Retaler II, Rede Transfronteiriza de Autoridades Locais en Enerxías Renovables II, ofreceu o pasado mércores unha charla no museo da madeira sobre aforro enerxético e principais enerxías renovables, todo elo necesario para combater os efectos do quecemento global, efecto invernadoiro, choiva ácida…
Fotografía e Redacción: Iria Eiras
Dona Mar Blanco, da agrupación Anova en A Estrada, acompañada de Don Martiño Noriega, alcalde de Teo, e do deputado no Parlamento, David Fernández Calviño, realizaron unha presentación do seu proxecto ós estradenses o pasado mércores no Teatro Principal de A Estrada.
Fotografía e Redacción: Iria Eiras
Na primeira fin de semana do concurso de tapas do salmón os hostaleiros serviron máis de 2000 con preto de 1000 participantes.
Hoxe a partir das 8 da tarde continúa o concurso nos 17 locais participantes: Andalucía, Samaná, O Paseo, Os Peares, La Bombilla, Xantares, Navegación, Valenciaga, Argentinos Burguer, Nicol´s, O Café de Xulia, Boliche, Enredo, Don Juan, Eureka, O Lar e Scala. Dispoñedes de dúas tapas por establecemento que podedes ver na web oficial festadosalmon.com.
Ademais de hoxe, tamén as podedes degustar, o venres de 12:00 a 15:00 e de 20:00 a 23:00 e o sábado de 12:00 a 15:00 horas.
Como vedes os hostaleiros estradenses innovan superándose ano tras ano, cómense cos ollos!, ímonos de tapas, animádevos e Bo Proveito!
Fotografía: Maria Dono
Redacción: Iria Eiras
O concello da Estrada publicou hoxe a lista de nenas e nenos admitidos na gardería pública e unha vez máis 46 cativos quedan fóra por falta de prazas. O concelleiro do BNG, Xosé Magariños, afirmou que “esta é unha mostra máis de que na A Estrada idílica que nos debuxa o PP no seu boletín é iso, unha ilusión, xa que logo vemos que os meniños non poden acudir a unha escola infantil pública e as súas nais e pais teñen que pagar unha privada se queren compatibilizar a súa vida laboral e familiar, co esforzo económico que iso supón”.
“Pero isto non é nada novo”, engadiu o concelleiro do BNG, “xa o ano pasado pasou o mesmo, e levamos así desde 2002, e aínda que se ampliou en 2006 o problema non se solucionou, xa que a demanda de prazas supera ampliamente a oferta”. Sigue leyendo
