A Estrada na Rede

Con motivo do inicio do Festival de cine de terror Panic o próximo 15 de
xaneiro, o Concello da Estrada e a Escola Municipal de Artes Escénicas da
vila, convocan os concursos de curtametraxes e fotografía de terror Panic
O concurso de curtametraxes, que contará cun premio de 300,00€, esixe que
os traballos teñan unha duración máxima de 20 min de duración, incluídos os
títulos de crédito. Ademais terán unha temática baseada no terror ou no
misterio, e estarán realizados en lingua galega ou subtitulados á dita lingua.
Pola súa banda, o concurso de fotografía conta con dúas modalidades. A
primeira dirixida ao alumnado dos IES, cunha contía de 150,00 repartida en
dous premios de 100,00 e 50,00 €, respectivamente. A modalidade de
adultos estará aberta a todo o público, e contará cun premio único de
150,00€. Cada participante poderá concursar cun máximo de tres fotografías.
Tamén deberán estar tematizadas no ámbito do terror e do misterio.
Todos os interesados en participar nalgún dos dous certames poderán
consultar as bases dos concursos nas web www.panic.aestrada.com e
www.aestrada.org que estarán dispoñibles a partir deste mércores 4 de
novembro.
As fotografías e curtas finalistas serán visionadas en pantalla grande durante
a Gala final do festival que terá lugar o 5 de febreiro ás 23.30 h en Minicines
Central, gala na que se lle entregará o premio á curta e ás fotografías
gañadoras de cada modalidade. O prazo de entrega de orixinais finalizará o
31 de xaneiro.
A mediados de decembro presentarase a programación completa da nova
edición do festival.

O programa de dinamización lingüística FalaRedes e o Servizo de
Normalización Lingüístico do Concello da Estrada, en colaboración con
Minicines Central, programarán dous pases do filme O que arde o vindeiro
venres día 13 de novembro. Un evento enmarcado dentro do programa CINE.
NO CAMIÑO posto en marcha polo Xacobeo e a Xunta de Galicia.
Galardoada con dous Premios Goya e preseleccionada aos Óscar, o filme
de Oliver Laxe visita a Estrada despois de converterse nunha das
longametraxes máis aplaudidas do ano. Todos os interesados en vela
deberán recoller a súa invitación no departamento de Cultura do Concello a
partir do luns día 9 de novembro.
Os pases terán lugar nunha sala de Minicines Central ás 18.30 h e ás 20.30
h, respectivamente. Só haberá 70 convites dispoñibles por mor do protocolo
sanitario, 35 para cada pase.

“PSOE e Podemos esquecen o noso concello; novamente os orzamentos do Estado previstos para 2021 volven esquecer a Variante da Estrada, consignando uns miserentos 100.000 euros que non servirán para impulsar esta infraestrutura no noso concello”, afirma a concelleira do BNG, Susana Camba.

“Mais a culpa deste agravio continuado o noso concello non só é atribuíbel ao goberno de coalición do Estado, o alcalde, coma sempre, non fixo nada ao longo destes meses para que A Estrada contara nos orzamentos do Estado”, explicou a concelleira nacionalista.

Susana Camba explica que “temos un alcalde inútil para defender os intereses do noso concello, só se encarga de vender o que lle poñen enriba da mesa as empresas privadas, é incapaz de levantar o teléfono para preocuparse polos intereses colectivos, de preocuparse polo estado da Variante e da súa evolución”.

A concelleira do BNG anunciou que presentará emendas para “darlle un impulso a esta infraestrutura tan necesaria para vertebrar o noso territorio e desconxestionar o centro da vila”. “A Estrada non pode agardar máis tempo, queremos a Variante e querémola xa”.

Agradecemos o recoñecemento do premio San Martiño que se fai á Asociación Cultural “Vagalumes” polo seu labor a prol da normalización lingüística. Non tanto polo recoñecemento aos membros da nosa entidade como á causa pola que existimos e os obxectivos que nos propoñemos de defensa da nosa lingua, o noso patrimonio e a nosa memoria histórica. Para nós que se valore e se recoñeza este tipo de actividade nestes momentos de persecución do galego é positivo e deixa en evidencia as políticas de exterminio que estamos a sufrir.
A Asociación Cultural “Vagalumes” naceu no seu momento no seo da plataforma “Queremos Galego!”. Esta Plataforma xurdiu como resposta ás agresións que desde o goberno galego se desataron contra a nosa lingua das cales un Decreto no que, entre outros agravios, se prohibía o seu uso nas aulas das materias científico-técnicas, para nós era un dos atentados máis graves contra o idioma desde o comezo das institucións autonómicas.
É normal que se impida dar aulas nun país no propio idioma? Nós consideramos que non. Como non o é que no Concello da Estrada se esixa presentar a documentación en castelán como aconteceu recentemente. E por iso a normalización lingüística é un dos eixes fundamentais da nosa actuación dentro do cal inscribimos  a recuperación e difusión dos nosos escritores inxustamente esquecidos e desprezados.
Outro dos eixes do noso labor é a defensa do patrimonio natural, material e inmaterial da nosa comarca. Tabeirós-Terra de Montes é unha comarca especialmente rica nese patrimonio. Lamentablemente é pouco coñecido e valorado. Nalgúns casos mesmo sofre un desleixo inaceptábel.
E por último o noso compromiso ético coas vítimas do franquismo lévanos a traballar na loita pola verdade, xustiza e reparación nos nosos Concellos. Outra das grandes eivas que temos como sociedade e que xa non é que desde as Administracións Locais se colabore neste sentido senón que mesmo se rende tributo aos represores mantendo nas súas rúas homenaxes aos seus referentes. Por exemplo, no caso da Estrada a rúa principal a Calvo Sotelo ou en Cerdedo a Manuel Gutiérrez Torres.
Este recoñecemento agardamos que serva para contribuír a avanzar como sociedade nestas tres direccións ás que se dedica a nosa asociación. E nese sentido asumimos o devandito premio como un incentivo para seguir a camiñar conxuntamente cos que compartan o noso amor polo país e pola verdade para mellorar a nosa comarca, a nosa Terra e un mundo que cada vez precisa máis do activismo e compromiso da xente.  

. O PSOE reafírmase nas súas declaracións de que A Estrada
non realiza test de antíxenos por unha “decisión política” da Xunta de
Galicia. Luis López Bueno garante que a decisión sobre os centros que
comezarían os ensaios non foi tratada no Comité Clínico porque non é unha
cuestión que lle competa a ese Comité. O líder socialista afirma que os
centros foron “nomeados a dedo” no Protocolo de detección que está
probando o Sergas. De todas as maneiras, o único certo é que o Centro de
Saúde quería facer eses tests e o alcalde non lle brindou apoio “por
descoñecemento ou por indolencia”.
Valoran dende o PSOE que se a decisión fora técnica, non se lle ofrecería a
posibilidade de solicitar a realización de test de antíxenos aos centros, se
non que se contactaría directamente cos seleccionados para comunicarlles a
decisión. “Se o Centro de Saúde da Estrada puido solicitar os test é porque
o Sergas pediu voluntarios” sentencian.
O socialista valora que o alcalde está moi incómodo porque ultimamente só
recibe labazadas por parte da Xunta de Galicia. Pídelle ao alcalde que
intente ser “un pouco menos do PP” e valore as decisións con criterio e non
“coma un hooligan de dereitas”. López Campos utilizou o 8-M para atacar
ao Goberno Central na primeira onda da pandemia e agora carga contra o
novo estado de alarma mentres Galicia bate récords todos os días “coa
Xunta exercendo as súas plenas competencias”. López Bueno considera que
“López Campos leva toda a pandemia utilizando argumentos ridículos” e
asegura que foi incapaz de tomar “medidas concretas” na loita contra a
Covid.
Nese sentido, recorda que o Goberno local sempre foi a remolque do PSOE
nos últimos meses, “fomos nós os que pedimos unha Comisión Covid,
pedimos que o Concello provera mascarillas para os veciños e veciñas,
pedimos medidas económicas como os vales para o comercio local, pedimos
desinfección nas rúas e no mobiliario urbano…”. Algunhas desas medidas
aplicáronse despois de propoñelas, pero López Bueno insiste en que
“chegaron tarde e aplicáronse mal”. Tamén cre que “fomos moi
colaboradores” a pesar de que o alcalde “non levantou o teléfono nin unha
soa vez”.
No plano de desinfeccións López Bueno corrixe ao alcalde: “non insinuei que
a desinfección dos parques fora insuficiente, afirmeino”. O socialista garante
que se incumpre a lei porque non se están executando as desinfeccións
diarias que se requiren para mantelos abertos. Ademais diso, o voceiro
socialista considera “contraditorias” as declaracións de López Campos, “o
______________________________________________________________________
Agrupación Socialista da Estrada
______________________________________________________________________
Prolongación da R/ Castelao 16, baixo
sábado estaba valorando pechar os parques e o mércores di que non fai
falla porque non houbo contaxios”. López Bueno pensa que é un intento de
“estar ao prato e ás talladas” e pide claridade por parte do goberno local.
López Bueno lamenta fondamente que o alcalde arremeta contra el no plano
persoal. Considera que é unha actitude reiterada, sobre todo cando os
partidos da oposición revelan as “labazadas” A Estrada recibe da Xunta de
Galicia. López Bueno defende que “López Campos non é relevante para a
Xunta” e considera que iso non é unha falta de respecto: “é unha
realidade”. O líder socialista enmarca as súas declaracións na “crítica á
xestión política deste goberno” e reta ao rexedor a que atope unha
descalificación persoal en calquera declaración do socialista.

A entrada en nivel de alerta sanitaria nivel 2 por parte da gran maioría dos concellos de toda Galicia trouxo consigo medidas tales como que os Mercados Municipais en exterior teñen a obriga de reducirse ata un 50% no seu número de postos, así o adiantou o Concelleiro de Urbanismo, Eventos, Mercados e apoio á Cultura, Gonzalo Louzao na pasada xornada de feira, que xacontou con estas restriccións. Así pois, dende este mércores ata novo aviso este mercado, que conta con 100 puntos de ventas semanais, verá reducidos os seus postos filtrando en 2 grupos de 30 postos cada un os de textil e calzado, que rotarán cada 15 días para así asegurar igualdade de condicións para todos os de esta categoría.