A Estrada na Rede

O Recinto Feiral da Estrada abriráhoxe  as súas portas para celebrar unha nova edición da coñecida Feira do Moble de Galicia, número 36. Nesta ocasión serán máis de cincuenta os expositores que se darán cita, ata o domingo día 22, co obxectivo de amosar as súas innovacións no sector do moble, doméstico e decorativo. Son catro os pavillóns habilitados para o evento que se poden visitar con horario ininterrompido, durante os catro días, de 11:00 a 20:00 horas.

O Martes asistiron ao acto de presentación o alcalde estradense, Gonzalo Louzao; o delegado territorial da Xunta en Pontevedra, Agustín Reguera Ocampo; a deputada provincial, Isabel Couselo; a representante da Cámara de Comercio de Pontevedra Vigo e Vilagarcía de Arousa, Lucía Pedroso e o presidente da Asociación Comarcal de Empresarios (ACE), José Luis Terceiro Carracedo. Coincidiron na importancia, madurez e necesidade de investir un ano máis no sector da madeira e do moble.

A inauguración oficial da 36a edición terá lugar hoxe, ás 12:00 horas, a cargo do director xeral de Comercio e Consumo, Gabriel Alén Castro. E, ademais da tradicional visita ao recinto, haberá diferentes actividades –como sorteos entre o público asistente, actuacións de maxia, ou sesións informativas para mozos estradenses– que situarán A Estrada como a capital do moble en Galicia.

*O festival, que conta co patrocinio da Xunta de Galicia e a
colaboración do Concello da Estrada, celebrarase o día 21 de setembro

no Teatro Principal na vila.

*A organización mantén o festival mentres fai unha reevaluación
estratéxica e reflexiona e perfila o formato do ano que ven, que suporá un
avance sustancial grazas a escoita activa do público e do sector.
*Carlos Ares, Luis Fercán e Señora dj son os protagonistas dunha edición

que segue poñendo o foco no talento galego.

Esta mañá tivo lugar no Salón de Xuntas
do Concello da Estrada a presentación da cuarta edición de O Son dos
Arrieiros. Este festival, organizado pola produtora musical dotbeat!, está
patrocinado pola Xunta de Galicia e conta coa colaboración imprescindible
do Concello da Estrada.
Á rolda de prensa asistiron Gonzalo Louzao, alcalde do Concello da
Estrada e Patricia Hermida, xerente de dotbeat!.
Tras tres edicións, O Son dos Arrieiros sigue convencido en traballar para
 formular propostas de éxito en clave territorial e brindando a oportunidade de
coñecer os cabezas de cartel do mañá que non teñen cabida en outros
festivais, pero emprega esta edición máis reducida do 2024 para facer
unha reevaluación estratéxica. Segundo as palabras de Patricia Hermida,
'estamos nun momento en que a escena emerxente galega é vibrante e
está abríndose camiño por mérito propio nas programacións habituais. A
esto súmase a aparición de novas iniciativas que gracias ao apoio da
administración pública, están sendo conscientes do momento no que estamos
e puxa polas novas fórmulas musicais'.
Por eso, O Son dos arrieiros presentou un plan de reconversión bianual
e está a traballar de cara ao 2025 nun festival transformador que evolucione
de cara as expectativas do público, que ofreza unha experiencia máis íntima e
personalizada e que perfile novas ideas que farán o festival aínda máis
participativo, buscando unha vivencia diferencial na próxima edición.
A cuarta edición de O Son dos Arrieiros será de transición de cara a un
formato 'xa moi perfilado e con algúns artistas confirmados para o 2025'
en palabras de Louzao,  e segue a celebrar a gran riqueza de estilos dos que
gozan os nosos creadores galegos.

 Nesta ocasión, subiránse ao palco do Teatro Principal Carlos Ares e Luis
Fercán, dúas das voces de autor con máis proxección a nivel nacional e que
veñen a presentar os seus novos traballos discográficos. 
CARLOS ARES
Nado na Coruña en 1997, o multiinstrumentista, cantautor e produtor Carlos
Ares forxou a súa identidade artística a través da música, converténdoa no
medio que reflicte os seus cambios persoais e vitais. A súa carreira nestes
once anos estivo marcada por unha dedicación artesanal que o levou a
destacar como un produtor xeneroso e talentoso, colaborando con nomes
destacados da nova escena musical nacional como Marc Seguí ou Paula
Cendejas.
Na súa travesía musical, Carlos Ares atopou a súa voz única e auténtica. O seu
álbum debut, titulado ‘Peregrino’, que viu a luz o pasado 9 de febreiro de 2024,
reúne as súas raíces galegas, o amor polo rural e a simplicidade na creación.
Cancións como "Amigo", ‘Terrícola’, ‘Aquí Todavía’ e ‘Rocíos’ son adiantos que
capturan a esencia do seu son orgánico e vangardista ao mesmo tempo.
Máis que un músico, Carlos Ares consolídase como un peregrino musical,
explorando e compartindo a súa viaxe co público. No escenario, o seu proxecto
‘Peregrino’ cobra vida cunha forza adicional, respaldado por músicos de
primeiro nivel que contribúen co seu talento a enriquecer a experiencia para os
seguidores e descubridores deste proxecto único. Con todos estes elementos,
Carlos Ares perfílase como un dos aspirantes máis prometedores ao título de
artista revelación no curso 2025.
LUIS FERCÁN
Tras pasar por varias bandas, Luis Fercán inicia en 2016 a súa carreira como
músico en solitario.En 2018, publica o seu primeiro LP, “Grieta”, que recibe
unha moi boa acollida grazas á mestura entre a profundidade das súas letras e
a personalidade que se ve claramente reflectida nun proxecto tan maduro.
 En 2019, Luis lanza o EP “Furias”, cuxo sinxelo “110” alcanza, a día de hoxe,
os 3 millóns de escoitas en Spotify sen entrar en listas, o que reafirma o estatus
do músico como un dos talentos emerxentes con maior proxección do
panorama musical nacional.
 En novembro de 2021 presenta o seu novo disco “Canciones Completas
Desde Una Casa Vacía”, producido por Nacho Mur, un traballo no que se
reflicte artística e conceptualmente o momento creativo no que se atopa a
carreira do músico galego. Algo que se constata nos máis de 100 concertos
que tivo a xira deste último disco por España e México.
 
En febreiro de 2024 publicou o seu terceiro álbum de estudio «Postales
Perdidas» que seguirá sendo recoñecido pola súa característica voz rachada,

coa que é capaz de cativar a calquera que estea escoitando xa que, é na
intimidade das salas e no seu poderoso directo, onde Luis brilla con maior
intensidade.
 SEÑORA DJ
Señora DJ é unha DJ galega residente en O Son dos Arrieiros. Desde o seu
debut en 2016, deixou pegada en festivais como o Atlantic Fest, Vive Nigrán,
Festival de la Luz… e en salas como La Karma en Pontevedra, Sonar en
Santiago e Radar e Kominsky en Vigo.
 O seu estilo único fusiona indie, pop, urbano, disco e techno, cun toque de
petardeo fino.Destaca as súas raíces incluíndo grupos como Grande Amore,
Fillas de Cassandra, Berto..
 No escenario, a súa presenza é eléctrica, transmitindo con enerxía a súa
paixón e emoción pola música aos espectadores.

Guimarei xa ten todo preparado para celebrar as súas festas en honra á
Virxe das Dores, que reunirán nesta parroquia estradense a centos de
persoas durante o fin semana do 13 ao 15 de setembro e que conta coa
colaboración do Concello.
O alcalde da Estrada, Gonzalo Louzao, e Alejandro García, Diego
Rodríguez e Juan Gestoso por parte da comisión de festas de Guimarei,
presentaron onte o Festival Música na Terra de Guimarei, que chega xa á
súa cuarta edición e que dará o pistoletazo de saída a un fin de semana
de festexos na parroquia estradense.
O alcalde augurou un gran éxito para o festival porque «presenta dous
ingredientes marabillosos, ten moita música», apuntou Louzao, cos
músicos «de máis sona», e tamén ten «gastronomía», e a «música
tradicional marida moi ben con degustación popular», subliñou, que será
a base de produto de vacún. Os integrantes da comisión foron os
encargados de desgranar a programación desta festa, que comezará a
partir das 22.00 horas e na que actuarán Ailá, Faíscas da Pontraga e
Tanto Nos Ten. Ademais, como novidade haberá unha degustación popular de
vaca á brasa de balde. «Só haberá que pagar a bebida e o pan», indicaron.
A festa continúa o sábado cunha misa ás 13.00 horas e sesión vermú con
De Cotío, grupo tradicional estradense, e pola noite unha verveba cos
dúos Punto Zero e Prisma. A festa rematará o domingo 15 coa misa das
Dores ás 13.00 horas e coa sesión vermú, que contará coa actuación da
Banda Municipal da Estrada.
Haberá novena desde o xoves 5 de setembro ás 20.00 horas, ata o propio
día da festa.

Desde o departamento de emprego do Concello da Estrada, comunicamos que no día de hoxe o
DOG publicou a convocatoria de solicitude de axudas para o fomento do emprendemento feminino
a través do programa EMEGA.
O programa Emega comprende un conxunto de axudas dirixidas a apoiar a posta en marcha, a
mellora e a reactivación de iniciativas empresariais constituídas por mulleres, xunto con
medidas complementarias para favorecer a conciliación da vida persoal, familiar e laboral, así
como o acceso a servizos específicos de información, asesoramento e orientación empresarial
co obxecto de facilitar a implantación e consolidación dos proxectos empresariais promovidos
por mulleres.
Con esta finalidade, o programa Emega comprende as seguintes liñas de axuda:
a) Liña Emprende: liña de axudas económicas mediante incentivos para promover a posta en
marcha de novas iniciativas empresariais e a creación de emprego feminino estable por conta propia
e allea.
b) Liña Activa: liña de axudas económicas mediante incentivos para favorecer a reactivación, a
consolidación de empresas constituídas por mulleres, ou a implantación de medidas innovadoras
para a mellora da competitividade, dirixidas a paliar unha situación económica adversa, e que
resulten necesarias para o mantemento do emprego por conta propia e por conta allea, así como para
acadar o necesario equilibrio empresarial e asegurar a súa pervivencia, consolidación e mellora. En
ningún caso as ditas medidas poderán consistir na destrución do emprego existente por conta propia
e allea.
c) Liña ITEF: liña de axudas económicas mediante incentivos para impulsar a implantación de
iniciativas empresariais de carácter innovador, con contido científico ou con base tecnolóxica,
promovidas por mulleres e que supoñan a creación de emprego feminino estable por conta propia e
allea.
d) Liña Concilia: axuda complementaria das liñas Emprende, Activa e ITEF para promover a
conciliación da vida persoal, familiar e laboral, nas súas dúas modalidades: Concilia-promotoras e
Concilia-persoas traballadoras por conta allea.
Como requisitos xerais establécese: que a muller beneficiaria iniciase a súa actividade no período
comprendido entre o 1 de agosto de 2023 e a data da fin do prazo de presentación de solicitudes ao
abeiro desta convocatoria e que se atope en situación de desemprego no momento de terse dado de
alta como autónoma.
As axudas parten de 10.000 euros e poden incrementarse en función das circunstancias da
promotora, así mesmo contan cun incentivo de 3.000 euros para favorecer a conciliación daquelas
mulleres que teñen fillos menores de 3 anos.
Desde o departamento de emprego do Concello da Estrada axudarase a realizar a tramitación
da mesma.

O conselleiro de Educación, Ciencia, Universidades e FP, Román Rodríguez, supervisou hoxe o avance das obras de ampliación do IES Plurilingüe Antón Losada Diéguez co alcalde estradense Gonzalo Louzao. O titular do departamento educativo da Xunta enmarcou esta actuación no investimento de case 68M€ que a Xunta está a facer na ampliación de 43 centros de toda Galicia ao abeiro do Plan de Nova Arquitectura Pedagóxica.

Durante o percorrido, sinalou esta actuación como un compromiso cumprido coa comunidade educativa da Estrada e, máis en concreto, cos ciclos da familia profesional de Madeira, moble e cortiza que se imparten neste centro. Ata o momento estes alumnos estaban a ocupar espazos da Fundación de Exposicións e Congresos da Estrada de xeito provisional.

“Esta nova infraestrutura vai permitir dotar á FP na Estrada de máis e mellores espazos, dando pulo a unha familia profesional que alimenta un sector produtivo que é referente neste concello”, destacou o conselleiro. Neste sentido, Román Rodríguez subliñou que, a través da FP Dual, o centro ten asinados convenios con empresas do sector como Estelar, Santos ou Finsa, de tal xeito que os alumnos realizan parte da súa formación en centros de traballo reais.

Deste xeito, a ampliación do centro reafirma o compromiso da Xunta co impulso á FP en Galicia e coa empregabilidade do alumnado, facilitando que os talleres conten cos espazos e equipamento máis actualizado que respondan aos retos de tecnificación e innovación que se plantexan hoxe en día nos ciclos formativos.

Román Rodríguez recordou, ademais, que este centro estradense conta, para o curso que vén, con dúas novas titulacións: o Ciclo Superior de Desenvolvemento de Aplicacións Web e o Máster en Ciberseguridade en contornas das Tecnoloxías da Información.

Máis de 3M€

A remodelación deste centro conta cun investimento de máis de 3M€, co obxectivo de ampliar e adaptar as infraestruturas aos ciclos. A obra xa leva avanzado un 72% do proxecto e prevese que o edificio estea rematado en setembro, para comezar a actividade docente. As obras de urbanización da parcela estarán finalizadas para mediados de outubro, cumprindo así co obxectivo de iniciar o curso do ciclo na nova edificación.

A intervención consiste na construción dun novo edificio, que contará cunha planta baixa con aula polivalente e técnica, vestiarios, cuarto de limpeza, cuarto de instalacións e almacén. Na planta alta, incluirase a sala de profesores, aseo, outro almacén e a área de talleres.

A Xunta de Galicia ten en marcha outras catro obras no concello. Tres destas intervencións son de grande envergadura: a rehabilitación integral do CEIP Pérez Viondi, as reformas das instalacións eléctricas do CEIP Manuel Villar Paramá e do CEIP Cabada Vázquez. Ademais, dentro do novo Plan de Benestar e Accesibilidade na Escola, que inclúe actuacións ao longo do verán para mellorar cubertas, aseos, ventás ou ascensores, está o cambio de fiestras no CEIP O Foxo.

“Todas estas intervencións son un exemplo do compromiso da Xunta cunha educación pública de calidade”, recalcou o conselleiro.

O día 5 de agosto, saíron publicadas no BOP da Provincia de Pontevedra as bases reguladoras da
convocatoria para a concesión de axudas municipais de apoio á escolarización para o curso 2024/2025.
Estas axudas están dirixidas a familias en situación de dificultades socioeconómicas contémplanse como
unha prestación social no marco das Axudas de Emerxencia Social polo seu carácter extraordinario e
finalista.
A finalidade da convocatoria de axudas de apoio á escolarización é establecer un réxime compensatorio de
carácter xeral destinado a colectivos con carencias de carácter socioeconómico, para potenciar as
condicións de igualdade no acceso ao ensino financiado con fondos públicos, e ós seus servizos, a
tódalas/os nenas/os empadroados no termo municipal da Estrada, evitando desigualdades derivadas da
situación económica e/ou social, e apoiando ás familias en situación de desvantaxe social e con menor
poder adquisitivo, así como promover a conciliación da vida familiar e laboral, evitar situacións de risco,
asegurar unha nutrición axeitada e facilitar o rendemento escolar.
Adquisición de libros e material escolar: está dirixida a nenos/nenas matriculados/as no segundo ciclo
de educación infantil, ata un máximo de 100 euros neno/a.
Servizo de comedor: está dirixido a nenos/as do segundo ciclo de educación infantil, primaria e
secundaria obrigatoria, esta subvención poderá ser como nímino do 30% do gasto de comedor ata o 100%
do gasto según circustancias de cada unidade familiar.
O prazo para a súa presentación estará aberto dende o día 06/08/2023 ata o 03/09/23 (ambos incluídos)
As solicitudes poderán presentarse a través da sede electrónica do Concello de A Estrada
(https://aestrada.sedeelectronica.gal) ou a través do Rexistro de Entrada do Concello en horario de
atención ao público (de 09:00 a 14:00 horas).

ACTIVIDADE MUSICOTERAPIA XERONTOLÓXICA

Ábrese o prazo de inscripción para a actividade de Musicoterapia xerontolóxica
DATA DE INSCRIPCIÓN
Dende o 7 ata o 19 de agosto (ambos incluídos)

INICIO DA ACTIVIDADE
1a quenda: do 3 de setembro e ata o 29 de outubro

PREZO DA ACTIVIDADE
10 € (1a quenda)
HORARIOS DA ACTIVIDADE (3 TURNOS A ELIXIR)
 MARTES – DE 16:00 h A 17:00 h
 MARTES – DE 17:00 h A 18:00 h
 MARTES – DE 18:00 h A 19:00 h

REQUISITOS PARA PARTICIPAR
Estar empadroado/a no Concello da Estrada e ser maior de 60 anos, ou ter menos de 60 e
unha discapacidade igual ou superior ó 33%.
O critrerio de selección de participantes estableceráse por Rexistro de entrada das
solicitudes no Concello.

LUGAR DE PRESENTACIÓN DA SOLICITUDE:
Departamento de servizos sociais en horario de 9:00 a 14:00 ou a través da sede
electrónica do Concello da Estrada (https://aestrada.sedelectronica.gal/info.0)
DOCUMENTACIÓN QUE DEBE ACOMPAÑAR A SOLICITUDE:
– Certificado de discapacidade (se fose o caso)

NOTA: A solicitude está na páxina web do concello