A Estrada na Rede

 A iniciativa, promovida pola concellería de Cultura xunto co CIM,
constará de diversas propostas sobre a igualdade e a figura da muller na
sociedade.
 As entradas para os eventos poderanse retirar no departamento de
Cultura do Concello.

O Concello da Estrada, a través da área
de Cultura en colaboración co Centro de Información á Muller, porá en marcha
un ciclo para conmemorar o Día Internacional da Violencia de Xénero, o día 25
de novembro.
En total serán cinco os eventos programados no Teatro Principal, que contarán
cun prezo reducido de 3,00€ e cunha oferta de convites dirixida a todas as
asociacións de mulleres do Concello da Estrada.
Os espectáculos que integran a programación serán os seguintes:

Venres 3 – Great Greta (Cía Greta Marí): The Great Gret é un espectáculo
multidisciplinar que combina danza, humor e circo para levar á escena unha
oda á xente rara, que sae dos estereotipos…

Venres 10 – Sta Inés (Compañía La Feroz): Un espectáculo musicado por De
Vacas acerca da liberdade, a obediencia, a violencia, o inefable e sobre o que
un mundo de lobos espera da muller.

Venres 17 – As alumnas (Culturactiva Producións): Trata sobre a figura da
pedagoga María Barbeito e sobre como o franquismo significou un retroceso
para a educación de moitas mulleres.

Xoves 23 – Parladoiro con Yolanda Castaño: A recentemente galardoada co
premio Nacional de Poesía fará un repaso da súa traxectoria recitando algúns
dos seus mellores poemas.

Venres 24 – Brokeback Sabucedo (Sal do Teatro): Un espectáculo de
temática LGTBIQ+ enmarcado no ámbito rural de Galicia, concretamente na
celebración da Rapa das Bestas de Sabucedo.

As entradas para os distintos eventos poderanse retirar no departamento de
Cultura do Concello da Estrada.

 O alcalde, José López, xunto co tenente de alcalde, Juan Constenla, e o
edil, Gonzalo Louzao, desprazáronse ata Buenos Aires acompañados do
conselleiro de Cultura e o secretario xeral de Política Lingüística,
Valentín García para conmemorar o 80 aniversario da entidade.
 A delegación estradense está a manter contacto con diversos colectivos
estradenses emigrados a Arxentina.
 “Debemos agradecer o traballo da colectividade estradense emigrada
que asentou as bases para que hoxe poidamos ser un pobo máis
xeneroso, tolerante e con máis futuro”, sinalou López Campos.

O Concello da Estrada estivo presente na
conmemoración do 80 aniversario do Centro Cultural Partido A Estrada de
Buenos Aires a través dunha delegación encabezada polo rexedor estradense,
José López, xunto co tenente de alcalde, Juan Constenla, e o concelleiro
Gonzalo Louzao, acompañados polo conselleiro de Cultura da Xunta de Galicia
e o secretario xeral de Política Ling üística, Valentín García.
A entidade, fundada no 1943 logo da fusión da Unión Estradense e a
Federación Agraria da Estrada en Buenos Aires, desenvolve unha actividade
clave para a promoción e preservación da cultura galega e en concreto
estradense na Arxentina, destino habitual de migración ao longo do século XX.
Na súa visita estiveron acompañados por Xosé Manuel Besteiro, recentemente
nomeado como presidente da entidade, ademais de por integrantes do
colectivo e demais representantes institucionais.
O alcalde, José López, sinalou a importancia de asociacións como o Centro
Cultural Partido A Estrada de Buenos Aires para “servir como punto de
encontro para tantas persoas que desde o outro lado do Atlántico sumaron
forzas en prol seguir facendo Galicia”. Tamén tivo palabras de recoñecemento
“para o traballo da colectividade estradense emigrada que asentou as bases
para que hoxe poidamos ser un pobo máis xeneroso, tolerante e con máis
futuro”.
O rexedor tamén destacou o compoñente “interxeracional” destas asociacións
para “servir de punto de encontro entre xeracións e permitirnos coñecer as
nosas raíces e manter viva a tradición e o espírito estradense”.

Ademais deste acto, a delegación do Concello da Estrada desprazada ata a
rexión platense está a manter encontros e a realizar visitas a entidades e
representantes da colectividade estradense emigrada á Arxentina.

 A edil Amalia Goldar participou no acto de homenaxe, no que agradeceu
“a súa incansable labor á fronte do centro, así como a súa excelsa
traxectoria e aportación á comunidade educativa estradense”

A edil de Benestar Social, Igualdade y
Educación acudiu esta mañá en representación do Concello da Estrada ao acto
de homenaxe á directora do CEIP do Foxo, Rosa María Ferreira Castro.
A xornada, celebrada co gallo da conmemoración do Día Mundial das
Bibliotecas, reuniu a compañeiros da homenaxeada, escritores, alumnado e
representantes institucionais que se deron cita para recoñecer o traballo da que
leva sendo directora do centro desde o ano 1998.
Os actos incluíron a plantación dunha árbore na entrada do colexio, no
coñecido como ‘Xardín da Poesía’ cun texto colgado dunha das súas polas.
Tamén se presentou a edición do libro ‘Palabras para Rosa’, na que numerosas
autoras e autores e mestres, como Valentín García Gómez, Rosalía Morlán ou
Armando Requeixo, entre outros, así como a comunidade educativa do CEIP
do Foxo lle adicaron verbas de recoñecemento.
Na súa intervención, Goldar agradeceulle á directora “a súa incansable labor á
fronte do centro, así como a súa excelsa traxectoria e aportación á comunidade
educativa estradense”.

43 anos na docencia dos cales 25 son á fronte do CEIP do Foxo
Estradense de nacemento, Ferreira Castro iniciou a súa actividade docente no
1980 no CEIP Ramón de Valenzuela da Bandeira. Sería no 1991 cando se
uniría ao equipo docente do CEIP do Foxo, centro que dirixe desde o 1998.
Foi membro da comisión organizadora da Festa dos Pereiriños en Curantes
dende o ano 2008, durante 10 anos e membro do Centro de Iniciativas e
Turismo dende o ano 2013.
Participou nunha campaña a prol de cáritas coa que se consegue recadar
10.000 euros pola venda do libro 90 cousiñas (Ed. Fervenza, 2003) do mestre e
amigo Xosé Luna, co que ten colaborado en múltiples actos: presentación A

Estrada, Románica (Ed. Fervenza, 2020); A mar, amar (Ed. Bolanda, 2022);
mesmo é autora do prólogo do poemario Sol Rebulideiro (Ed. Fervenza, 2012).
Asemade, ten participado na presentación do libro Tilirín e a poesía de hoxe
(Ed. Fervenza, 2011) do ilustrador e escritor Héitor Picallo.
Como dinamizadora cultural ten coordinado e participado, sempre tendo como
eixe a escola, en multitude de proxectos (exposicións, roteiros culturais,
obradoiros teatrais, de poesía, encontros con escritores, artistas plásticos,
cantautores…) encamiñados ao fomento e á animación da lectura.
Responsable de dinamización da Biblioteca “Xosé Neira Vilas” dende o ano
2014
Escribe o artigo, “Don Olimpio Arca Caldas no CEIP do Foxo” no libro
Homenaxe a Olimpio Arca Caldas (Ed. Fervenza, 2016) e coordinou a
publicación, Pereiriños (Boletín Informativo da Biblioteca “Xosé Neira Vilas” do
CEIP do Foxo (Ed. Máis Deseño, 2016).
Participa, abril de 2021, no congreso Summit da Escrita Criativa que dende
Oporto dirixe o escritor e profesor Joao Manuel Ribeiro coa conferencia, “O mel
nos beizos”.
Tamén foi pregoeira da XI edición da Festa de San Marcos en Lamela, Silleda,
en maio de 2022.

GALERÍA FOTOGTÁFICA:

En 2011, nada máis subir acadar o goberno municipal, o PP de López sobe o IBI. Doce anos máis tarde volve a repetir a xogada, subindo a contribución un 25%. Tanto en 2011 como agora esta suba de 2023, é unha suba a traizón aos veciños e veciñas da Estrada, pero sobre todo é unha traizón aos seus votantes, porque durante a campaña electoral, entre festa e festa, en ningún momento lles dixo que ía subir a contribución urbana.

Como en 20211, esta suba de 2023 tamén se produce nun momento de crise económica, agora agravada pola suba dos prezos, especialmente nos alimentos e nos combustíbeis. O PP é un partido sádico ao que non lle doe a situación económica dos seus veciños e veciñas. De feito, a ordenanza municipal que subirá o IBI non contempla nin unha soa bonificación para familias vulnerábeis e con escasos recursos. Iso si, a igrexa católica quedará exenta de pagar polos seus inmóbeis. Semella que non é suficiente a subvención que recibe por semana santa, que o PP ten que botar unha man ao cepillo da igrexa.

Por outra parte, a suba do IBI tamén vai ter consecuencias sobre o comercio local. Se sobe a contribución, tamén subirán os alugueiros. Iso cae de caixón. E se agora o comercio local ten problemas, van se ver agravados pola decisión do PP.

O PP non sabe xestionar

A suba do IBI pon de manifesto que o partido que presume de «xestión» non sabe xestionar, e adícase a despilfarrar os recursos públicos dos veciños e veciñas. Ao longo dos últimos anos o goberno de López fixéronse unha serie de gastos innecesarios, como a ampliación da Alameda, que supuxo para as arcas municipais un desembolso de 1.794.635 euros. A isto hai que engadir o incremento das dedicacións exclusivas e cargos de confianza que que pasa de 250.000 a 287.000 euros ao ano.

O «partido da non-xestión» tamén incrementou a débeda cos bancos. Agora mesmo os veciños e veciñas da Estrada, grazas á nefasta xestión do PP, debemos aos bancos 3.654.311 euros, unha cifra que se incrementou lixeiramente neste ano de eleccións municipais.

Por todo isto votamos en contra da suba do 25% da contribución. Porque o PP que presume de xestión, no canto de recortar no gasto corrente, en investimentos faraónicos, en baixarse as dedicacións exclusivas, recorre ao doado, a asaltar o peto dos veciños e veciñas.

● O edil de Medio Rural, Gonzalo Louzao, comprobou in situ o avance
dos traballos de repavimentado e limpeza de cunetas que se están
a executar nos lugares de O Tallo (Ouzande), Sorribas (Agar) e
Vinseiro e Vis de Baixetes (Vinseiro).
● A actuación está financiada con cargo aos fondos do Programa de
Desenvolvemento Rural da Xunta de Galicia.
● “Mellorar a mobilidade no rural é unha das nosas máximas polo
que xa estamos a analizar a situación en diferentes parroquias para
seguir executando intervencións que melloren os desprazamentos
dos seus veciños”, sinalou Louzao.

O Concello da Estrada avanza no seu
plan de mellora de mobilidade no rural cos traballos de repavimentado e
limpeza de cunetas en diversos puntos do termo municipal.
A actuación, incluída no Programa de Desenvolvemento Rural da Xunta de
Galicia 2023, supón tarefas de aglomerado en quente e limpeza de gabias nos
lugares de O Tallo, na parroquia de Ouzande; Sorribas, en Agar; e Vinseiro e
Vis de Baixetes, en Vinseiro.
O concelleiro de Medio Rural, Gonzalo Louzao, comprobou o avance duns
traballos que “permiten dar continuidade a unha das nosas máximas, a mellora
da mobilidade no rural estradense”. O edil tamén sinalou que “ademais destas
actuacións, xa estamos levando a cabo tarefas de análise en diferentes puntos
das parroquias para darlle continuidade á mellora de vías e accesos durante o
vindeiro ano”.

● O padroado determinou por unanimidade a concesión deste
galardón que recoñece a normalización e a promoción da lingua
galega en diferentes ámbitos.
● A entrega de premios terá lugar o 15 de novembro ás 20:30 horas
no Teatro Principal.

O Concello da Estrada recoñece na
trixésimo segunda edición dos premios San Martiño de Normalización
Lingüística á panadería Mimela, ao programa Dígocho Eu e ao obradoiro de
gaitas García de Riobó.
O padroado, constituído polo edil de Cultura, Juan Constenla, Iván Sanmartín
Eirín, María Sanmartín Ruzo, José Parada Caramés, Henrique Vázquez Pernas
e Xosé Lueiro Lemos acordou por unanimidade a concesión destes galardóns á
promoción da lingua, en tres modalidades distintas.
O premio á difusión da lingua na comarca de Tabeirós- Terra de Montes
foi outorgado á Pastelería Mimela pola súa defensa do idioma na Estrada e
comarca, o negocio xestionado por Antonio Sanmartín Chao, é unha empresa
comprometida, dende que abriu as súas portas no ano 1985, co uso do galego,
tanto na súa proxección publicitaria coma na normalización da terminoloxía
pasteleira. Paralelamente, é unha empresa significada no uso de produtos
naturais , cun proceso de produción artesanal e ecoloxicamente sostible.
Un compromiso que se proxecta cara á compra de produtos locais e de materia
prima cultivada en países respectuosos co medio ambiente e cos dereitos
laborais das persoas que interveñen na cadea de subministro.
Pola súa parte, o programa da TVG Dígocho Eu, comandado por Esther
Estévez e o seu equipo, recibiu o galardón á normalización no ámbito
galego por achegarlle á mocidade as pautas normativas do galego, e por
facelo dun xeito dinámico e entretido, converténdose nun estímulo para a
participación lingüística da xente nova e de toda a comunidade educativa
galega.

Un traballo que realizan a través das novas tecnoloxías e as redes sociais,
rachando con moitos dos prexuízos que en materia lingüística e cultural se lle
teñen imputado á nosa lingua e que vén sementando na mocidade, desde que
se inaugurou no ano 2020.
Finalmente, o premio á normalización a toda unha vida recae no obradoiro
de gaitas García de Riobó, o cal recoñece o traballo dunha estirpe de
artesáns da gaita que remonta a súa orixe a finais do século XVIII cando
Joaquín García Rey o puxo en marcha. Despois de 50 anos promovendo a
lingua e amúsica tradicional galega, coa xubilación de Joaquín Espiño, o
obradoiro García de Riobó pecha as portas para sempre.
Moitos dos instrumentos saídos deste taller chegaron a mans dos principais
gaiteiros do país e espalláronse pola Galicia emigrante, convertendo esta
marca artesá nunha grande transmisora de cultura e de saber musical galego.
O acto de entrega de premios terá lugar o vindeiro día 15 de novembro a partir
das 20:30 horas no Teatro Principal da Estrada.

 O escritor asturiano alzouse coa vitoria entre as 22 pezas
presentadas grazas á súa obra “Entomoloxía para misioneiros”.
 No acto agasallouse cun exemplar da obra a cada persoa asistente.

O Teatro Principal da Estrada acolleu
hoxe a celebración dos premios literarios ‘Manuel García Barros’, nunha
edición na que concorreron 22 obras e que tivo como vencedor ao novelista
Fernando Castro Paredes grazas á súa obra “Entomoloxía para misioneiros”,
que engarza situacións que contrapoñen a devoción relixiosa co racionalismo
científico e a civilización coa barbarie.
As persoas asistentes ao evento foron agasalladas cun exemplar da obra
premiada.
Castro Paredes, nado en Tapia de Casariego (Asturias) en 1975, exerce coma
profesor de ensino secundario no IES Fernando Blanco de Cee. Cultiva todos
os xéneros literarios, pero destaca especialmente como dramaturgo, con
formación nos talleres do Centro Latinoamericano de Creación e Investigación
Teatral. O seu labor como escritor foi recoñecido en anteriores ocasións co
Premio Rafael Dieste, o Premio Álvaro Cunqueiro e o Premio Roberto Vidal
Bolaño, entre outros.
O xurado destacou a obra de Castro Paredes pola súa “ambición estética
dunha narración que conxuga a fórmula do relato de aventuras cunha historia
de procuras interiores na que se torna esencial o contraste dos mundos de
Occidente e Oriente”.