Un ano máis a volta ciclista España atravesa o noso concello, nesta ocasión o recorrido e horarios (orientativos) será o seguinte:
RECORRIDO
CARAVANA
PELOTÓN
Oca
12:04
13:27
Moreira
12:19
13:40
Liñares
12:24
13:45
Lagartóns
12:26
13:47
A Estrada (Av Benito Vigo e Av de Pontevedra)
12:28
13:49
Cruce Portela dirección Val do Vea
12:37
13:59
Souto de Vea
12:48
14:09
Con motivo do evento deportivo, 4ª Etapa da volta ciclista a España entre Lalín e Fisterra, que pasará polo noso Concello o martes dia 27 de agosto, infórmase que todas aquelas rúas que conflúan á Avenida Benito Vigo e á Avenida de Pontevedra, rúas polas cales pasará a caravana ciclista, estarán pechadas ao tráfico dende as 12:30 horas ata as 14:00 horas.
O pasado luns o alcalde Xosé López recibiu en A Estrada ao presidente da Deputación de Pontevedra, Rafael Louzán, e ao Delegado Territorial da Xunta en Pontevedra, Xosé Manuel Cores Tourís. Acompañados de membros da corporación municipal e da construtora que está realizando o novo campo de fútbol comprobaron o estado das obras do estadio que pretenden inaugurar a comezos de outubro.
López e Louzán falaron sobre a necesidade de mellorar as estradas da Avenida de Pontevedra e a Rúa da Cultura como circunvalación do pobo, sobre todo transitada polo tráfico pesado, en nun futuro proporcionarlle un mellor acceso ao novo estadio.
Posteriormente desprazáronse ata a parroquia de Santo André de Vea onde inauguraron o acondicionamento da estrada que une Portela con Souto de Vea, unha obra demanda dende hai anos polos veciños e usuarios da vía debido a gran cantidade de tráfico que transita por ela e ao mal estado do firme.
O rexedor estradense agradeceu a colaboración veciñal durante as obras e as facilidades que deu a empresa que realizou a mellora da estrada para dar o mellor servizo aos veciños. Pola súa parte o presidente da Deputación secundou os agradecementos e anunciou que agora teñen previsto acometer en colaboración co concello a mellora da estrada entre Liñares e Valboa.
Na parroquia de Santo André de Vea tamén se realizaron beirarrúas para maior seguridade dos viandantes. Ao acto tamén asistiron o alcalde de Cuntis e veciños da zona.
Este mércores 14 a parroquia estradense de Couso volverá a converterse un ano máis no centro do Folk Galego. Nesta ocasión a verbena comezará a partir das 23:00 horas coa actuación dos grupos:
Ademais da verbena durante a tarde terán lugar obradoiros e actividades. Os obradoiros están limitados a 15 prazas cada un a un custo de 12€. Os interesados poden inscribirse na web da organización http://asnosasmusicas.org
OBRADOIROS 16:30-19:00 INTERPRETACIÓN DA MÚSICA TRADICIONAL GALEGA: CANTO E PERCUSION (con Davide Salvado) 18:30-21:00 PERCUSIÓN MIÚDA: TARRAÑOLAS, CULLERES, CUNCHAS … (con Chuco Estévez)
ACTIVIDADES (acceso libre e gratuíto) 17:30 DE TROULA EN TROULA (xogos tradicionais para todas as idades, con XANDOBELA) 19:30 PASEO, PUNTO, VOLTA (iniciación ao baile tradicional, con Marcos Botana) 20:45 RUADIÑA HAINA HAINA (con Trébede e pandereteiras de Mondariz e Pazos de Borbén)
Linho do cuco, despois de 3400kms vén de aterrizar da viaxe ao Festival Interceltique de Lorient onde fixo dous concertos venres 2 (Espace Bretagne) e luns 5 (Palais du congrés) ante un numeroso público local e internacional. Este grupo saído das aulas de aCentral Folque conságrase no escenario máis importante para este tipo de músicas atlánticas, un
festival de máis de 40 anos de historia e unha recoñecida traxectoria.
Deleite, asombro e moito baile do público, que ateigou os recintos nesta edición dun festival que conmemoraba a Asturias foron a tónica.
Linho do cuco é un grupo lalinense de música contundente. Música tribal galega mesturada coa sonoridade dunha orquestina paneuropea. Bombo, tambor, pandeiretas, gaita, acordeón, zanfona, oboe, frauta… que presentan neste ano o seu terceiro disco As Alegrias.
Utilizamos cookies propias y de terceros para garantizar el funcionamiento de la web, medir su uso y mejorar nuestros servicios. Puede aceptar todas las cookies, rechazar las no necesarias o configurar sus preferencias. Política de cookies
Configurar cookies
Necesarias para que la web funcione correctamente. No se pueden desactivar desde este panel.
Ayudan a medir el uso del sitio y mejorar sus contenidos.
Permiten publicidad, medición de campañas o personalización de anuncios.
Guardan preferencias o permiten contenido externo no necesario.
