A Estrada na Rede

 A intervención enmárcase no Plan de Compensación Ambiental
 Suporá a eliminación dunha antiga zona asfaltada que agora se adentra
na carballeira, de xeito que se gañe espazo para a zona verde
 As obras incluirán unha roza de toda a superficie deste espazo urbano
para o esparexemento e a construción de dous sendeiros que o atravesan

O Concello da Estrada impulsa un plan integral de
recuperación da área recreativa da Carballeira Municipal da Estrada, un espazo pensado para o
esparexemento e goce da natureza no entorno urbano da capital estradense. A iniciativa
encáixase, segundo concretou hoxe o alcalde, Gonzalo Louzao, nos fondos do Plan de
Compensación Ambiental para o ano 2025 e suporá un investimento superior aos 8.700 euros.
A intervención programada neste recinto, emprazado na Zona Deportiva, estará centrada na
eliminación dunha antiga zona asfaltada, en beneficio da zona verde , así como na roza e limpeza
da totalidade da superficie. A obra aproveitarase para a formación de paseos con xabrecemento, por seren este un material de fácil integración e para o que se estima una durabilidade
axeitada.
O rexedor estradense subliñou que este é un proxecto que busca a posta en valor da Carballeira
Municipal, coa intención de que os cidadáns poidan chegar ata este espazo para gozar de tempo
de ocio ao aire libre. Dende hai anos ata esta área recreativa pode chegarse a través dun vial que
remata por adentrarse no propio recinto. A actuación prevista consiste na retirada do
aglomerado asfáltico que invade a zona da carballeira, realizado na década dos 90, de xeito que
os vehículos non poidan acceder ao paseo. Máis polo miúdo, demolerase e retirarse o pavimento
existente nunha superficie de algo máis de 300 metros cadrados.
Como queda avanzado, realizarase tamén unha roza da superficie total do recinto, retirando os
restos da mesma, de xeito que a zona de campo quede limpa e utilizable. Posteriormente, a
intervención continuará coa construción de dous paseos que cruzan a carballeira, cun ancho de
1,5 metros, para gozar dos carballos e do resto da vexetación que existe neste fermoso
emprazamento.
O prazo de execución das obras de reforma e recuperación da Carballeira Municipal da Estrada
será de dous meses, coa previsión de que os traballos poidan arrancar cara o verán, de xeito que
o bo tempo poda axudar a unha execución áxil e sen atrancos.

A Carballeira Municipal é unha importante zona verde no casco urbano, situada preto dos tres
institutos públicos e do recinto no que se localizan a Academia Galega de Seguridade Pública
(Agasp) e o Centro Integrado de Atención ás Emerxencias (CIAE)-112 Galicia. Empregado para o
paseo e a práctica deportiva por moitos estradenses, en sucesivas ocasións foi obxecto de plans
específicos de mantemento, como os desenvolvidos por algúns Obradoiros de Emprego.

• O proxecto acada a puntuación máis elevada entre os presentados ao
Plan Extra da Deputación de Pontevedra
• O goberno provincial aproba a financiación para a obra, que chega ao
70%, cunha subvención de máis de 807.000 euros
• O Concello ten xa a financiación para asumir o 30% restante ata
completar os 1.150.897 euros da reforma
• O alcalde asegura que “en ningún caso” a obra se fará coincidir coa
celebración do San Paio para non obstaculizar as patronais

– O alcalde da Estrada, Gonzalo Louzao Dono, informou hoxe de
que o proxecto de humanización e reforma da Praza de Galicia, centro neurálxico do casco
urbano estradense, acadou a puntuación máis elevada entre todas as iniciativas que se
presentaron para obter financiamento ao abeiro do Plan Provincia Extraordinaria, o coñecido
como Plan Extra da Deputación de Pontevedra. O goberno provincial que preside Luís López
aprobou onte a concesión de subvencións ás iniciativas presentadas dende numerosos concellos
pontevedreses. A resolución vencellada á Estrada reforza a aposta do rexedor municipal pola
previsión de que as obras poidan comezar nos meses de verán.
O plan para a reforma do entorno desta praza, que inclúe gañar para o peón un amplo e céntrico
espazo como guinda aos anteriores procesos nas rúas Ulla e Calvo Sotelo, sitúase á cabeza das
valoracións, con 86 puntos. Isto suporá que, dos 1.152.897 euros de orzamento da obra, a
Deputación achegue 807.028,27 euros, correspondendo ao Concello da Estrada sumar outros
345.869.
A cantidade concedida é a máxima á que optaba a administración municipal. Despois de teren
trasladado a súa satisfacción ante a resolución provincial, o xefe do executivo estradense sinalou
que o Concello conta xa coa financiación necesaria para poder cubrir a parte que lle corresponde
aportar neste proxecto. Indicou que a achega foi xa aprobada pola Xunta de Goberno Local, de
xeito que o camiño está xa avanzado para que, “coa pelota de novo no noso tellado”, arranquen
os trámites para lanzar a licitación da obra.
“É unha obra moito máis ambiciosa do que entendemos como Praza de Galicia en si”, manifestou
Gonzalo Louzao. O alcalde puxo o acento en que a actuación suporá gañar para o peón unha
céntrica superficie urbana duns 4.000 metros cadrados. Coma se vén perfilando meses atrás, a
actuación non queda só na Praza de Galicia, senón que se expande cara os entronques coa malla
urbana na que se asenta, chegando así á praza onde conflúen as rúas 56 e San Paio -onde agora
se localiza a escultura da Rapa das Bestas-, á Rúa Marqués de la Vega de Armijo, Pérez Viondi
ou Don Nicolás.

Despois de teren sinalado o seu desexo de comezar a preparar a licitación de cara a “ter a
empresa e aproveitar os meses de verán”, Louzao Dono fixo fincapé en que “en ningún caso” a
execución destes traballos chegaría ata pasadas as festas patronais de San Paio, ao obxecto de
que as obras non sexan impedimento nin obstáculo para a normal programación das actividades
desañadas pola comisión de festas.
A humanización da Praza de Galicia afronta a peonalización dun dos enclaves máis emblemáticos
da Estrada, alí onde se cruzan os camiños que no seu día foron xénese para o desenvolvemento
urbanístico da vila. O goberno que encabeza Louzao someteu a consulta cidadá o emprazamento
da farola ornamental que bautiza, de xeito oficioso, esta plaza. Recollendo o sentir dos
estradenses, o proxecto executarase conservando o elemento, aínda que aproximándoo ao
punto onde arrancará todo un longo paseo peonil que, xa coa Praza de Galicia pechada ao
tráfico, continuará por Calvo Sotelo e Ulla ata chegar á Porta do Sol.

• Francisca Torres Vázquez, de 94 anos, e Jesús Alberto López Brea, de
93, distinguidos como os estradenses de maior idade presentes nesta
xornada de confraternidade
• “Grazas pola vosa contribución a que A Estrada sexa o que é:un
concello próspero con moitos soños para seguir medrando, axudado
pola fortaleza de cada un de vós”, di o alcalde
• O Concello estuda as medidas a adoptar a raíz dunha incidencia
acontecida durante o servizo do almorzo

 Máis de 700 persoas participaron hoxe nunha nova edición da
Festa do Maior, convocada polo Concello da Estrada a través do seu departamento de Servizos
Sociais. O encontro desenvolveuse no pavillón anexo ao Coto Ferreiro, ata onde se achegaron
veciños residentes nas diferentes parroquias do municipio para gozar desta xornada de
convivencia e festa na que honrar aos estradenses con máis anos de experiencia.
As portas abríronse ás 13.30 horas, cunha benvida aos asistentes, que non tardaron en sentarse
a degustar o menú preparado para a ocasión, consistente en entrantes, polbo, carne ao caldeiro
e sobremesa. Foi o momento do café o elixido para a entrega dun agarimoso recoñecemento
aos veciños de maior idade. Deste xeito, os representantes municipais entregaron un pequeno
presente a Francisca Torres Vázquez (de 94 anos e veciña da Estrada)

e a Jesús Alberto López
Brea (93 anos, cumprirá 94 en maio, e veciño de Pardemarín).
O bo humor e as gañas de confraternizar foron a nota predominante da xornada, que estivo
animada polo dúo cómico As Lerchas e a música da orquestra Os Satélites. O alcalde da Estrada,
Gonzalo Louzao Dono, quixo dedicar unhas palabras a todos os presentes, especialmente
dirixidas a agradecer a súa contribución ao crecemento e fortalecemento da sociedade
estradense. “Hoxe o Concello quixo reunirvos aquí porque sodes os máis sabios da Estrada.
Sabémolo, recoñecémolo e queremos gozar da vosa compañía e de todo o que cada uno de vós
nos aporta”, dixo. “Tamén vos citamos nesta Festa do Maior para darvos persoalmente as
grazas. Eu, como alcalde, non quero perder a ocasión de facelo: grazas pola vosa contribución a
que A Estrada sexa o que é, un concello próspero con moitos soños de seguir medrando,
axudados pola fortaleza de todos e cada un de vós”.
“Son un alcalde novo, en moitos sentidos. Non son un recén chegado á Alcaldía, pero teño 30
anos. Sen embargo, sempre tiven idade suficiente para saber que as persoas maiores son ás que
sempre hai que achegarse, con moito respecto e aínda máis admiración. É ao seu carón onde
atoparemos todo o que buscamos: a experiencia que só dan os anos, a aperta máis agarimosa e
mesmo esa sinceridade e autenticidade que só pode permitirse quen ten respecto pola vida,
pero xa lle perdeu o medo”, dixo tamén Gonzalo Louzao. O alcalde animou aos presentes a
seguir participando activamente na vida social e comunitaria do concello, “a seguir facendo
sociedade estradense e estradensismo”.

INCIDENCIA DURANTE O ALMORZO
Por outra banda, o Concello da Estrada estuda xa as medidas a adoptar a raíz do acontecido
durante o servizo do almorzo nesta Festa do Maior. No transcurso do mesmo, cando se estaba
servindo o último prato do menú, as racións existentes non foron suficientes para atender a uns
40 comensais.
Dende o goberno local lamentan profundamente que a empresa encargada do servizo non
estivese á altura do pactado e se xerase unha situación inesperada. Ante esta circunstancia,
actuouse con rapidez para minimizar as molestias, contando coa dilixente e profesional
colaboración do Restaurante Río Liñares, ao que o goberno lle quixo agradecer tanto a súa
disposición como a axuda.
O alcalde, Gonzalo Louzao, colleu o micrófono durante a comida para explicar a situación e pedir
desculpas. Sinalan dende o Concello que se investigará o sucedido e se tomarán as medidas
oportunas para esixir responsabilidades á empresa “por incumprimento do contrato”,
garantindo que este tipo de situacións non se repitan. O propio rexedor participou xa á xerente
da empresa no mesmo momento que a administración emprenderá accións tras estudar
pormenorizadamente os pregos.
A empresa responsable do servizo foi a escollida pola mesa de contratación como gañadora do
concurso público convocado, en cumprimento coa normativa vixente. Aínda que dende o
Concello se recoñece que o desexable sería poder ter contado cunha empresa da Estrada para
servir o almorzo na Festa do Maior, lembran a obrigatoriedade de que o proceso de contratación
se axustase ás esixencias legais establecidas, en observancia do importe e do número dos
comensais, cuestións que requiren un contrato aberto.
Finalmente, o goberno agradece a comprensión dos asistentes e reitéralle as súas desculpas.
“Lamentamos que nun día de homenaxe aos nosos maiores a actuación da empresa non estivera
a altura e non nos permitira cumprir coas expectativas”, dixo Louzao.

O Concello da Estrada vén de dar un paso decidido para
fomentar o mantemento das terrazas da hostalería ao longo de todo o ano. O pleno ordinario
correspondente ao mes de marzo brindou este xoves a aprobación dunha bonificación que se
introducirá na ordenanza municipal encargada de regular a ocupación da vía pública por parte
das mesas, cadeiras e outros elementos que conforman as instalacións que bares e restaurantes
empregan para sacar os seus negocios á rúa. O goberno local someteu a aprobación unha
redución do 30% nesta taxa para os establecementos que manteñan a súa terraza operativa
durante seis ou máis meses.
O executivo que encabeza Gonzalo Louzao quixo con esta proposta avanzar no proceso de
regularización iniciado en materia de funcionamento das terrazas no casco urbano. Dende o
goberno advertiuse esta necesidade despois de que actividade hostaleira nas vías públicas se
vise notablemente incrementada a raíz da crisis sanitaria do coronavirus, chegando
practicamente a duplicarse este tipo de instalacións en poucos meses.
Nos primeiros tempos da pospandemia o Concello da Estrada apostou pola flexibilidade, sendo
sensible co impacto que a excepcional situación ocasionou neste importante sector da economía
local. A taxa municipal quedou suspendida dende marzo de 2020 e foi a partires do 2022 cando
se resolveu comezar a ordenar o funcionamento das terrazas, que conviven co uso público das
diferentes rúas do casco urbano.
Censo de terrazas
Louzao Dono sinalou onte que o obxectivo da bonificación aprobada é fomentar o terraceo na
capital estradense, consciente de que as terrazas son cada vez máis demandadas polos
consumidores e que axudan a xerar ambientación na rúa. Deste xeito, o goberno busca con esta
redución do 30% na taxa municipal que estas instalacións se prolonguen o máximo posible no
tempo, beneficiando coa bonificación a aqueles hostaleiros que manteñan as súas terrazas
abertas un mínimo de seis meses. Ata o de agora, o período máis solicitado para este tipo de
instalacións viña sendo de maio a setembro.

O Concello da Estrada, a través do departamento que dirixe Óscar Durán, elaborou un censo de
terrazas, do que se pode extraer que nestes intres son máis de 40 as instaladas na Estrada, ás
que ao longo de 2024 se asociaron 237 mesas, cada unha delas cunha media de catro cadeiras.
“Fixemos os deberes. Ordenamos o casco urbano para unha convivencia harmónica en favor do
peón”, sinalou o alcalde, incidindo en que as obras de humanización efectuadas na vila
favorecen o asentamento e o goce das terrazas. Explicou o rexedor que o goberno baralla remitir
un oficio aos profesionais da hostalería para que efectúen a súas solicitudes e coñezan de
primeira man a bonificación á que poderán acceder no caso de que pidan manter as súas
terrazas ocupando a vía pública -sempre conforme as directrices establecidas ao efecto- durante
seis ou máis meses ao ano.
Cómpre sinalar que a bonificación aprobada non terá en conta o número de elementos que se
manteñan na rúa en cada terraza, senón os meses que esta permanece a disposición dos
usuarios.
Identificación
Por outra banda, o Concello promove a instalación dun cartel identificativo para cada terraza
instalada no casco urbano, de xeito que se favorecerá o control por parte dos axentes da Policía
Local. Esta documentación estaría colocada nun lugar visible do establecemento e incluiría datos
como a configuración da terraza ou os meses para os que esta consta coa correspondente
autorización municipal de instalación.
En materia de taxas, cada local hostaleiro abona unha taxa en función da rúa na que se atopa
instalada a súa terraza, distinguíndose a Zona A Especial (coincide cos espazos peonís), zona A
(rúas máis céntricas) e Zona B (periferia).

Recoñecemento e moita emoción camiñaron da man este
venres na entrega do Premio Honorífico ao Labor das Mulleres do Concello da Estrada, un
galardón que nesta edición recaeu na estradense Rosa Ferreira Castro, louvando os seus 44 anos
consagrados á docencia, 26 deles como directora do CEIP do FOXO. O acto celebrouse no Museo
do Moble e da Madeira (MOME), cunha elevadísima concorrencia. Ferreira Castro súmase á
nómina de mulleres do municipio distinguidas con este premio, deseñado para conmemorar o
8 de marzo como Día Internacional da Muller.
O acto arrancou con música, da man do Obradoiro de Música Moderna Carlos Barruso. De
seguido, a xornalista estradense Laura Filloy iniciou a presentación, lembrando os 13 aos que
este premio honorífico vén poñendo en valor a mulleres sobranceiras deste concello. “Veciñas
que tiraron cara a adiante, que romperon moldes e que lograron rachar co teito de formigón
(non de cristal) que moitas veces se nos impón polo simple feito de ser mulleres”, dixo. Filloy
fixo tamén un percorrido pola traxectoria biográfica e profesional de Rosa Ferreira, destacando
que as verbas que lle teñen dedicado figuras como Valentín García, Xesús Alonso Montero ou
Armando Requeixo, xunto co apoio amosado pola ANPA Alecrín do Foxo -promotora da súa
candidatura ao premio- dan “boa mostra de que a súa pegada pedagóxica é indiscutible e xa
forma unha marca indeleble no colexio”.
Rosa Ferreira pasou no Foxo a meirande parte da súa carreira como docente, pero tamén
impartiu clases en Silleda, Lalín, Pontevedra e Catoira. Recalou neste centro da Estrada no ano
1991. Nel traballou durante 33 anos, asumindo o cargo de directora no 1998 e manténdose nel
ata a súa xubilación, en 2024.
Despois de que a directora do Centro de Información á Muller (CIM), Marga de la Calle, dese
lectura á acta, chegaron os discursos institucionais, comezando polo da edil de Benestar Social,
Amalia Goldar. “Abofé que a nosa premiada reúne todo os méritos precisos para este galardón,
mais na figura de Rosa temos hoxe representadas a todas as mulleres da Estrada en particular e
de cada recuncho do planeta en xeral. Non podemos nin debemos esquecer -e máis aínda este
ano- que o 8M é unha xornada destinada a recoñecer os logros e avances das mulleres en todos
os ámbitos, sen perder nunca de vista que é un día para destacar a necesidade de continuar
loitando por unha efectiva e incuestionable igualdade de xénero”, dixo a concelleira. Continuou
lembrando que neste 2025 cúmprense 50 anos dende que a ONU instaurou o primeiramente

chamado Día Internacional da Muller Traballadora, aínda cando en España houbera que agardar
ata 1978 para celebrar a primeira manifestación do 8 de marzo.
Referíndose xa á premiada, Amalia Goldar sinalou que Rosa Ferreira “fixo escola e sentou
cátedra na súa profesión a través da implicación e participación activa deste colexio na cultura
galega, nun senso moi amplo”. “¿Coñecedes moitos colexios rurais que garden na súa biblioteca
máis de 14.000 volumes; que conten cunha pinacoteca; cun xardín no que medre a poesía; que
teña un pavillón deportivo repleto de murais, que fomente o seu alumnado beba e se mergulle
de cheo en fontes culturais tan importantes como Neira Vilas, Anisia Miranda, Xosé Vázquez
Pintor, Armando Requeixo e moitos outros? Eu tampouco. En todo iso está a luz de Rosa
Ferreira”, declarou.
A luz
“Dicía o patriarca do teatro galego, Manuel Daniel Varela Buxán, que o mellor faro para impedir
que os pobos tropecen é unha escola”, lembrou ao comezo da súa intervención o alcalde da
Estrada, Gonzalo Louzao. “O colexio estradense do Foxo soubo facer deste dito todo un
emblema” -continuou- “e se este centro funciona como un faro para os seus alumnos, non teño
dúbida algunha de que a man que durante décadas fixo alumear esta potente luz foi a de Rosa
Ferreira Castro. A nosa premiada de hoxe foi a fareira, a lanterna, a luz do Foxo durante máis de
tres décadas”, manifestou o rexedor.
Destacou o alcalde que Ferreira soubo atopar “na súa vocación, paixón”, “pero non só unha
paixón que a axudara a erguerse cada mañá para ir contenta e motivada á escola; fálovos dunha
paixón que a levou a implicarse activamente en cada proxecto educativo, en cada intento por
facer que a cultura entrase pola porta por cada fiestra do colexio do Foxo”, dixo. “Para Rosa e o
seu equipo, os programas educativos nunca foron suficientes. Para ela a cultura, esa que hai que
ir buscar fóra dos libros de texto, sempre camiñou da man da materia de exame”, engadiu. Foi
entón cando sinalou que, durante o tempo de servizo da premiada o CEIP do Foxo acadou o
orgullo de teren unha biblioteca escolar con máis de 14.000 títulos inventariados, unha
pinacoteca, un xardín no que medran poemas ou seren un colexio visitado por numerosos
persoeiros do mundo das letras, as artes e cultura galega en xeral.
“Grazas por ser mestra de profesión, vocación e corazón; por entender a comunidade educativa
en maiúsculas, por ser unha muller de equipo e por ser coma es, con ese sorriso sempre aberto
teu e a discreción que se reserva aos que fan cousas verdadeiramente grandes”, dixo Gonzalo
Louzao á premiada. De seguido, o alcalde da Estrada lembrou neste acto para conmemorar o 8
de marzo que “hai que continuar traballando, que o camiño aínda é longo”. “Homes e mulleres
temos que estar máis unidos que nunca para chegar a un obxectivo común, que nos engrandece
como sociedade”, concluíu.

O Teatro Principal do concello da Estrada acollerá esta venres pola
tarde, ás 20.30 horas, a obra de teatro ‘Testosterona’, de Malasombra
Produccións. As entradas pódense adquirir no departamento de Cultura do
Concello estradense.

• O xurado elixe a esta docente por unanimidade tras a proposta
presentada pola ANPA do colexio do Foxo
• Esta estradense, recentemente xubilada, consagrou á docencia 44
anos da súa vida, 23 como directora
• Foron claves na súa traxectoria profesional o fomento da cultura na
escola e o feito de entender a comunidade educativa en maiúsculas,
apostando sempre pola xestión en equipo
• O premio entregarase o venres, 7 de marzo, ás 20.00 horas nun acto
aberto á cidadanía na Sala MOME

“Évos a luz que alumea. O faro que sempre nos vai
guiar”. Con estas e outras fermosas palabras xus�ficouse a candidatura -alentada pola
ANPA Alecrín do colexio estradense do Foxo- de Rosa María Ferreira Castro ao Premio
Honorífico ao Labor das Mulleres, que o Concello da Estrada concede co gallo da
conmemoración do 8 de marzo como Día Internacional da Muller. A proposta ob�vo a
unanimidade do xurado encargado de fallar este galardón, que dende hai 13 anos
impulsa o departamento que dirixe Amalia Goldar a través do Centro de Información á
Muller (CIM).
Rosa Ferreira sumarase á nómina de mulleres da Estrada dis�nguidas publicamente con
este premio honorífico, un recoñecemento que lle chega a esta estradense poucos
meses despois da súa xubilación. Nacida na Estrada no ano 1959, Ferreira é mestra
diplomada nas especialidades de Primaria, Lingua Galega, Matemá�cas e Ciencias da
Natureza. Despois de teren iniciado o seu labor docente no ano 1980 no CEIP Ramón de
Valenzuela da Bandeira e de pasaren polo CEIP Plurilingüe Varela Buxán de Cercio e o
Manuel Vidal Pondal de Pontevedra, ob�vo des�no defini�vo en Catoira. Porén, no ano
1991 foille adxudicada a praza no CEIP do Foxo. Neste centro da Estrada exerceu durante

Páxina 2 | 2
32 anos, sendo secretaria no curso 1995-1996 e asumindo a dirección dende o 1998 ata
o curso pasado.
Deste xeito, ,Rosa Ferreira consagrou á ensinanza 44 anos da súa vida, 23 deles como
directora. Da súa man, o colexio do Foxo acadou cotas moi altas como centro sempre
aberto e fondamente implicado coa ac�vidade cultural. De feito, foron claves na súa
traxectoria profesional o fomento da cultura na escola e o feito de entender a
comunidade educa�va en maiúsculas, apostando sempre pola xes�ón en equipo.
Son incontables as ocasións nas que Ferreira Castro par�cipou en inicia�vas culturais da
máis variada natureza, dende o fomento das bibliotecas escolares ata a creación dunha
pinacoteca no Foxo pasando pola organización da Festa do Pereiriños, a achega de
múl�ples persoeiros da cultura galega ás aulas do Foxo, a defensa do idioma galego ou
o impulso de numerosos proxectos educa�vos. Reúne tamén esta docente méritos no
referente ao empoderamento feminino e no fomento da incorporación da muller ao
mundo laboral.
Rosa Ferreira deixou fonda pegada nos ilustres visitantes do CEIP do Foxo ao longo destes
anos. Dende Xosé Neira Vilas e Anisia Miranda a Alfonso Montero ou o crí�co literario
Armando Requeixo, quen recentemente recoñecía nun volume bibliográfico a “calidade
da súa praxe pedagóxica” e a súa “entrega contaxiosa a toda inicia�va que conduza á
maior e mellor formación integral, auten�camente humanís�ca, do alumnado ao seu
cargo”. “Rosa logrou que o CEIP do Foxo seguira sendo e avanzase en ser un referente
para toda Galicia na promoción e difusión da nosa cultura e da nosa literatura”, dixo dela
o secretario xeral da Lingua, Valen�n García.
“Rosa ten a admiración, o respecto e o agarimo da comunidade educa�va do Foxo, da
sociedade estradense e de todas e todos os que �vemos a infinda honra de compar�r
un anaquiño da estrada da vida”, sinala a candidatura do premio e comparte a decisión
do xurado. Exposicións, libros, roteiros culturais, obradoiros teatrais, obradoiros de
poesía ou encontros con escritores, pintores e cantautores levan impreso o selo de Rosa
María Ferreira Castro, a quen o próximo venres, 7 de marzo, o Concello da Estrada lle
entregará o Premio Honorífico ao Labor das Mulleres de 2025 nun acto convocado para
as 20.00 horas, na Sala MOME. O evento estará aberto a toda a cidadanía.