A Estrada na Rede

O goberno do PP é un goberno «pasota», que non asume as súas responsabiliades

Durante o Campionato Galego de Ximnasia de Trampolín, no que participaron clubes de todo o país e mesmo había un de Valladolid, houbo días (concretamente o domingo) que, ao chegar pola mañá os participantes atopáronse co pavillón cheo de lixo (bolsas, latas, …) ciscado por todas partes, dando unha imaxe penosa e vergoñenta do noso concello. Foron os propios participantes do campionato os que tiveron que asumir as tarefas de limpeza que ten que coordinar ao goberno municipal do PP.

Desde o grupo municipal do BNG reiteramos unha vez máis que o goberno municipal ten que asumir as súas responsabilidades, reforzando a limpeza dos pavillóns cando sexa necesario. Non podemos dar unha imaxe tan lamentábel.

Por outra parte, desde o BNG non é a primeira vez que denunciamos a este goberno municipal polas súas graves irresponsabilidades á hora de xestionar; estamos ante un goberno “pasota” que vive obcecado polos grandes investimentos como o da Alameda, mentres ignora as pequenas cousas do día a día, pero que sen embargo teñen unha importante repercusión no benestar dos veciños e veciñas.

— 

 A mostra ao aire libre, que repasa a historia desta tradición que se remonta
ao século XVI, poderá visitarse ata o martes 3 de xullo
 Máis de 70 profesionais da comunicación de oito países acreditáronse xa
para cubrir os curros do sábado 7, domingo 8 e luns 9

A Rapa das Bestas de Sabucedo (A Estrada) convertiu hoxe
a alameda de Santiago de Compostela no seu mellor escaparate ao instalar unha exposición
ao aire libre que repasa a historia desta tradición centenaria -remóntase ao século XVI- e que
poderá visitarse ata o martes 3 de xullo.
Esta mostra enmárcase na campaña de divulgación que a Asociación Rapa das Bestas de
Sabucedo está a intensificar nos últimos días para promocionar a Rapa 2018, que se celebrará
entre os días 6 e 9 de xullo e que, como en anos anteriores, agarda reunir a máis de 20.000
persoas nun aldea de apenas 60 veciños.
Aínda que a programación de actividades arrancará xa na noite do xoves 5 coa IX Gala na
honra e louvanza dos aloitadores, as actividades máis agardadas serán «a baixa» dos cabalos e
bestas desde o monte na mañá do venres 6 e os curros do sábado 7 (19.00 horas), domingo 8
(12.00 horas) e luns 9 (12.00 horas). Nesta ocasión, a Asociación Rapa das Bestas de
Sabucedo decidiu que unha parte da recadación do curro solidario do luns entregarase á
Fundación Provincial do Banco de Alimentos, mentres que o resto destinarase á mellora das
condicións de vida dos cabalos e eguas nos montes da contorna de Sabucedo.
O festival RapaSons, o venres 6
Na noite do venres tamén está programada unha nova edición do festival RapaSons, que
presentará a actriz Isabel Risco e que contará a partires das 23.00 horas coas actuacións de
Davide Salvado, Fillos do Estramonio, Festicultores e Liviao de Marrao. Ademais, durante toda
a fin de semana a parroquia de Sabucedo acollerá distintas actividades musicais, culturais e de
animación infantil.
nota de prensa

Máis información: 673 156 204 (Alberto J. Rey) alberto.rey@somoswecom.com
Durante a inauguración da exposición ao aire libre na alameda compostelá, o presidente da
Asociación Rapa das Bestas de Sabucedo, Henrique Bazal, destacou que ata a data de hoxe o
gabinete de prensa da Rapa 2018 acreditou xa para cubrir os diferentes curros a máis de 70
profesionais da comunicación procedentes de oito países: España, Portugal, Francia, Italia,
Países Baixos, México, Colombia e Estados Unidos.
Nota: Nas fotografías adxuntas aparecen o presidente da Asociación Rapa das Bestas de
Sabucedo, Henrique Bazal, e Manuel Cabada, veciño de Sabucedo, hoxe, na alameda de
Santiago, diante dos paneis da exposición «O sentir dun pobo. Sabucedo e a Rapa das
Bestas

A Rapa das Bestas é unha expresión cultural que foi quen de perdurar no tempo e adaptarse a novas formas de entender o comportamento cos animais

A Rapa xa foi finalista en 2009 a optar á declaración de Patrimonio Inmaterial, mais como é obvio, non o conseguiu. É por este motivo queremos que o goberno municipal ten que ser o motor que impulse esta declaración, buscando a implicación de todos os sectores sociais, culturais, económicos e políticos do noso concello para acadar o obxectivo de termos o primeiro Patrimonio Cultural Inmaterial da Humanidade do noso concello. Neste sentido, o BNG da Estrada, a través do concelleiro nacionalista, Xosé Magariños, vén de rexistrar unha moción para instar ao goberno municipal a iniciar conversas coa asociación Rapa das Bestas, con todas aquelas entidades vinculadas á conservación do cabalo e con todas as asociacións culturais do concello para impulsar unha campaña para conseguirmos esta declaración para a Rapa das Bestas.

Esta declaración corresponde á UNESCO, organización dependente das Nacións Unidas, que leva traballado máis de 60 anos no ámbito do patrimonio cultural inmaterial, e ten por finalidade salvagardar o patrimonio cultural inmaterial que non conculque os acordos internacionais sobre dereitos humanos e que cumpra as esixencias de respecto mutuo entre as comunidades e o desenvolvemento mutuo, uns principios que cumpre sobradamente a Rapa das Bestas de Sabucedo. E aínda que só os gobernos dos estados poden someter a consideración do comité elementos do patrimonio cultural inmaterial, a proposta debe contar coa plena participación e consentimento da comunidade ou grupo de interesados. 

Neste sentido, o BNG vén de trasladar á Asociación Rapa das Bestas a moción e nos próximos días o concelleiro nacionalista, Xosé Magariños, explicará polo miúdo o contido da iniciativa nunha reunión coas persoas responsábeis da mesma.

A Rapa das Bestas é unha expresión cultural que, a pesar do cambio drástico que sufriu o mundo rural, foi capaz de perdurar no tempo e adaptarse a novas formas de entender o comportamento cos animais, neste caso co cabalo, respectándoos e mimándoos, un aspecto que non cumpren outros “espectáculos” de maior exposición mediática que a Rapa. Tamén é un exemplo de como unha pequena comunidade, a pesar dos cambios, foi quen de manter un xeito de traballar colectivo; conservaron e transmitiron as distintas xeracións este importantísimo legado.

Este patrimonio ten que contar co recoñecemento e protección axeitado, e aínda que se están dando pasos para súa declaración como BIC por parte da Xunta de Galiza, consideramos que estamos ante un evento singular que polas súas características e tradición que debe de contar coa declaración de Patrimonio Cultural Inmaterial da Humanidade.

— 

A festa, presentada hoxe na sede de Turismo Rías Baixas, inclúe un amplo programa do 6 ao 9 de xullo, cando se pecha co curro solidario e os cabalos regresan ao monte

Santos  Héctor Rodríguez: “É unha experiencia única, con 400 anos de antigüidade, e unha excelente oportunidade para coñecer mellor o interior da provincia de Pontevedra”

A Rapa das  Bestas de  Sabucedo, a ancestral e épica loita corpo a corpo cos cabalos para cortarlles as  crines nesta parroquia da Estrada, congregará entre os próximos 6 e 9 de xullo a miles de persoas, entre elas xornalistas, profesionais da fotografía e blogueiros e blogueiras de ducias de países, que acoden a cubrir e retratar este impresionante espectáculo visual. A sede de Turismo Rías Baixas da Deputación de Pontevedra acolleu hoxe a presentación desta Festa de Interese Turístico Internacional, á que animaron a asistir o deputado provincial Santos  Héctor Rodríguez, o concelleiro estradense Juan Constenla, e o presidente da Asociación Rapa dás  Bestas, Henrique  Bazal.

“É unha experiencia única, unha tradición con 400 anos de antigüidade e que se celebra nun lugar incrible”, explicou Santos  Héctor, quen destacou que o evento é “unha gran oportunidade para coñecer mellor o interior da provincia de Pontevedra e particularmente a comarca de Tabeirós”.

Na anterior edición acreditáronse 183 xornalistas, segundo lembrou Juan Constenla, para apuntar que “este ano imos polo mesmo camiño”. O presidente da Asociación Rapa dás  Bestas, Henrique  Bazal, indicou que “xa están en marcha dous documentais que van mostrar todo o traballo que hai detrás deste acontecemento”, e chamou “a todo o mundo a asistir e participar da ampla programación cultural”.

Tres rapas e Festival  Rapasons

A festa arrinca a noite do xoves día 5 coa 9ª Gran Gala Rapa das Bestas de  Sabucedo, e a primeira hora do venres as mandas de cabalos serán guiadas para a baixada desde o monte. Esa mesma noite terá lugar o Festival  Rapasons, unha dos acenos de identidade cultural do evento.

As tres rapas celebraranse no curro o sábado ás sete da tarde, o domingo ás doce do mediodía, e o luns tamén ás doce, esta última con carácter solidario. Entre medias haberá numerosas actividades culturais. As vendas para asistir no curro están á venda na páxina web oficial da organización ( rapadasbestas. gal) e a través de  Ticketea. O cartel de Rapa das Bestas homenaxea este ano ao  aloitador falecido Juan Carlos Monteagudo Bugallo, quen foi lembrado durante a presentación na sede de Turismo Rías Baixas.

“Somos Historias Somos  Sostibles”

A Deputación de Pontevedra estará presente ademais na Rapa das Bestas 2018 coa campaña ambiental “Somos Historias Somos  Sostibles”, coa que concienciará sobre a necesidade de recoller os plásticos e cabichas. A mesma campaña poñerase en práctica tamén noutros eventos, entre eles os Rías Baixas  Fests, así como en praias da provincia.

A Estrada máis fermosa, puidose ver na tarde de onte, xente a moreas bailando ca charanga BB+, a Procesión desfilando polas rúas Estradenses, e uns centos de veciños esperando a Tirada dos Fogos que pecharón cun éxito rotundo as Festas Patronais San Paio 2018.

AMBIENTE :

PROCESIÓN:

   FOGOS  SAN PAIO 2018:

A choiva impide sair a procesión do seu Patrón no seu día grande, o resto das actividades mantiveronse a pesar do tempo.

 A Asociación Rapa das Bestas de Sabucedo e a marca téxtil asinan un
convenio de colaboración para comercializar durante tres anos unha liña
específica de camisetas, sudadeiras, mochilas e gorras da Rapa
 Rei Zentolo doará á asociación a metade dos beneficios de cada artigo
vendido, que se empregará para a mellora das condicións de vida dos
cabalos e eguas salvaxes nos montes da contorna

A coñecida marca téxtil galega Rei Zentolo acaba de
redeseñar e vai comercializar durante os vindeiros tres anos as prendas e artigos de
merchandising da Rapa das Bestas de Sabucedo (A Estrada) en virtude do acordo de
colaboración que vén de asinar coa Asociación Rapa das Bestas de Sabucedo.
Ademais de renovarse o deseño das tradicionais camisetas da Rapa, Rei Zentolo tamén
producirá e porá á venda outras prendas e produtos, como sudadeiras, mochilas e gorras, que
se poderán mercar tanto nas tendas da súa rede comercial como a través da web
www.reizentolo.es, no teleclub de Sabucedo e nos postos de venda que se habilitarán durante
a Rapa.
Segundo o pactado, os prezos de venda dos artigos serán os seguintes: as camisetas, 12
euros; as sudadeiras, 25 euros; as mochilas, 12 euros; e as gorras, 12 euros.
En canto aos ingresos que xeren as vendas destes produtos, o presidente da Asociación Rapa
das Bestas de Sabucedo, Henrique Bazal, salienta que «Rei Zentolo doará á asociación a
metade dos beneficios de cada produto vendido, unha cantidade que se destinará á mellora
das condicións de vida dos cabalos e eguas salvaxes nos montes da contorna de Sabucedo,
principalmente á realización de desbroces, a preparación de zonas de pasto, ao
desenvolvemento de tarefas de prevención contra incendios e á desparasitación dos animais,
entre outros traballos».