida de López só servirá para pasar as eleccións

O concello parcheou as fochancas do Souto de Vea, máis dun mes máis tarde de que o BNG da Estrada denunciara o mal estado deste vial. Con todo, no BNG amósanse críticos coa solución, xa que, segundo explica Xoán Reices, «isto é só un apaño para pasar as eleccións, xa que dentro duns meses volverán a saír as fochancas, como aconteceu desde o último bacheo, hai xusto un ano».

«Desde o BNG cremos que hai que levantar o asfalto, polo menos nos anacos que están peor, e volver a asfaltar», afirma Reices, «a solución rápida do concello é unha chapuza».

O candidato do BNG afirma que «o alcalde, que mesmo foi revisar o parcheado chapuceiro que fixeron, dándolle o visto e prace, non respecta aos veciños e veciñas do Souto de Vea e aos centos de persoas que pasan todos os días por este vial, camiño de paso para ir a Santiago de Compostela».

«Por outra parte», engade Reices, «volvemos a insistir en que é necesario pintar o vial, delimitando os carrís e as zonas de aparcadoiro». «Tal e como está agora é un perigo», explica, «é unha irresponsabilidade ter este vial municipal nestas condicións tendo o volume de tráfico que ten».

 A programación desenvolverase do 23 ao 27 de xuño e incluirá unha
ampla variedade de propostas de diversa índole dirixidas a todas as
idades.
 Ademais dos concertos de artistas internacionais como Carlos Baute e
Tanxugueiras e das mellores orquestras do eido autonómico a
programación inclúe tamén numerosas actuacións de agrupacións
locais.

 Instalarase unha pantalla na praza do Concello para que os
negocios locais que o desexen poidan promocionarse previo
pagamento dunha cota destinada a sufragar os festexos.

As Festas de San Paio da Estrada contarán con
artistas internacionais da talla de Carlos Baute e Tanxugueiras como cabezas
de cartel, ademais das actuacións das orquestras París de Noia e Combo
Dominicano, dúas das grandes referentes da verbena galega.
O Concello deu a coñecer esta mañá a programación completa das festas
patronais nun acto no que participaron o alcalde, José López, e o edil Gonzalo
Louzao, quen foi o encargado de avanzar as diferentes actividades que
integran os festexos, así como o deseño do cartel, deseñado polo estudo
estradense ‘Monsterstudio’, e integrado por diferentes elementos municipais
como a fachada do consistorio ou o palco.

Venres, 23 de xuño
Deste xeito, a programación dará comezo o día 23 de xuño, véspera de San
Xoán, co Xfest2023 desde as 16.00 horas. Ás 21.00 horas terá lugar o
acendido da iluminación e a sardiñada de San Xoán e unha hora máis tarde, ás
22.00 horas, Roi Casal dará un concerto no aparcadoiro da avenida de
América, mesmo emprazamento no que se celebrará un lumeiro ás 00.00
horas, antes de que La Quinkillada despida a xornada coa súa música na zona
dos viños desde as 00:30 horas.

Sábado, 24 de xuño

O sábado contará durante a mañá con diversos pasarrúas, bombas de
palenque e sesión vermú na zona dos viños. Na mesma xornada, a Alameda
acollerá os campionatos de 3×3 de baloncesto en categoría base, ás 10.00
horas, e absoluta, ás 16.00 horas. Pola súa parte, o Teatro Principal será o
escenario do festival de fin de curso de Musikenos desde as 18.00 horas e a
praza de Galicia albergará ás 20.00 horas a Gala XXV anos banda de gaitas de
Barbude co Grupo Folklórico Trebeyu, Rancho Folclórico de Silvares e Banda
de Gaitas de Barbude.
O espectáculo Infantil ConFusión de Píscore e a actuación da Banda de Música
Municipal da Estrada, ás 21:00 horas na praza do Mercado, serán a antesala
da lectura do pregón a cargo de Olaia Maneiro, ás 22:00 horas, que será
seguido polo concerto das Tanxugueiras previsto para as 22.30 horas na praza
do Concello. A actuación da orquestra Galilea na Porta do Sol, a partir das
00.00 horas, e o Rancho Folclórico de Silvares – Portugal, á mesma hora na
zona dos Viños porán o punto e final ao segundo día de festexos.

Domingo, 25 de xuño
A xornada dominical volverá contar en horario matinal con bombas de
palenque, pasarrúas e un concerto da Banda de Música Cultural da Estrada na
Alameda Municipal ás 13.00 horas.
A tarde incluirá diversas propostas para os máis cativos como a actividade ‘A
xogar na Rúa’, na zona dos viños ás 17.00 horas, e o día do neno con
actividades acuáticas e festa da espuma no mesmo horario na praza do
Mercado. Ás 18.00 horas terán lugar as finais dos torneos de tenis nas pistas
municipais, un pasarrúas a cargo da Charanga BB+ e a exhibición da Escola
de Baile Sondodance no Teatro Principal.
A verbena nocturna estará protagonizada pola actuación da orquestra Os
Satélites, ás 21.00 e ás 00:30 horas na Porta do Sol; a Gala Tequexetéldere
xunto coa orquestra filharmónica cidade de Pontevedra, ás 22.00 horas na
Praza de Galicia; o concerto de Carlos Baute, ás 23.00 horas na praza do
Concello; e o Start of Summer Festival con Michenlo, Groove Amigos, Carlos
López e Totti x Elop e Saso na Praza do Concello, ás 01:00 horas.

Luns, 26 de xuño
As bombas de palenque abrirán desde as 11:00 horas o día da celebración de
San Paio. Á mesma hora dará comezo a Festa da Bicicleta na praza do
Mercado e un programa de Radio Estrada coa presentación do libro Historia do
Teatro Principal, na rúa Calvo Sotelo.

Polo mediodía celebraranse os concertos da Banda de Música Municipal de
Santiago no Teatro Principal, ás 13.00 horas, e de The Narts na zona dos Viños
ás 14.00 horas.
Ás 20.00 horas terá lugar a tradicional misa na honra de San Paio cantada pola
Coral Polifónica San Salvador de Camanzo con procesión a cargo da
Agrupación Musical de Cornetas, Tambores e Gaitas ACOTAGA de Ferrol.
Pola noite, a verbena correrá a cargo de Big Band obradoiro de música
moderna Carlos Barruso, ás 22.00 na praza do Concello, o concerto de
Monolous Dop, no mesmo emprazamento ás 23.00 horas e o concerto do
Combo Dominicano desde as 23.00 horas na Praza de Galicia.

Martes 27 de xuño
O derradeiro día de festexos comezará coa celebración do torneo 3×3 de fútbol
en categoría base ás 10:00 horas na Alameda. A continuación, ás 11:00 horas
tiraranse as bombas de palenque e ás 11:30 haberá un pasarrúas da man da
Banda de Música Municipal da Estrada, que tamén ofrecerá un concerto ás
13.00 horas na Alameda Municipal, seguido pola actuación de Algo Pasa con
Mery na zona dos Viños ás 13:30 horas.
Pola tarde desputarase o torneo de fútbol 3×3 en categoría adulta ás 16:00 na
Alameda, un espectáculo de Batucada a cargo da Escola Latexo Percusión ás
19:00 na rúa Calvo Sotelo e Misa Cantada pola Coral Polifónica Estradense e
procesión do Santísimo a cargo das Bandas de Música Municipal da Estrada e
Militar da Brilat, que ofrecerán un desfile e concerto na Praza do Concello.
Pola noite a actuación da orquestra París de Noia na praza do Concello
despedirá as festas patronais desde as 22.30 horas, mentres que ás 00.30
horas realizarase a tirada dos fogos de fin de festa na Cañoteira.

Instalación dunha pantalla promocional
Unha das principais novidades desta edición consistirá na instalación dunha
pantalla dixital na praza do Concello para que os establecementos locais
poidan promocionarse previo pagamento dunha taxa que variará en función da
duración de cada anuncio. A medida, anunciada polo concelleiro Gonzalo
Louzao busca “modernizar o concepto tradicional de revista de festas,
ofrecendo unha alternativa máis sostible coa que darlle unha maior visibilidade
ao tecido comercial estradense ao mesmo tempo que se acadan fondos para
os festexos de San Paio”.
Ademais, habilitarase un un número de conta para que as persoas que
desexen colaborar cos festexos poidan facelo.

A Xunta licitou hoxe por máis de 32,3 M€ as obras da prolongación do primeiro treito da autovía AG-59, entre Santiago de Compostela e A Estrada.

A conselleira de Infraestruturas e Mobilidade, Ethel Vázquez, mantivo un encontro de traballo hoxe co alcalde da Estrada, José López Campos, na Casa do Concello no que abordaron o novo paso administrativo para dar continuidade á autovía nun total de 3,5 km de lonxitude libre de peaxe. 

Tal e como trasladou Vázquez Mourelle no transcurso da xuntanza, o Consello da Xunta autorizou xa a contratación do primeiro treito da prolongación da AG-59, entre A Ramallosa e Pontevea, e hoxe mesmo a Plataforma de Contratos Públicos de Galicia recolle a licitación da obra dos máis de 3,5 km de lonxitude que conforman este primeiro treito. 

As empresas interesadas neste contrato, licitado por un importe superior aos 32,35 M€, teñen de prazo ata o vindeiro 6 de xuño para presentar as súas ofertas.

O prazo de execución dos traballos é de 20 meses. A previsión da Xunta é adxudicar as obras no verán co obxectivo de poder inicialas no outono deste mesmo ano e, de xeito paralelo, seguir a traballar no proxecto de construción das obras da segunda fase de prolongación da autovía, que serán 4 km máis entre Pontevea e O Rollo, xa no municipio da Estrada. 

Os traballos recollidos no contrato licitado hoxe céntranse no primeiro treito, que irá desde A Ramallosa ata o enlace coa AC-241, en Pontevea, e construirase de xeito paralelo á estrada AC-841, atravesando o municipio de Teo.  

A súa lonxitude acadará algo máis de 3,5 km e contará con dous enlaces: adecuándose o xa existente na Ramallosa coa estrada AC-841, e outro de nova construción, sobre a estrada AC-241, ao final do treito e rematando nunha glorieta de 20 m de radio sobre a propia estrada autonómica.  

Tamén se inclúen 6 novas estruturas: o viaduto de Santa Lucía de 150 m de lonxitude, 3 pasos inferiores e 2 pasos superiores (un en cada enlace). Ademais prevense ao longo do trazado variantes das estradas actuais e camiños de servizo. 

O segundo treito proxectado, cun investimento estimado de 34 M€, unirá o enlace da AC-241, en Pontevea, coa PO-841, chegando ata O Rollo, xa no concello da Estrada, tamén de xeito paralelo á estrada autonómica.  

A súa lonxitude superará os 4 km, cun enlace consistente na construción dunha glorieta a nivel sobre a estrada PO-841, situada no final do treito.  

Incluirá, ademais, 9 novas estruturas: 2 viadutos -un sobre o río Ulla e outro sobre o río Vea-, 4 pasos inferiores, 1 paso superior e 2 muros. 

O proxecto de prolongación da autovía AG-59, entre Santiago de Compostela e o municipio estradense ten como obxectivo aumentar a capacidade do itinerario entre A Ramallosa e A Estrada e mellorar a seguridade viaria cunha autovía de 4 carrís, calzadas separadas e os máis altos estándares de calidade.  

O obxectivo desta actuación é facilitar a comunicación e a vertebración territorial entre Santiago e a comarca de Tabeirós-Terra de Montes, reducindo a 10 minutos os tempos de viaxe entre A Estrada e a capital de Galicia.

A infraestrutura busca, tamén, incrementar a competitividade do municipio da Estrada, sede de importantes institucións como a Academia Galega de Seguridade Pública, do Centro Integrado de Emerxencias 112 e do 061, e cunha grande actividade económica e empresarial.

Xoán Reices: «O PP utiliza as institucións para anunciar na Estrada unha obra que de momento non vai pisar o noso concello, e que vai ter nula repercusión nos tempos de desprazamento a Santiago de Compostela, e o que é peor, que converterá Pontevea nun funil»

AUTOVIA AG-59 QUE SERA AMPLIADA HASTA A ESTRADA

Onte no Instagram do concello da Estrada unha publicación daba conta da reunión do alcalde, José López, coa conselleira de infraestruturas, Ethel Vázquez, onde se anunciaba aos veciños e veciñas da Estrada a licitación do tramo A Ramallosa – Pontevea, da AG-59. Na publicación tamén se indicaba que podería facerse a conexión entre A Estrada e Santiago en 10 minutos.

O candidato do BNG á alcaldía, Xoán Reices explicou que «López vende fume e o grave é que o fai a través das redes sociais do concello, no canto de facelas desde as súas persoais. É imposible chegar a Santiago de Compostela en 10 minutos a menos que López faga como Baltar e vaia a 200 kilómetros por hora».

«Pero á marxe diso», explicou o candidato do BNG, «o que se vai licitar é o tramo que vai da Ramallosa a Pontevea, polo que para A Estrada pouca ou nula repercusión vai ter a curto prazo esa ampliación da autovía». «É máis», engade Reices, «non deixa de ser un acto de propaganda electoral do PP que usa as institucións ao seu antollo para vir á Estrada a anunciar unha obra que de momento non vai pisar o noso concello, e como dixen, pouca repercusión vai ter nos tempos de desprazamento, xa que, como o propio alcalde recoñece, vai converter Pontevea nun funil, onde van ser habituais os atascos».

Por outra parte, o candidato do BNG tamén reiterou o posicionamento encontra do trazado da AG-59 escollido pola Consellaría de Infraestruturas. «Desde o BNG xa dixemos que ía ser desastroso desde todos os puntos de vista», afirma Reices, «de feito fomos o único partido que presentou alegacións ao proxecto pedindo un novo trazado menos lexivo medio ambientalmente, porque vai afectar o noso patrimonio, posto en valor no seu día con cartos públicos que pronto van verse enterrados, así como a terras agrarias de Santa Cristina de Vea e Cora». «Ademais,» indica Reices, «o proxecto de autovía tamén discorrerá entre as casas de Santa Cristina de Vea, especialmente no Rollo, cuxos veciños e veciñas verán como se deteriora a súa calidade de vida.»