A Estrada na Rede

 O que comezou sendo unha actividade temporal de substitución,
rematou por conquistar aos tres grupos de participantes, que piden que a
música e o baile galego impartidos por Tequexetéldere non cesen.
 O Concello estuda encaixe orzamentario para a actividade xa no último
trimestre de 2025 e encadrala en firme no programa de 2026.
 Pechan as sesións cunha improvisada foliada e unha merenda, con máis
de medio cento dos alumnos.
 Estes grupos retoman o 1 de abril as interrompidas aulas de
Musicoterapia, que continuarán ata completar o mes de xuño.

O que comenzou sendo unha alternativa temporal,
rematou coa petición de que se converta en algo permanente. Un nutrido grupo de
maiores da Estrada puxeron este martes punto e final ás clases de música e baile
tradicional que o Concello convocou en substitución das aulas de Musicoterapia, unha
actividade na que se precisou facer unha parada puntual por motivos alleos á
administración. O que sucedeu foi que os participantes quedaron encantados e
“enganchados·”, de maneira que xa trasladaron repetidamente ao goberno local o seu
desexo de continuidade. O alcalde da Estrada, Gonzalo Louzao, e a edil de Benestar
Social, Amalia Goldar, confirmaron hoxe que o Concello está valorando firmemente
sumar esta proposta ao programa anual co que a institución municipal fomenta un
envellecemento activo e busca incidir na prevención da dependencia.
Da man da agrupación de música e baile tradicional Tequexetéldere, esta actividade
especificamente pensada para os maiores arrancou o mes de xaneiro. Tres meses
despois, este martes tocaba despedirse. Sen embargo, os maiores comezaron a desfilar
previamente polo concello para manifestar o seu desexo de continuidade, participando
aos dirixentes locais o felices que estaban con estas sesións. A petición foi unánime no

momento da despedida, que se preparou a xeito de improvisada foliada e merenda
compartida a base de café e chocolate.
O alcalde visitou as aulas no Novo Mercado, acompañando á edil de Benestar Social. Alí
puideron pasar un tempo distendido cos 54 participantes e arrancarse tamén con
algunha peza ao son dos instrumentos que tocaron ao vivo para a ocasión diversos
integrantes de Tequexetéldere.
“Seguro que non pensaban que o baile galego fose para eles e agora dálles moita pena
deixalo”, sinalou o alcalde. Gonzalo Louzao quizo pór o acento en que ademais de
aliñarse co propósito de favorecer un envellecemento activo, esta proposta engade “un
ingrediente extra: o fomento e goce da nosa cultura”.
As peticións fixeron que Louzao e Goldar anunciasen hoxe que, á volta do verán, se
estudará se hai encaixe orzamentario para facer xa unha nova convocatoria no marco
deste exercicio. A maiores, a idea do goberno pasa por incluír música e baile tradicional
para maiores en 2026 “como nova actividade, non como substituta de ningunha outra”.
Muiñeira para Amparo
A xornada deixou moitas anécdotas. Entre elas a vivencia de Amparo, veciña de 88 anos,
que nos seus tempos mozos foi unha gran bailadora e que hai dúas décadas colaborou
con Tequexetéldere nas gravacións para a recollida, preservación e difusión da “Xota e
Muiñeira de Lagartóns”, a súa parroquia natal. Estas clases permitiron que Amparo
revivise e gozase o seu gusto por este baile. Os músicos interpretaron para desfrute dela
e todos os presentes a peza que axudou a conservar.
En total foron tres grupos diferentes os que se sumaron a esta proposta. Agora, coa
chegada do mes de abril, retomarán as clases de Musicoterapia, unha actividade que
goza tamén dunha moi boa acollida entre os maiores da Estrada. Estas sesións chegarán
ata finais do mes de xuño.

O Concello da Estrada, a Escola Municipal de Artes Escénicas (EMAE) e @tequexeteldere presentaron esta mañá a peza “Os seráns de Vilancosta”. É un dos actos incluídos no Ano Cultural Avelina Valladares e axudará a pór rostro á Cantora da Ulla.

A estrea da obra, que dirixe Santiago Cortegoso, será o vindeiro 5 de abril.
 As entradas á venda dende este xoves no departamento de Cultura.

#AEstrada #anoculturalavelinavalladares #EMAE #tequexetéldere

 A proba autonómica dispútase na categoría absoluta, con competición
entre as 09.00 e as 20.00 horas no pavillón municipal.
 Como opcións estradenses figuran Iziar Barcala, Raquel Miguéns,
Rubén Comeron, Alejandro Penas e Pedro Brey.

– A Estrada converterase esta fin de semana en sede
para a unha nova edición, a número 46, do Campionato Galego Absoluto de Bádminton.
O Concello, en calidade de anfitrión desta proba, porá este sábado a disposición da
mesma as instalacións do Pavillón Coto Ferreiro.
Segundo os datos facilitados pola organización, nas pistas estradenses daranse cita 70
deportistas procedentes de clubs de toda Galicia, que comenzarán a competir ás 09.00
da mañá. Entre eles figurarán varios representantes do Club Bádminton A Estrada. Entre
as opcións estradenses figuran Iziar Barcala, Raquel Miguéns, Rubén Comeron,
Alejandro Penas e Pedro Brey.
Os afeccionados ao bádminton poderán desfrutar como espectadores desta
competición durante toda a xornada. O campionato galego desenvolverase sobre a pista
estradense ao longo de todo o día, estimándose que os convocados manteñan vibrante
o campionato galego ata as 20.00 horas.
O bádminton vive na Estrada unha boa tempada. O club local anunciou a comezos deste
ano de xeito oficial o seu regreso á Liga Nacional de clubs, poñendo punto e final a un
longo período centrado de maneira exclusiva nas competicións individuais. Deste xeito,
o club compite esta tempada na Segunda Nacional, organizada polas federacións Galega
e Asturiana, co obxectivo de lograr unha praza na fase de ascenso á Primeira Nacional de
Bronce. Este proxecto avanza en combinación co seu compromiso coas competicións
individuais. A desta fin de semana reforzará esta aposta.

 O acuartelamento estradense conta actualmente con 18 axentes en
seguridade cidadá.
 O alcalde da Estrada aproveita a reunión co coronel para pedir que se
conserven na localidade servizos específicos como Intervención de
Armas ou Seprona, con efectivos próximos a pasar á reserva.
 O rexedor destaca a sensibilidade e receptividade do novo mando da
Comandancia de Pontevedra coa importancia do posto da Garda Civil
na Estrada.

O alcalde da Estrada, Gonzalo Louzao Dono,
desprazouse esta mañá ata as dependencias da Comandancia da Garda Civil en
Pontevedra para manter unha reunión co seu novo responsable, o coronel Manuel
Touceda. O encontro estivo centrado na situación do acuartelamento do Instituto
Armado neste municipio en canto a medios materiais e efectivos. O rexedor aproveitou
a ocasión para trasladar formalmente como alcalde a súa satisfacción ante o feito de que
sexa un estradense o que asuma agora o mando da Garda Civil na provincia de
Pontevedra.
Ao remate do encontro, Louzao Dono explicou que o seu interlocutor lle fixo chegar a
previsión de que proximamente se publicará a convocatoria de prazas para tres novos
efectivos no cuartel da Garda Civil da Estrada, ao que actualmente se vinculan 18
axentes en seguridade cidadá.
O alcalde tivo a oportunidade de trasladarlle ao novo responsable da Comandancia en
Pontevedra o interese do Concello da Estrada en que o cuartel da Garda Civil conserve
nesta localidade dous servizos específicos deste corpo, como son o Servizo de Protección
á Natureza (Seprona) e o de Intervención de Armas. O mandatario detallou que nestas
áreas hai axentes que están nunha idade próxima a “pasar á reserva”. Tras confirmar

esta situación co coronel, pediu que estas circunstancias non sexan incompatibles con
mantemento destas dúas especificidades de servizo no cuartel da Estrada. Segundo
indicou o rexedor, Touceda comprometeuse a seguir moi de preto os cambios para que
estas dúas áreas se poidan manter na capital municipal.
Un bo coñecedor do cuartel
O xefe do executivo local puxo o acento en que Touceda é bo coñecedor da realidade do
cuartel da Garda Civil na Estrada, non só polo cargo que agora ocupa e que xa veu
ocupando durante anos como número 2 da Comandancia en Pontevedra, senón tamén
porque seu pai foi axente da Garda Civil na Estrada e el mesmo viviu neste cuartel.
Gonzalo Louzao observou no coronel unha gran sensibilidade cara as que, dixo, son as
dúas sedes importantes para o servizo deste corpo na zona: “Lalín e A Estrada”. “Sinalou
que funcionarán como postos principais os dous”, afirmou o rexedor.
Manuel Touceda exerceu de guía esta mañá do alcalde da Estrada pola Comandancia da
Garda Civil en Pontevedra, amosándolle como están dotados e funcionan os distintos
departamentos e unidades. “Amosoume tamén os medios tecnolóxicos cos que contan,
que axudan a profundar nesa sensación de que a Garda Civil está sempre aí e que ten os
medios para auxiliar aos múltiples gardas que vixían e garanten o mantemento da
seguridade cidadá”, dixo o mandatario estradense.
Louzao compartiu con Touceda a importancia que estes efectivos teñen para un
municipio tan extenso como o estradense, con 473 núcleos. Puxo o acento no valor que
para todos eles ten o feito de que a Garda Civil estea sempre aí para complementar e
ampliar o traballo que realizan os axentes da Policía Local.

 A autora de “Matriarcas” ou “Chea de vida” amosará na Estrada un
programa musical concibido expresamente para o directo.
 Estará acompañada dunha portentosa banda e cunha produción que
destaca pola súa coidada iluminación e posta en escena.

Guadi Galego, unha das voces femininas máis
destacadas e con maior proxección na escena galega, chega este venres ao Teatro
Principal da Estrada para ofrecer o espectáculo “Síntese Horizonte”, una aposta da
propia intérprete pola evolución do seu son. As entradas están xa á venta no
departamento municipal de Cultura do Concello da Estrada, con un prezo de 10 euros.
Autora de temas tan coñecidos como “Matriarcas” ou “Chea de vida”, Guadi Galego
lanzou en setembro de 2023 o seu sinxelo “O.D.A.”, coa que emitiu a súa propia mensaxe
ao mundo, confirmando que continúa atravesando etapas pensadas para abrir novos
horizontes. Con “Síntese Horizonte” achega un espectáculo concibido expresamente
para representar en directo.
Deste xeito, a artista estará sobre as táboas do Principal acompañada por unha
portentosa banda e cunha produción que destaca pola súa coidada iluminación e posta
en escena. A proposta pasou xa por algunhas das principais cidades galegas, colgando en
varias delas o cartel de ‘entradas esgotadas’. A xira deste espectáculo rematará en
outubro deste ano na Sala Capitol.
Natural de Cedeira, Guadi Galego emprendeu a súa carreira musical sendo moi nova. No
ano 1977 entrou formar parte do mítico grupo Berrogüetto en calidade de vocalista,
gaiteira e pianista. Gravou con eles tres discos. Comezaron entón os recoñecementos e
premios, ata que en 2009 emprende a súa andadura en solitario. Tras varios traballos
discográficos, en 2019 estrenou “Immersion”, un repaso por tres dos seus discos
anteriores pero interpretados en sete linguas peninsulares, da man de artistas comoIván
Ferreiro, Clara Peya, Xabier Díaz ou Lisandro Aristimuño. Este álbum valeulle o Premio á

Promoción da Realidade Pluriligüe no Estado. Con dous premios Martín Códax tamén no
seu haber, en 2020 lanza “Costuras” e dous anos despois chegou “Roibén”.

 O alcalde estradense, Gonzalo Louzao, visita a unidade instalada no
Teatro Principal, na que se xestiona o trámite da expropiación de 217
terreos para ampliar a autovía ata O Rollo, en Santa Cristina de Vea.
 Estiman que os bens afectados por esta nova fase da infraestrutura
correspóndense con arredor de 180 propietarios.
 As valoracións económicas chegarán nas actas definitivas, en agosto.

O alcalde da Estrada, Gonzalo Louzao Dono, visitou a
primeira hora de esta mañá o Teatro Principal no arranque do levantamento de actas
previas á ocupación de terreos necesarios para a construción dun novo tramo da autovía
AG-59, o mesmo que prolongará a infraestrutura dende Pontevea -onde rematarán as
obras agora en execución- ata O Rollo, na parroquia estradense de Santa Cristina de Vea.
A chegada ao municipio da vía de alta capacidade que conectará A Estrada coa capital
galega supón a expropiación de 217 parcelas, que pertencen a uns 180 propietarios.
Os afectados citados comezaron a presentarse nesta unidade técnica desprazada ata A
Estrada na mañá de hoxe e serán atendidos ata o xoves. Luns, martes e mércores haberá
atención de 09.00 a 14.00 horas e de 16.00 a 18.00. O xoves 27 o servizo funcionará só en
horario de mañá, de 09.00 a 14.00.
A atención puido arrancar con axilidade esta mañá, contando cos preparativos previos
por parte do Concello para os tres puntos informativos ata os que se están achegando os
propietarios destes predios. Nesta fase do trámite de expropiación, procédese á
identificación da propiedade e dos seus donos, informando aos afectados do alcance da
expropiación. Neste momento aínda non se establece un prezo, senón a superficie que
se vería afectada e todos os datos que se entendan oportunos, incluíndo as posibles
alegacións que queiran formular xa os titulares. Con todos estes datos elabórase a acta
previa, chegando a definitiva en agosto, xa coa correspondente valoración económica.

A edil de Urbanismo, Amalia Goldar, tamén se trasladou ata o Teatro Principal,
correspondéndolle a ela a sinatura como representante do concello onde se produce
esta expropiación.
Na xornada de hoxe estaban citadas 44 persoas para este levantamento de actas
previas. O xefe do executivo estradense puido falar persoalmente con algunhas delas,
ademais de interesarse cos técnicos sobre a marcha do procedemento. Ao acto deberán
acudir os titulares afectados persoalmente ou ben representados pola persoa
debidamente autorizada para actuar no seu nome. Achegarán os documentos
acreditativos da titularidade, o documento nacional de identidade, así como certificado
de conta con códigos IBAN e BIC, a fin de realizar os sucesivos pagos que sexan
procedentes mediante transferencia bancaria.
A relación de titulares cos bens e dereitos afectados, así como o plano parcelario
correspondente están expostos no Concello de A Estrada e no Servizo Provincial da
Axencia Galega de Infraestruturas de Pontevedra. Pode consultarse todo o referente a
este procedemento expropiatorio tamén en liña, na web da consellería
(https://vivendaeinfraestruturas.xunta.gal/avisos?content=aviso_0364.xml) ou no
seguinte enlace:
https://www.xunta.gal/dog/Publicados/2025/20250227/AnuncioG0181-180225-
0001_gl.html