A Estrada na Rede

 “A Torre e o Pazo de Guimarei simbolizan o estado no que se atopa o patrimonio cultural e histórico no noso conello. está completamente abandonado e a monte, como moi ben pode apreciar calquera veciño ou veciña da Estrada que se achegue a esta parroquia da Estrada”, afirmou o candidato do BNG á alcaldía, Xosé Magariños, que na mañá de hoxe militantes e membros da candidatura nacionalista realizaron un acto reivindicativo ao pé da Torre de Guimarei.

“É evidente que para o PP o prioritario é o cemento branco, fronte ao rico patrimonio que temos”, indicou Magariños, “nun concello gobernado polo BNG sería unha prioridade, exemplos hai abondo, basta mirar en Allariz ou Pontevedra, exemplo de que con ideas claras, recuperando o pasado podemos camiñar cara o futuro”.

“Por iso”, engadiu o candidato do BNG, “para o BNG será prioritario recuperar a Torre e o Pazo de Guimarei, para, por unha banda, uso e desfrute dos veciños e veciñas, e por outro para poñelo en valor, porque sabemos da súa potencialidade, especialmente dada a súa proximidade ao casco urbano”.

“Mais,, cando falamos de patrimonio cultural e arquitectónico, non só falamos da Torre de Guimarei”, indicou Magariños, “aí está a ponte de Pontevea, declarada BIC hai poucos meses a iniciativa do BNG, onde agora queremos poñer en marcha un plan integral de valorización, demandado pola asociación Entreaspontes, que fixeron un traballo inxente de recuperación do entorno ao longo dos últimos anos, ante a desidia do goberno do Partido Popular”.

“A posta en valor do noso”, afirmou Magariños, “é tamén clave para unha política turística con garantías de éxito, se temos todo a monte, como até agora, pouca xente visitará o noso concello, abocando ao fracaso e á desaparición o sector turístico estradense”. “Queremos que veña xente,” engadiu, “pero que tamén coma e durma aquí, queremos que o turista gaste na Estrada, o que beneficiaría ao sector é a hostalería local, e por suposto, á creación de emprego, que outra das prioridades do BNG”.

– O candidato do Partido Socialista á alcadía da Estrada, Luis López Bueno, está convencido de que o turismo “debe ser un dos motores económicos da Estrada”, polo que considera imprescindible “colaborar coas asociacións locais para elaborar estratexias e encaminar o apoio do concello a iniciativas concretas”. “Queremos que os recursos naturais sexan os protagonistas. Crearemos zonas fluviais no entorno dos nosos ríos, escoitando ós veciños que xa traballan nestas iniciativas, e rodearemolas de sendas verdes peonís e para bicicletas, que conecten o casco urbano e os diferentes puntos de interese rurais, que son moitos”, explica o alcaldable socialista. Para que estas novas rutas poidan ser correctamente explicadas ós turistas, sería necesario ofrecerlles un axente especializado que os atenda, e que conte cun “lugar atractivo” para facelo, polo que o PSdeG aposta pola apertura dunha oficina de turismo nas instalacións do Museo Reimóndez Portela.

Agrupación Socialista da Estrada Neste senso, López Bueno lembra que aínda que a Deputación de Pontevedra financiou a construcción deste museo “o PP aínda non se dignou a abrilo”, e que a institución provincial ofreceu tamén unha subvención que cubría o custo do salario dun axente turístico, “que os populares rexeitaron e prefiren pagar con cartos das arcas municipais”. Colaboración con outros concellos A aposta do PSdeG pola potenciación do turismo pasa tamén pola colaboración con concellos veciños para ofrecer unha rede de lugares máis ampla que permita acceder a un tipo de cliente con estancias máis longas. Esta colaboración implicaría a creación de plans turísticos conxuntos que se promocionarían en eventos e diversas canles de marketing.

As pegada de carteis dou nesta noite ó pistoletazo de saída as municipais, Partido Popular, Psoe, Bng e Móvete deronse cita para a ansiada pegada de carteis,

Iván Ferreiro, coñecido cantante e compositor do movemento indie e ex líder do grupo Los Piratas, vai encabezar o completo cartel de Concertos da 46ª Festa do Salmón, que tamén contarán con Teo Cardalda, Xabier Díaz e as Adufeiras do Salitre, Tequexetéldere e a Coral Polifónica Estradense. Ferreiro ofrecerá o seu concerto nas vésperas do día grande da cita gastronómica, o vindeiro sábado 18, dende as 22.00 horas na remozada Praza do Concello. O espectáculo, que será de balde como todas as actividades musicais do Salmón 2019, servirá para coñecer os temas da súa nova xira, chamada “Casa”. Ademais, durante o concerto desenvolverase unha campaña de sensibilización contra a violencia sexual no marco do Pacto de Estado contra a Violencia de Xénero. En calquera caso, os Concertos do Salmón arrancarán con anterioridade aproveitando a ponte das Letras Galegas, xa que o xoves 16 haberá unha festa Movida Anos 80 dende as 21.30 horas na Zona dos Viños encabezada polo popular líder de Cómplices Teo Cardalda, que estará acompañado por varios músicos locais durante a velada. Esta festa concíbese como un evento temático, que disporá de postos de discos, complementos e agasallos da época e tamén de ambientación e coreografías a cargo de Sondodance e Absolute. Por elo, solicítase a todos os asistentes que queiran a que se animen a acudir disfrazados dos oitenta para colaborar co motivo desta cita. O terceiro gran concerto da cita gastronómica será o do grupo folclórico e tradicional Xabier Díaz e as Adufeiras do Salitre, programado para o venres 17 de maio, Día das Letras Galegas, nota de prensa Máis información: 689 436 240 (Juan Constenla) ás 22.00 horas na Praza do Concello. Esta actividade desenvólvese en colaboración co programa Musigal da Deputación. Finalmente, tamén haberá outras actuacións, como o Festival Folclórico da agrupación de baile e música tradicional Tequexetéldere o sábado 18 ás 18.00 horas no Teatro Principal e a actuación da Coral Polifónica Estradense, programada como actividade de peche da 46ª Festa do Salmón o domingo 19 ás 19.00 horas tamén no Teatro Principal. O concelleiro de Cultura e responsable do equipo organizador, Juan Constenla, explicou que o programa de concertos “está pensado para todos os públicos e todos os gustos musicais e ademais é bastante ambicioso, xa que se mistura a coincidencia da longa ponte das Letras Galegas, que sempre permite contar con máis actividades nocturnas, coa nosa intención de seguir facendo medrar a Festa do Salmón con eventos importantes que complementen o tirón da nosa gastronomía e da nosa pesca”

Lémbrase á veciñanza que se atopa suspendida a obra de teatro cómica Elisa e Marcela programada para mañá, venres 10 de maio, ás 21:00 horas. Ante a imposibilidade de poder contar co elenco orixinal que compón o espectáculo para a función de mañá, trasladarase a obra ao vindeiro 4 de outubro e pasará a formar parte da programación cultural de outono.

O alcalde da Estrada, José López Campos, prevé que a obra do centro de saúde estea rematada a finais deste ano. Con todo o mundo pendente da Alameda a xente parece esquecer o traballo que se está a realizar no centro de saúde, que é a gran estrutura que precisa A Estrada, licitada por algo menos de cinco millóns de euros, lembrou hoxe o rexedor local.

O final da obra estaba previsto para xuño de 2020 pero, gracias á axilidade que lles brinda aos operarios e traballadores poder dispoñer do espazo despexado dunha parcela sen infraestruturas ao seu arredor, poderán rematar antes de tempo. A rapidez na construción do edificio permitirá á súa vez unha posta en funcionamento adiantada.

A obra atópase agora mesmo nun estado avanzado no que xa conta coa instalación das fachadas exteriores en zinc que rodean o complexo, salvo a frontal pertencente á U interior, que se está revestindo nestes momentos en carpintería de aluminio. Estase traballando tamén na colocación das ventás pertencentes a cada consulta para, a continuación prestar toda a atención na instalación dos servizos. Ao tratarse dun edificio das características dun centro de saúde precísase unha gran carga dos servizos de gas, electricidade e datos, entre outros.

Posiblemente cando estea acabado vaia a ser unha das mellores infraestruturas sanitarias de Galicia, afirmou López, un edificio impoñente que resalta na zona tanto visualmente coma  na parte funcional, que para nós como equipo de goberno supón un éxito e polo que hai que agradecer ao Conselleiro de Saúde a súa implicación.

Xosé Magariños acusa ao candidato do PP de ser un cero á esquerda á hora de esixir solucións aos problemas das infraestruturas do concello

 Hai poucos días o Ministerio de Fomento rematou o pintado dos “remendos” asfaltados nos últimos meses na N-640 ao seu paso pola Estrada. A sorpresa para moitos veciños e veciños veu polas liñas continuas que Fomento pintou no tramo de Castro Loureiro, onde antes había tres tramos A Estrada, 9 de maio de 2019nos que si se podía adiantar. O candidato do BNG á alcaldía, Xosé Magariños, afirmou “que non negamos a perigosidade deste tramo, sen embargo, a solución non pasa pintar raias continuas, senón por eliminar as curvas perigosas e por poñer carrís para vehículos lentos”.
O candidato do BNG explicou “que diversos veciños e veciñas nos manifestaron a súa incredulidade pola solución adoptada polo goberno central para ese tramo de curvas, xa que agora mesmo non só é imposíbel adiantar a un vehículo pesado que circule polo Castro de Loureiro, senón que até que pase pola vila tampouco o poderá facer, e iso se ten sorte o condutor ou condutora que lle toque ir detrás dun camión; a solución adoptada por Fomento é unha trampa”.
O actual concelleiro do BNG afirmou que “A Estrada merece unhas comunicacións decentes e á altura do século XXI”. “Xa non é só que goberno central nos tome polo pito de sereno por esta solución ás perigosas curvas do Castro de Loureiro”, engadiu, “senón que non existimos á hora de orzamentar a tan ansiada Variante que está aí estancada desde hai décadas”. “Mais isto pásanos porque temos un goberno municipal inútil, que nin está nin se lle espera”, afirmou Magariños. “Porque non se trata só da N-640”, engadiu “falamos tamén da Autovía ou da estrada que comunica Baloira con Pontecesures, chea de curvas e co pavimento moi deteriorado, mais López é incapaz de levantar o teléfono para chamar a Feixóo e esixir solucións aos problemas das infraestruturas que ten A Estrada, é un cero á esquerda”.