A Estrada na Rede

O ciclo Un cómico na aldea emprende este sábado unha nova xira
polo amplo rural estradense. Un total de 20 parroquias do municipio
sumaranse a unha proposta coa que o Concello da Estrada, ao abrigo
dos fondos #NextGenerationEU, busca favorecer a dinamización da
actividade cultural en todo o territorio municipal, estimulando a
“convivencia comunitaria e achegando o feito cultural ás nosas aldeas,
revitalizando os locais sociais e diversificando a oferta cultural”,
segundo indicou onte o edil de Cultura, Juan Constenla.
O concelleiro precisou que esta segunda edición chega despois de
que 14 artistas ofrecesen o pasado outono un total de 21
actuacións con preto de 1.000 espectadores acumulados. A nova
convocatoria bota a andar o sábado e continuará facendo chegar a
comedia ao rural estradense ata o domingo 5 de marzo, mes no que
este programa complementarase cunha nova entrega do ciclo O
Teleclube da Comedia.
Nesta nova aposta, Un cómico na aldea contará con Isi, Celso
Sanmartín, Chévere, Avelino González, Isabel Risco, Quico
Cadabal, Fede Pérez, Pablo Chichas, Miguel Guido, Ou Pai Xiao,
Ou Meigo Toño, Bandullo Azul, Chelo do Rejo, Toño Pena,
Gonzalo Valcárcel, Malasombra Teatro e a unidade de produción
da Escola Municipal de Artes Escénicas. De igual xeito, o Concello
contará para esta nova xira coa Coral Polifónica de Berres e a
guitarrista Isabel Rey Sanmartín, que se sumarán ao roteiro que se
celebrará en Berres na mañá do 18 de febreiro.
Nesta primeira fin de semana, o ciclo contará coas actuacións de
Isabel Risco en Tabeirós (mañá ás 20.00 horas) e coas de Chévere e
Celso Sanmartín nos locais de Santo André de Vexa e Santeles,
respectivamente. A primeira destas dúas actuacións será ás 18.00 e, a
segunda, ás 18.30.

A secretaria xeral de Política Territorial do Ministerio de Política Territorial, Miryam Álvarez Páez; o delegado do Goberno, José Miñones; o secretario xeral provincial do PSdeG-PSOE e delegado do Goberno na Zona Franca, David Regades, e o voceiro do PSdeG-PSOE na Estrada, Luis López Bueno.

Durante o acto falouse da Estratexia contra o Reto Demográfico do Goberno de España e da chegada dos fondos europeos do Plan de Recuperación, Transformación e Resiliencia aos concellos de Galicia, incluíndo o plan de Banda Ancha do Goberno de España, que está facendo posible a conectividade. López Bueno fixo énfase na rápida estensión da fibra óptica no rural galego, “igualando oportunidades”, e mesmo apuntou que “hai algún alcalde do PP por aí tratando de atribuírse o mérito, dicindo que a fibra chega polas súas xestións, cando todo o mundo sabe que chega gracias aos recursos millonarios que está a poñer o Goberno de España”.

A xestión do Goberno de España a prol dos concellos, posibilitando que desenvolvan proxectos propios con financiamento europeo e o papel intermediador da Deputación de Pontevedra para que eses fondos cheguen aos concellos, foi tamén outro dos eixes da intervención; en contraposición a unha Xunta de Galicia que trata de absorber tódolos fondos europeos e bloquear a súa chegada ao mundo local. Neste eido destacáronse os 12,2 millóns de fondos europeos que xa teñen chegado á nosa provincia a través da Deputación, entre eles os 1,5 millóns do Plan de Sostibilidade Turística en Destino das comarcas do Deza e Tabeirós-Tera de Montes.

Miryam Álvarez tamén explicou o labor do Goberno de España en favor da cohesión territorial de España, tomando decisións en tódolos ámbitos para destensionar a política española e facilitar o diálogo e o entendemento con tódalas comunidades autónomas.

Luis López Bueno repetirá como candidato do PSOE á alcaldía
da Estrada. O pasado venres celebrouse Asemblea Extraordinaria da
Agrupación Socialista da Estrada na que se deu conta do proceso de primarias
para elixir candidato ás eleccións municipais no municipio e ratificouse o
proxecto de López Bueno para concorrer ás vindeiras eleccións municipais.
López Bueno agradeceu o respaldo sen fisuras dos militantes e simpatizantes
para continuar o camiño dun “proxecto político estable”. Indicou que a
decisión persoal “leva tomada dende o 27 de maio de 2019” e mostrouse
“motivadísimo” diante dunha “nova oportunidade para conseguir o cambio
que precisa A Estrada”.
Na súa intervención, o voceiro socialista destacou o traballo “incansable” do
Grupo Municipal Socialista neste mandato e instou ás bases a manterse
“pegadas á rúa e preocupadas polos problemas da Estrada”. Remarcou que o
PSOE da Estrada camiña “na boa dirección”, o que se reflexa nas posicións
que ocupa A Estrada nos órganos do PSdeG e tamén na rúa, onde “moitísimos
veciños e veciñas se achegan a nós para trasladarnos os seus problemas”.
Tamén se referiu aos principais retos que debe enfrontar A Estrada nos
vindeiros anos, como é corrixir a ausencia de política industrial, a ausencia
de política de vivenda, enfrontar con medidas “serias” o reto demográfico e
levar ás parroquias os servizos municipais: “políticas de verdade, non só
política de obras”.
Destacou que as cifras oficiais demostran que A Estrada perde veciños ano a
ano, que estamos no peor momento demográfico dos últimos 180 anos e que
a economía da Estrada se reduciu nun 3,2 % dende 2018 a 2020. “O que é
medible non é opinable: as cifras oficiais reflexan o resultado do Goberno do
PP. Hai que cambiar o goberno para poñer á Estrada na senda do crecemento”.
Recordou as propostas encabezadas polo PSOE durante o ano 2022, como foi
a moción para a solicitude dun Punto de Encontro Familiar, o inicio da
campaña de empadroamento (proposta socialista no 2020) ou a solicitude de
autorización para unha botica anexa na zona do Centro de Saúde de Oca.
Ademais avanzou as liñas que se seguirán nos vindeiros meses, que se farán
públicas “proximamente” nunha comparecencia pública, e detallou que o
comité electoral xa traballa na actualización de propostas de cara ao
programa das eleccións municipais.

O concello da Estrada suma habitantes por primeira vez en 15 anos

O concello da Estrada non foi alleo nos últimos anos a
fenómeno de despoboamento dos concellos do interior de Galicia. En
nos últimos 15 anos houbo unha tendencia á baixa que, debido a
a primeira vez, está roto. Segundo informou onte o alcalde, José López, o
Padrón de habitantes cifras o número de residentes na capital
de Tabeirós-Terra de Montes, a 31 de decembro de 2022, en 20.243, un
cifra lixeiramente superior á rexistrada o ano anterior, cando
pechou 2021 con 20.202 habitantes. E isto, "é unha boa noticia", apuntou
o presidente estradense, porque “por primeira vez nos últimos 15 anos
poboación de sumouse.
José López atribúe este dato positivo ás diferentes políticas postas
posta en marcha polo goberno local para promover a natalidade, o
reconciliación e, sobre todo, grazas á última campaña de
concienciación 'Contigo somos máis e mellores', dirixida a espertar o
concienciación social na rúa sobre a importancia dos habitantes
rexistrarse onde residen e onde se benefician dos servizos.
O presidente explicou que “na recta final do ano 2022 decidimos facer
esa campaña de conciliación para que a xente se inscriba non o é
concello", unha campaña "bastante potente que tivo un rápido retorno e
bastante positivo", a través do cal "conseguimos espertar menos
á conciencia social”, porque “algúns non son conscientes da importancia de
estar rexistrado como non municipio" para cuestións tan transcendentes como
«seguir mantendo os servizos públicos que presta un Concello coma nós ou nós».
Ademais, López fixo fincapé nas políticas postas en marcha polos seus
equipo para promover a conciliación da vida laboral e familiar. «A Estrada
Son un referente nas políticas de canto de apoio ás familias”, afirmou, pero
"Aínda non é suficiente, hai que seguir camiñando nesa dirección".

Despois de dous anos de parón pola pandemia da COVID-19, o Judo Club BASE retoma
o Campionato de Judo Infantil “Concello da Estrada”, será o domigo 5 de Febreiro, a partir de 10
da mañá no pavillón Manuel Coto Ferreiro con horario previsto de remate ás 14:00. Nesta sexta
edición do evento, a máis ambiciosa do club ata o momento, xuntaranse 525 nenas e nenos dun
total de 17 clubes de Galicia e Portugal, ademáis do anfitrión. Desde a provincia de Pontevedra
participarán o Club de Judo Baixo Miño ,(A Guarda), o J.C. Campolongo ,(Pontevedra), o Senra
Vilagarcía, o Judo Club Pontevedra, o Judo Club Senín ,(Cambados), e o organizador, o Judo Club
BASE, (A Estrada). Desde a provincia de Lugo desprazaranse ata A Estrada o J.C Lugokan, o AD
Judo Muralla e o Lvcvs Dojo. Desde a provincia de A Coruña farano o Colexio M. Peleteiro,
(Santiago), O Vilas Alborada, (Santiago), o J.C. Terras de Santiago, o Escola Judo Club, (Vedra),
O Judo Club Hércules (A Coruña), o J.C. Oleiros e o San Francisco, (Teo). Haberá representación
Portuguesa no pavillón Manuel Coto Ferreiro da Estrada, onde os clubes de Judo de Viana do
Castelo e da Ponte de Lima asistirán con varios deportistas a esta cita xa asentada dentro do
calendario de competicións infantís en Galicia. Coma en edición anteriores, haberá, ademáis da
zona de competición, unha zona lúdica con obradoiros e inchables para que @s pequen@s
poidan disfrutar mentras non é a súa quenda de participación.
“Como ven sendo habitual, o Concello e o seu departamento de deportes é o maior
colaborador da organización para poder sacar este proxecto adiante, desde o primeiro ano
colaboraron e puxeron tódolos medios necesarios para que este evento fose un éxito” relata
Xaquín Baldomir, presidente do Judo Club Base. Ademais das institución públicas, o tecido
hostaleiro e empresarial da Estrada tamén está volcado coa celebración deste evento que
apoian e co que colaboran a ACOE, SBC Gasolineras, a asociacion de Hostaleiros da Estrada, o
Bar Oasis, Tiko Doco, as empresas de tempo libre GEO e CPM, a pastelería Mimela, a panadería
Cervela, o restaurante Rio Liñares e o Centro Deportivo Rola.
Ademáis de tódalas colaboración anteriores, este ano, por primeira vez, a cita
Estradense forma parte do calendario da Federación Galega de Judo e conta coa colaboración e
apoio da entidade para a súa celebración. Será a primeira de tres citas que a entidade federativa
ten programadas no Concello para este 2023. O 5 de Marzo realizarase o Campionato Galego
Escolar neste mesmo pavillón, de onde sairán as selección galegas Infantil (Sub15) e Cadete
(Sub18) que representarán a Galicia no Campionato de España Escolar. Xa como guinda final, A
Estrada acollerá unha concentración senior Pre-Mundial, do 2 ao 6 de Abril, onde estarán os
mellores judokas do Estado preparándose para o campionato do mundo, e onde participarán
tamén as selección galegas.
“Desde o Judo Club BASE estamos moi contentos co salto de calidade que da o noso
deporte dentro do Municipio: Poder retomar este campionato e facelo dentro do marco do
calendario da Federación producenos unha alegría inmensa. A acollida está sendo fantástica e
cada ano temos mais apoios e máis visibilidade”

A visita á Porta do Alén no Monte Seixo guiada por CALROS SOLLA dentro da programación do Panic.

Este sábado o BNG da Estrada organizou en Sabucedo unha reunión informativa cos veciños e veciñas sobre o impacto do parque eólico do Campo das Rosas. Nesta reunión participou Xoán Reices, candidato á alcaldía, e Montse Prado e Luís Bará, deputada e deputado do BNG no Parlamento Galego.

O candidato do BNG explicou aos veciños e veciños, que «o BNG está determinado a parar o parque eólicos do Campo das Rosas que proxecta executar Naturgy, e que recentemente a Xunta do PP aprobou o informe de impacto ambiental». «Para iso», explicou Reices, «impulsaremos unha serie de medidas a nivel institucional, en primeira instancia, no concello, mais tamén a través do Parlamento Galego».

«Neste sentido», explicou Reices, «a través da nosa concelleira, Susana Camba, rexistraremos unha moción para que o pleno da corporación, non só rexeite este parque eólico, senón tamén instamos ao goberno municipal a tomar todas as medidas necesarias, mesmo xudiciais, para paralizar este parque eólico, que suporá unha desfeita ambiental, pola repercusión que terá na fauna salvaxe, en especial os cabalos, e por suposto pola repercusión que terá na festa declarada de interese internacional que se celebra todos os anos en Sabucedo, A Rapa das Bestas».

O candidato do BNG afirmou que «o grupo municipal do PP ten que posicionarse; ou está cos veciños e veciñas de Sabucedo que non queren parque eólico ou está coas eléctricas». «De pouco van servir as fotos en FITUR dos concelleiros do PP promocionando a Rapa se este parque eólico vai adiante», afirma Reices.

Xoán Reices indicou que «os muíños de vento que proxecta Naturgy están preto doutras instalacións semellantes en tramitación como a de Cabanelas, a do Monte de Arca, as Penizas, pico Touriñán, Porto Vidros e Touriñan III. A instalación en tramitación máis próxima atópase a só 1.800 metros e a máis afastada está a algo máis de 3 quilómetros.». «Diseccionar os parques en varios proxectos é un truco que empregan as eléctricas», engade, «e isto debería terse en conta á hora de emitir o informe de impacto ambiental».

Iniciativa no Parlamento

Pola súa parte, Montse Prado e Luís Bará explicaron que «efectivamente o truco de dividir os proxecto leva a que proliferen como cogomelos os muíños de vento nos nosos montes, cun enorme impacto ambiental e socio-económico, en no caso do parque do Campo das Rosas, tamén desde o punto cultural e patrimonial, xa que terá un impacto moi grande sobre a fauna cabalar e sobre a festa da Rapa coñecida internacionalmente».

«Neste sentido», explicaron Montse Prado e Luís Bará, «impulsaremos unha iniciativa parlamentar para solicitar un novo informe de impacto ambiental tendo en conta a superposición de parques e proxectos na mesma zona, tal e como explicou Reices».

«Isto é unha práctica habitual das eléctricas», afirman, «e xa hai sentenzas que lograron paralizar proxectos; o que non pode ser é que teñamos un goberno da Xunta aliado das grandes empresas depredadoras da nosa enerxía, sen que iso repercuta economicamente na veciñanza, cando tiña que ser aliado dos intereses do pobo galego».