Xa nos gustaría a todos os estradenses que o alcalde puxera o mesmo entusiasmo en traer a volta ciclista á Estrada, que en presionar por cousas verdadeiramente importantes para o noso futuro colectivo como a Torre e o Pazo de Guimarei, como a Cidade do Móbel, a Variante, etc, etc
O concelleiro do BNG, Xosé Magariños, manifestou esta mañá que “entendemos perfectamente que o concello non poida asumir a compra da Torre de Guimarei, pero en reiteradas ocasións o BNG presentou emendas aos orzamentos da Xunta e do Estado para recuperar non só a Torre senón tamén o Pazo, e o PP sempre votou en contra”. Sigue leyendo →
A Asociación Cultural “Vagalumes” ten previsto realizar a presentación do libro do escritor e investigador estradense Manuel Cabada Castro o vindeiro día 10 de xaneiro, ás 20:30 na sala de exposicións de Novagalicia Banco da Estrada.
Este acto será presentado polo escritor estradense David Otero, e contará coa presenza do propio autor ademais do Director da Editorial SEPT Francisco Domínguez Martínez, e do membro desta editorial e autor do libro “Conversas do P. Seixas”, Silvestre Gómez Xurxo.
O Padre Seixas é unha figura fundamental da nosa cultura en canto promotor da galeguización da igrexa. Manuel Cabada Castro afonda na biografía desta personalidade e nas súas conviccións achegando luz a Xaime Seixas, e con el a nosa cultura e historia recente.
O popular actor MANUEL MANQUIÑA será o mestre de cerimonias do desfile da SANTA COMPAÑA que o vindeiro venres día 10 ás 7 da tarde percorrerá as rúas da vila para
rematar na Praza do Concello.
O actor, será o encargado tamén de presidir o xurado que dirimirá o concurso da RAÍÑA DO BERRO. Ademais do concurso e do desfile, o acto contará coas actuacións das academias de baile Sondodance e co ximnasio Absolute, e coa participación do monologuista Manolo do Atlético. Ademais, tamén colaborarán nas actividades programadas distintos actores e músicos como Gonzalo Valcárcel, Luis Rivas, Manolo Varela, Rocío Louzao, Juan
Ruibal ou Sara Neira facendo o papel de estadeas. Un extenso listado de xente ao que todavía se están sumando máis colaboradores.
O propósito da organización, e diante da masiva afluencia de medios de comunicación que está previsto asista ao evento, é tratar de convocar un desfile multitudinario. A tal efecto, as tendas de roupa O DEDIL, LOLITA E CARMIÑA, ARREGLOS CRISTINA, NOBELO NOBELO, FIANDEIRA, AS MIÑAS ROSIÑAS E LANAS SIRA están a traballar arreo estes días co gallo de sacar adiante os moitos encargos de disfraces que teñen. Cabe recordar, que para poder participar no desfile da Sta Compaña hai que ir vestido con saión e capuchón brancos, ademais dun cirio. Tamén se pode improvisar un disfraz con unha sábana ou chuvasqueiro branco. O servizo de maquillaxe estará disposto a partires das 4 da tarde na Praza da Feira.
En caso de choiva trasladaranse as actividades previstas ao Teatro Principal.
Redacción: Departamento de Cultura / Fotografía: Iria Eiras / Gravación: Adrián Eiras
O Monte Louro é unha formación granítica, cuberta de rochas e matorral baixo que está a carón do Océano Atlántico. Alí comenza a Costa da Morte galega pola ría de Muros- Noia.
Visible dende moitos puntos da comarca do Barbanza, por exemplo, dende o Castro de Baroña, ou dende as plaias ou o Faro de Lariño en Carnota , o Monte Louro erguese sobre o nivel do mar 241 metros. Ao seu pé ten o faro de Louro, en funcionamento dende 1962.
O Monte Louro, xunto coa lagoa de Louro, sita detras do monte, estan declarados como lugares LIC: lugares de interés comunitário.
O equipo de fútbol sala feminino Estrada FSF organizou o pasado sábado tres partidos amigables no que se recadaron fondos e tapóns para Xosé Manuel Iglesias, un rapaz de Vedra con Disparesia Espástica Nivel 4.
Xosé Manuel foi operado o 17 de Decembro en Barcelona. Os gastos da custosa operación foron sufragados grazas aos donativos desinteresadas e iniciativas solidarias coma a deste fin de semana en A Estrada. Agora, tras a exitosa operación quédalle unha longa rehabilitación para a que continúa precisando axuda.
Nestes partidos recadáronse 200€ na venda de rifas para o sorteo de agasallos doados por Auro Sport e Plusmarca, ademais de tapóns.
No primeiro encontro enfrontáronse dous combinados de benxamíns do Meigas FSF, club de Ames, e do Estrada FSF, onde ás máis cativas demostraron que xa apuntan maneiras neste deporte. Sigue leyendo →
O musical «El Mago de Oz» encheu de musical, luz e humor o teatro principal ante 500 espectadores de todas as idades repartidos en 2 sesións.
Así se pechou o pasado sábado un exitoso Ciclo de Teatro Infantil de Nadal organizado polo departamento de Cultura do Concello, que non defraudou aos máis pequenos nin aos non tan cativos.
Redacción: Iria Eiras / Fotografía: Iria Eiras e Catrogatos
A Estrada será, por primeira vez na historia, punto de partida dunha etapa da Volta Ciclista a España, despois de que as xestións da Deputación de Pontevedra conseguisen pechar, por terceiro ano consecutivo, a presenza desta proba ciclista na provincia.
O inicio desta etapa na Estrada obedece á intención da Deputación de promover o conxunto da provincia, achegando a proba ciclista aos concellos do interior e é froito tamén da implicación do rexedor local e deputado provincial, José López Campos, que xa analizara con Rafael Louzán en varias ocasións as posibilidades de levar este evento ao concello.
De feito, a saída dunha das últimas etapas da Volta a España desde A Estrada pretende non só ser un elemento de dinamización económica e promoción turística, senón tamén servir de homenaxe á tradición ciclista deste concello, reflexada no histórico Club Ciclista Estradense, no Bike Estrada e en recoñecidos ciclistas que disputaron a Volta a España en distintas edicións anteriores.
A etapa disputarase o xoves, 11 de setembro, e percorrerá máis de 15 concellos das comarcas de Tabeirós-Terra de Montes, Caldas, Arousa e Pontevedra. Así, desde A Estrada seguirá cun percorrido polos concellos de Cuntis, Moraña, Caldas de Reis, adentrándose no Salnés, onde pasará por Vilagarcía, Cambados e outros municipios da comarca. Achegarase tamén ao Mosteiro de Armenteira, para rematar no alto do Monte Castrove, no concello de Meis, co campo de golf como telón de fondo e cunhas excelentes vistas sobre as rías de Arousa e Pontevedra. Sigue leyendo →
Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies
Xa nos gustaría a todos os estradenses que o alcalde puxera o mesmo entusiasmo en traer a volta ciclista á Estrada, que en presionar por cousas verdadeiramente importantes para o noso futuro colectivo como a Torre e o Pazo de Guimarei, como a Cidade do Móbel, a Variante, etc, etc
