A Estrada na Rede

O concelleiro de Promoción Económica, Óscar Durán,
xunto coa presidenta da Asociación de Hostaleiros da Estrada, Adriana Abelleiro,
anunciaron esta mañá as 41 propostas gastronómicas dos locais estradenses coas que
contará a XLVIII Festa do Salmón grazas ás xornadas de tapas e á degustación popular.
Durante o venres 13 e o sábado 14 de maio, de 12.00 a 15.00 e de 20.00 a 23.00 horas,
participarán nas xornadas de tapeo 21 establecementos con cadansúa tapa co salmón
como protagonista a 2,50 euros. O venres, o Samaná ofrecerá unha Mariñeira de chía con
guacamole, salmón marinado na casa, queixo brie e noces; o Lar, un Crocante de pataca
con salmón afumado e crema de ceboliño; A Taberna da Feira propón un Tartar de
salmón con mousse de aguacate e algas wakame, acompañado dunha croqueta de
salmón e salsa Noruega; Amadeus, un Salpicón de salmón con aguacate en tosta de pan
de sementes; A Bodeguiña, unha Primavera de salmón; O Candil de Silvia servirá Salmón
marinado á lima e á menta; a proposta da Taberna Navegación será unha Ensalada de
salmón, tubérculo e fresa; a do 20 Berzas, unha Tosta de salpicón de salmón en vinagreta
de mostaza; a do Bar Enredo, Salmón á laranxa; A Bombilla ofrecerá unha Tosta con
queixo, salmón marinado e vinagreta con froitos secos; a Cervexería Eureka, un taco de
salmón con berberechos e salsa de porro; e o Velis Nolis Bistró, unha Gilda de salmón.
Completarán a oferta de tapas os locais que participarán o sábado 14 coas seguintes
propostas: O Café de Xulia presentará un Roliño de salmón; o Ananás, Gazpacho de
aguacate con salmón e ceboliño; o Gran Vía, unha vieira de salmón con piña; O Mesón
ofrecerá a tapa J. Valfresco; O Paseo, Tacos de salmón con gambas e ameixas; a proposta
do Bar Oasis será un Pastel de salmón; o Malo Será elaborará un Salmón 2.2; O Bodegón,
Salmón afumado con compota de mazá; e o Andalucía, Canelón de salmón.

Na degustación popular, que se celebrará o domingo 15 de maio entre as 12.00 e as 15.00
horas na Praza do Novo Mercado, participarán dez establecementos e cada un deles
ofrecerá o salmón cociñado de dúas maneiras diferentes. O Valenciaga cociñará Salmón
en ceviche de Guanajato e Taco de salmón con guacamole e cebola vermella encurtida;
O Asador de Leo ofrecerá Tortilla de salmón e Salpicón de salmón; Cervela participará
con Cañitas de salmón con verduras e cunha Empanadilla de salmón, mexilón e algas
shiitake; A Casa do Pan cociñará Empanada de salmón e verduriñas e Bizcoito
aromatizado con romero e maldon enrolando un cremoso de salmón; Os Peares,Croquetas de salmón e Ensalada de arroz con salmón afumado; A Bombilla, Ensalada de
pataca e salmón e Salmón en escabeche de cítricos; o Malo Será participará con Salmón
ao Couto de Ximonde e con Pastel de salmón; o Velis Nolis Bistró, con Gildas de salmón
e Crocante de alga nori e sésamo picante con salmón marinado; as propostas de Mr. Pizza
serán unha Pizza branca de salmón e gambas e un Taco de alga nori con salmón, aguacate,
arroz, edamame e sésamo; e o Ananás ofrecerá Albóndigas de salmón con arroz
especiado e Timbal de salmón afumado con froitas tropicais. As bandexas, de dúas
racións, terán un custo de 5 euros.

O concelleiro de Deportes, Ismael Pena, presentou esta
mañá no Concello a XXIV Ruta BTT do Salmón, que se volverá celebrar na Estrada o
vindeiro 21 de maio despois de dous anos de parón pola pandemia e xa conta con 170
deportistas inscritos/as ata o momento.
Xunto co edil de Deportes, participaron na presentación do evento o presidente da Peña
Ciclista Bikestrada, Juan Vilariño; e o xerente de Emesports, Ezequiel Mosquera. Na súa
intervención, Ismael Pena destacou que este evento, organizado dende o ano 1995, é
“unha das probas máis antigas de Galicia na súa modalidade”, e precisou que está
concebido como unha ruta cicloturista non competitiva, pensada para que os/as
participantes “se esquezan do cronómetro e poidan disfrutar do entorno da Estrada”.
A ruta terá 43 quilómetros de lonxitude e contará cun desnivel de 800 metros
acumulados. A saída terá lugar o sábado 21 de maio ás 15.00 horas dende o campo de
fútbol Manuel Regueiro, na zona deportiva estradense, e o percorrido continuará polo
centro urbano da Estrada durante tres quilómetros ata chegar ao Campo da Feira. Logo,
a ruta discorrerá pola Rúa do Muíño, Os Chapurros, a praia fluvial de Liñares, Moreira,
bordeará o Castro de Barbude, continuará polo campo da festa de Paradela e chegará ao
Couto de Ximonde para volver por Cora, Santeles, Toedo, Figueiroa de Abaixo, A
Cañoteira, e rematar finalmente na meta que estará ubicada na carballeira do Campo da
Feira. Ademais, ao longo do percorrido a organización ofrecerá dous avituallamentos con
produtos proporcionados polos patrocinadores do evento.
Aquelas persoas interesadas en participar poderán inscribirse ata o día 18 de maio na
páxina web de Emesports ou na do Concello da Estrada.

A concellaría de Deportes anunciou esta mañá que o
Concello da Estrada abrirá ao público as piscinas municipais e a praia fluvial de Liñares o
vindeiro 15 de xuño.
Ademais, como resposta á crecente demanda da praia fluvial para a realización de
eventos, este espazo poderá empregarse antes da súa apertura ao público, só durante os
días 4, 5, 11 e 12 de xuño, e únicamente para levar a cabo celebracións. Durante estos
días estará prohibido o baño e aqueles/as interesados/as deberán facer previamente a
solicitude da praia cubrindo un formulario de xeito presencial no rexistro do Concello ou
a través da páxina web municipal.
A apertura da praia fluvial de Liñares coincidirá cos traballos de acondicionamento que
están a levar a cabo os/as alumnos/as do Obradoiro de Emprego da Estrada, que se
prolongarán ata o mes de agosto. A pesares disto, o avance das obras permitirá que a
zona de baño e a de tránsito estean listas para o disfrute da veciñanza.
Ambas instalacións estarán dispoñibles para o baño ata o 15 de setembro. No caso da
praia, a entrada será gratuita e o seu horario será de luns a venres de 15.00 a 21.00 horas
e os sábados e domingos de 11.00 a 21.00 horas. No caso das piscinas municipais, a
entrada terá un prezo de 2,26 euros (1,08 euros para os/as menores de 14 anos), haberá
bonos mensuais por 22,32 euros (14,88 euros para os/as menores de 14), e estarán
abertas de martes a venres, de 15.00 a 21.00 horas, e sábados e domingos de 11.00 a
21.00 horas.

o O Centro de Iniciativas e Turismo acorda conceder o Salmón de Ouro ao 112 e ao
Centro de Saúde da Estrada polo seu labor durante a pandemia

o O domingo recuperarase a degustación popular na Praza do Novo Mercado con
bandexas a 5 euros e unha decena de establecementos

O concelleiro de Cultura, Juan Constenla, anunciou esta
mañá durante a presentación das actividades da XLVIII Festa do Salmón que o escultor e
escritor Cándido Pazos será o pregoeiro desta edición, que se celebrará os días 14 e 15
de maio e que recuperará o formato tradicional despois de dous anos condicionada pola
pandemia.
Constenla xustificou que o Centro de Iniciativas e Turismo elixira a Cándido Pazos como
pregoeiro “pola súa vinculación coa Estrada, tanto persoal coma profesionalmente”, con
varios dos seus traballos nas rúas da vila. Xunto ao escultor, este ano serán distinguidos
coa insignia do Salmón de Ouro o Centro Integrado de Atención ás Emerxencias 112 e o
Centro de Saúde da Estrada, “para poñer en valor o seu labor durante estes dous anos de
pandemia”.
No eido gastronómico, o acto central desta cuadraxésimo oitava edición volverá ser a
degustación popular de salmón, que terá lugar o domingo 15 de maio entre as 12.00 e as
15.00 horas na Praza do Novo Mercado. As bandexas, con dúas racións, terán un custo
de 5 euros e tanto a veciñanza coma os/as visitantes poderán probar 20 receitas dos
seguintes dez establecementos: Malo Será, Cervela, A Casa do Pan, Ananás, A Bombilla,
Mr. Pizza, Velis Nolis Bistró, O Asador de Leo, Os Peares e Valenciaga.
Ademáis, durante o venres 13 e o sábado 14 de maio, de 12.00 a 15.00 e de 20.00 a 23.00
horas, haberá unhas “xornadas de tapeo” nas que participarán 21 establecementos
estradenses con tapas a 2,50 euros co salmón como protagonista. Esta ruta das tapas
estará dividida do seguinte xeito: o venres será a quenda do Samaná, O Lar, A Taberna da
Feira, A Bodeguiña, O Candil de Silvia, Taberna Navegación, 20 Berzas, Bar Enredo, A
Bombilla, Cervexería Eureka e Velis Nolis Bistró. O sábado, a ruta continuará no Ananás,O Café de Xulia, Gran Vía, O Mesón, O Paseo, Bar Oasis, Malo Será, O Bodegón e
Andalucía.
Aquelas persoas que participen nestas xornadas recibirán unha tarxeta que deberán
cubrir cos seus datos e, unha vez selada en cinco establecementos, participarán nun
sorteo de cestas de agasallos.
Durante a fin de semana, a oferta gastronómica irá acompañada de actividades culturais
e deportivas que completarán a programación do evento. O sábado 14 de maio a xornada
comezará ás 8.00 horas coa celebración do Raid Hípico do Salmón, que por primeira vez
terá carácter internacional e incluirá unha proba de 100 quilómetros que sairá da Praia
Fluvial de Liñares e discorrerá por distintas parroquias estradenses. Esta mesma proba
tamén será puntuable para o Campionato Galego e xa conta con 40 cabalos inscritos.
Pola tarde, a oferta deportiva continuará coa VII edición do Rafting do Ulla, que sairá ás
16.00 horas do Couto de Ximonde. Haberá 50 prazas dispoñibles para participar e aquelas
persoas interesadas poderán inscribirse de xeito presencial ou por teléfono na Alcaldía
ata o venres 13 de maio ás 14.00 horas. A xornada finalizará ás 21.00 horas co festival
“Salmón Rock”, que terá lugar na alameda e contará coas actuacións dos alumnos/as da
escola Musikenos. Ademais, ao longo da xornada do sábado haberá animación infantil
polas rúas da Estrada con actividades de malabares, trapecistas e circo de rúa das
compañías Troula Animación, Piscores, Javi Javichi e Vol en Temps.
As actividades do domingo 15 de maio, día grande da Festa do Salmón, comezarán ás
12.00 horas no Teatro Principal coa lectura do pregón e a imposición dos Salmóns de
Ouro. Ás 12.30 horas, o espectáculo “Sabor” da compañía Culturactiva acompañará aos
asistentes á degustación popular na Praza do Novo Mercado, onde ás 13.30 horas terá
lugar a actuación do Obradoiro de Música Moderna Carlos Barruso. Pechará o programa
a actuación da Coral Polifónica Estradense no Teatro Principal ás 19.30 horas.
Durante a presentación, o responsable de Cultura estivo acompañado do concelleiro de
Promoción Económica, Óscar Durán; a presidenta da Asociación de Hosteleiros da
Estrada, Adriana Abelleiro; e o membro directivo da Sociedade Cabalar Estradense
(Socade) Marcos Puga.

O alcalde da Estrada, José López, avanzou esta mañá que
as obras para conectar as parroquias de Tabeirós e Nigoi á rede municipal de augas
iniciaranse entre finais de maio e comezos de xuño, despois de manter no Concello a
última reunión cos responsables de Augas de Galicia e da empresa que executará os
traballos, Petrolam Infraestructuras S.L.
O rexidor local destacou que se trata dunha infraestrutura “moi desexada polos veciños
e veciñas”, na que o Concello leva traballando “durante cinco anos” para solucionar os
problemas de abastecemento da veciñanza durante as épocas de seca. A conexión á
traída municipal suporá a posiblidade de abastecer a máis de 400 vivendas que xa
expresaron por escrito a súa vontade de formar parte dela, e terá capacidade para
albergar 150 vivendas máis que se poderán conectar no futuro.
Os traballos, cun orzamento de 800.000 euros, consistirán na creación dunha rede de
abastecemento de auga conectada á traída do río Umia, dende onde se ramificará ao
longo de 12 km de tubaxes distribuidas en 24 ramais para dar servizo a cada un dos
fogares das parroquias de Tabeirós e Nigoi. O alcalde sinalou que o prazo de execución
das obras é de 10 meses, pero a intención é “que estean finalizadas a comezos do 2023”,
e precisou que coa súa posta en marcha “será a infraestrutura de augas máis importante
no rural”.
Unha vez finalice a instalación da tubaxe principal, os/as veciños/as que desexen
beneficiarse da traída terán que construír a conexión dende a rede pública ata os seus
fogares, e deberán instalar obrigatoriamente unha chave de paso e mais un contador.
Durante a reunión celebrada esta mañá, acordaron fixar un prezo unitario que inclúa a
realización destes traballos para informar á veciñanza do custo que terá que asumir.
Contacto: Santiago Cacheiro | santi.cacheiro@somoswecom.com | 698 19 63 10
O alcalde estradense avanzou que se reunirá cos/as veciños/as de ambas parroquias
antes do comezo das obras para explicarlles os detalles do proxecto, o custo de
conectarse á rede de subministro e mais os prazos nos que se desenvolverán os traballos.

El conselleiro del Medio Rural, José González, asistirá esta tarde a una de las actividades programadas dentro del I Congreso Internacional de Innovación “Spin Rural-Visionarios de la tierra”, que se celebra hasta el próximo viernes en el pazo de Xerlís, en el municipio pontevedrés de A Estrada.

Así, González estará, junto con la directora general de la Agencia Gallega de Desarrollo Rural, Inés Santé, en la cata “de preguntas visionarias”. Esta experiencia tendrá como protagonistas vinos y aguardientes gallegos amparados por una denominación de origen (DO). De esta forma, representantes de los consejos reguladores de los vinos de Monterrei, Ribeiro y Ribeira Sacra, así como de la DO Aguardientes y Licores de Galicia, expondrán las principales características de estas bebidas y serán sometidos a preguntas “sorpresa”. Además, se hará una cata especial centrada en uno de los sentidos que no se emplean al degustar una bebida: el oído.

En este evento, así como en todos los programadas dentro de este Spin Rural, participarán expertos en innovación de diferentes ámbitos, tanto de la empresa privada como de las administraciones o de las universidades, así como los ya mencionados responsables de distintos consejos reguladores de productos agroalimentarios gallegos de calidad diferenciada. Como maestra de ceremonias actuará Helena Díez-Fuentes, experta presentadora y dinamizadora de eventos en directo, gran parte de ellos relacionados con los sectores de la innovación, la inversión y la tecnología.

La directora general de la Agencia Gallega de Desarrollo Rural, Inés Santé, fue la encargada de dar esta mañana la bienvenida a los participantes en un evento que, tal como destacó, pretende fomentar la innovación en el campo gallego y contribuir, al tiempo, a la difusión de diferentes proyectos que caminan en esta línea. Se trata, asimismo, de conocer la experiencia de distintos expertos en la materia, todo en un ambiente distendido y lúdico, que pretende hacer lo más atractivas posibles las jornadas de debate, remarcó.

Así, el programa de este Spin Rural, que tiene un aforo limitado, incluye charlas, mesas redondas, encuentros de negocio y conversas entre especialistas, combinadas todas ellas con degustaciones de productos gallegos de calidad diferenciada y otras citas de carácter lúdico.

El evento puede seguirse, en su integridad, en formato de realidad virtual mediante vídeos 360 en Youtube, en el enlace https://www.youtube.com/watch?v=DYznLlozYbo. Se trata del primer congreso de estas características que incorpora esta posibilidad. Al mismo tiempo, también estará disponible en las redes sociales: en twitter y en Instagram, en la dirección @Spin_Rural.

A mayores, toda la información sobre el congreso puede consultarse en la siguiente web: https://www.spinrural.com/home-ga.html.

A Xunta de Goberno Local do Concello da Estrada aprobará
o vindeiro luns o acordo de convocatoria das axudas municipais para incentivar e
fomentar a creación de empresas neste 2022, cun importe total de 30.000 euros.
Estas subvencións outorgarán a cada beneficiario/a ata 2.000 euros e, segundo as bases,
poderán optar a elas todas as persoas que puxeran en marcha un negocio na Estrada, con
independencia da súa forma xurídica, entre o 1 de xaneiro de 2021 e o 31 de decembro
dese mesmo ano. A maiores, deberán xustificar ter investidos como mínimo 2.000 euros
ata o momento no que soliciten a subvención.Unha vez aprobadas, as bases da convocatoria serán publicadas no Boletín Oficial da
Provincia (BOP) e dende ese momento as persoas interesadas terán dez días hábiles para
formalizar as súassolicitudes. Aqueles/as que precisen axuda coa realización dos trámites
poderán acudir ao Departamento de Emprego do Concello en horario de 9.00 a 14.30.
Con posterioridade, estudaranse as solicitudes e elaborarase unha listaxe ordeada coa
puntuación obtida por cada empresa solicitante de acordo cun baremo previamente
establecido. Co obxectivo de favorecer a creación de actividade empresarial no municipio
por parte dos sectores con máis dificultades á hora de incorporarse ao mercado laboral,
obterán unha maior puntuación aquelas empresas rexentadas por persoas maiores de 45
anos ou menores de 30, por mulleres ou por parados de longa duración. Na anterior
convocatoria beneficiáronse destas axudas un total de 40 empresas e autónomos/as
estradenses