A Estrada na Rede

A II Andaina Solidaria co Alzhéimer que terá lugar a partir das 19:00 horas do día de hoxe, 15 de setembro. Baixo o lema “os camiños da memoria”, contará con dous percorridos; un de catro e outro de nove quilómetros.
A camiñada tivo unha boa acollida o pasado ano, con preto de 200 persoas participantes, segundo indicou a alcaldesa en funcións, Amalia Goldar, que aproveitou a ocasión para sinalar que o percorrido segue camiños case descoñecidos e que non todo o mundo sabe que forman parte da Estrada e animou á veciñanza a inscribirse na andaina que partirá da Praza do Concello na data sinalada.
Para continuar, deulle paso á presidenta da Asociación Galega para Axuda aos Enfermos con Demencia Tipo Alzhéimer (AGADEA), Isabel Gey, que fixo fincapé dende o primeiro momento na necesidade de dar visibilidade e apoiar tanto ás persoas que sofren a enfermidade, que están preto de chegar ás 100.000 persoas con demencia en Galicia, como aos seus coidadores.
Gey insistiu na importancia de emitir un diagnóstico precoz para poder actuar contra o avance da enfermidade a través de diversas terapias como a de estimulación cognitiva, que se poñen en práctica dende a asociación. Seguindo estas pautas traballan en labores de diagnóstico precoz no casco urbano, en Arnois e en Oca.
Tamén lembrou que a asociación imparte un curso gratuíto para coidadores validado pola Fundación Pascual Maragall distribuido en catorce sesións de hora e media cada unha e cunha periodicidade quincenal.Para finalizar a súa intervención, a presidenta de AGADEA sinalou a falla que fai a apertura do Centro de Día na localidade posto que, insistiu, “existe unha demanda moi grande dese servizo”.
A traballadora social de AGADEA, Sonia Castro, engadiu que con esta iniciativa se persegue conseguir unha marea verde que serva para visibilizar a enfermidade do alzhéimer e invitou aos veciños da comarca a participar na andaina, que estará amenizada coa colaboración do grupo folk Regatos e na que se sortearán lotes de produtos doados polos comerciantes locales.

• Colaboran no seu desenvolvemento socios de varios países, entre os que
se atopan empresas, escolas de formación profesional, centros
tecnolóxicos e axentes sociais

• O stand do proxecto acollerá o mércores, o xoves e o venres varias
demostracións dun innovador simulador virtual de vernizados

Os socios do proxecto «Eramus+ FUTUREfacing», orientado á
transferencia de coñecemento no eido dos acabados e os revestimentos, aproveitarán
a 32ª Feira do Moble de Galicia, do 19 ao 23 de setembro, para presentar a evolución
desta iniciativa comezada no ano 2017 e avaliar os resultados obtidos ata a data.
«Erasmus+ FUTUREfacing» xurdiu da necesidade de trasladar ás aulas tódolos
avances e as innovacións tecnolóxicas que as empresas produtoras de acabados e
recubrimentos están a implementar, de forma que se lle facilite a aprendizaxe ao
alumnado e se promova unha maior innovación nos produtos finais.
Nesta iniciativa participan como socios as empresas Finsa e Ilva, as escolas de
formación profesional Rakvere e DXEFPIE, a asociación británica de acabados BCF e
centros tecnolóxicos como CIS-Galicia e CIS-Madeira -sendo este último o impulsor e
promotor do proxecto-.
Estes socios estratéxicos consideran necesario este traballo conxunto porque os
acabados e os revestimentos constitúen un elemento esencial do deseño e a
produción de mobiliario, xa que determinan tanto a estética como características
técnicas e prestacións funcionais, ademais de requerir a revisión de condicionantes
lexislativos referentes á saúde, a seguridade no traballo e o medio ambiente.

«As últimas innovacións en produtos de acabado e revestimento permiten reducir o
impacto ambiental do moble, lograr maior resistencia ao raiado e á abrasión e
satisfacer as esixencias estéticas actuais. Ao mesmo tempo, permiten innovar no
produto final e acceder a novos mercados presentando mobiliario ou elementos de
carpintaría diferenciados», aseguran.
Ao abeiro deste proxecto, os equipos de traballo están a desenvolver actualmente un
manual técnico de acabados e revestimentos, un simulador virtual de vernizado e unha
base de datos de produtos. Precisamente, no transcurso da Feira do Moble
presentaranse os avances na elaboración do manual e da base de datos de acabados
e exporase o simulador de vernizado para que os visitantes poidan avalialo.
Así, o stand de «Erasmus+ FUTUREfacing», que estará situado no pavillón 5, acollerá
o mércores de 11.00 a 14.00 horas, o xoves de 16.00 a 20.00 horas e o venres de
11.00 a 14.00 horas senllas demostracións do simulador virtual de vernizado. Por
outra banda, o sábado ás 12.00 horas está prevista a presentación do proxecto a
cargo de Ana Alzate, da Consellería de Cultura, Educación e Ordenación Universitaria,
e de Montserrat Rodríguez, de CIS-Madeira.

A Estrada rechea as súas rúas ca Volta ao cole de Acoe, con diversas actividades hinchables na praza do Concello, teatro no Novo Mercado e A grande festa da espuma da que desfrutarón centos de nenos Estadenses.E como non cas súas preciosas Mascotas ilusionando os máis pequenos do noso Concello.

Patricia Vilán Lorenzo, Raúl Fernández Fernández e María Luisa
Pierres López, deputadas e deputado pertencentes ao Grupo Parlamentario
dos Socialistas de Galicia, ao abeiro do disposto no artigo 147 do
Regulamento da Cámara, presentan ante esa mesa a seguinte interperlación.
A mediados do mes de agosto, unha veciña do Concello de A Estrada tiña
que ser hospitalizada de urxencia e operada polo brutal ataque feito por un
grupo de cinco cans. A muller, de avanzada idade, sufriu graves feridas na
cabeza, pescozo, pés e brazos. Os cans, son propiedade dun veciño da zona e
campan sen control pola aldea dende o ano 2016 – o mesmo propietario
recoñeceu publicamente que “viven en manada e liberdade” –, nunha finca
duns 5.000 m².
Dende hai varios anos, os veciños puxeron denuncias ante o SEPRONA polo
medo e porque eses cans xa mataran a varios animais da aldea, e o
SEPRONA trasladou informes á Consellería de Medio Ambiente e ao
Concello de A Estrada, mais ningún deles moveu nin un papel e botan balóns
fóra. Agora o asunto está nun dos Xulgados de Instrución da localidade.
Segundo informacións do propio Concello, polo menos un destes cans é de
raza potencialmente perigosa, mais o propietario negouse a entregalo e a
facilitar a entrada no seu domicilio e na finca aos axentes do SEPRONA. “No
fue tan grave como parece pero está claro que la culpa es mía. Se me
escaparon por debajo del alambre. La finca es muy grande y muchas zonas
solo tienen alambre. Los perros escarban y terminan pasando por debajo.
Esta vez la vieron venir y fueron a por ella”, dixo aos medios de
comunicación.
Dende o día 3 de xaneiro deste ano, Galicia ten unha lei de Protección e
Benestar dos Animais de Compañía (lei 4/2017, de 3 de outubro), que
establece multitude de obrigas para os propietarios de animais e de cans de
razas potencialmente perigosas, para os Concellos e para a propia Consellería
de Medio Ambiente, que son os competentes en materia sancionadora.
Por todo o anterior as deputadas e o deputado asinantes interpelan o Goberno
galego nos seguintes termos:
1.- Cumpre o Goberno da Xunta de Galicia a lei de Protección e
Benestar dos Animais de Compañía (lei 4/2017, de 3 de outubro)?
Partido dos
Socialistas
de Galicia
Grupo Parlamentario
Rúa do Hórreo, s/n Parlamento de Galicia. Tfno: 981 551 530 – Fax: 981 551 418 · 15702 SANTIAGO DE COMPOSTELA gp-socialista@parlamentodegalicia.es
2.- Ten coñecemento o Goberno do acontecido no Concello de A
Estrada?
3.- Que pasou cos informes que xa existían do SEPRONA?
4.- Sabe o Goberno se o propietario dos cans tiña algunha clase de
seguro de responsabilidade civil? Comprobouno?
5.- Sabe o Goberno se a propiedade cumpre as condicións axeitadas,
tamén para cans perigosos, que esixe a lei 4/2017?
6.- Sabe o Goberno se están eses cans identificados?
7.- Sabe o Goberno se o propietario tiña licenza municipal para a súa
tenza e para esas instalacións?
8.- Sabe o Goberno se está ese can potencialmente perigoso inscrito no
Rexistro Municipal? Fixo o Goberno algún recoñecemento dese animal?
9.- Recibira o Goberno algunha comunicación municipal da tenza de
máis de 5 animais?
10.- Vai tomar o Goberno algunha medida provisional, como a retirada
dos cans e/ou o peche das instalacións?
11.- Ten solicitado o Goberno á autoridade xudicial, como fixo o
SEPRONA, a entrada no domicilio?

• «Os visitantes poderán atopar todo o que precisan para amoblar e equipar o
seu fogar ou o seu negocio», asegura o xerente da fundación, Nemesio Rey

• López destaca «os cambios e as melloras substanciais para achegarlle
unha nova proposta aos visitantes» e considera que «aínda que houbo 31
edicións anteriores, esta feira será a edición número 1 dunha nova etapa»

• Cociñeiros como Pepe Solla (Casa Solla), Diego López (La Molinera),
Jaume García (Velis Nolis Bistró) e profesionais do restaurante O Camiño
ofrecerán showcookings e degustacións gratuítas nos stands de cociña

 

O recinto da Fundación de Exposicións e Congresos da Estrada
acolleu esta mañá a presentación da trixésimo segunda edición da Feira do Moble de
Galicia, que reunirá do 19 ao 23 de setembro a un total de 65 firmas de mobiliario,
interiorismo e decoración procedentes de diferentes puntos de Galicia, Madrid, País
Vasco, Asturias, Castilla-La Mancha, Comunitat Valenciana e tamén de Portugal.
Nunha rolda de prensa ofrecida no interior do pavillón número 3, que será o que acolla
á meirande parte das 15 empresas da Estrada e da contorna que asistirán á feira, o
xerente da fundación, Nemesio Rey, destacou que «os visitantes, sexan familias ou
profesionais de áreas como a arquitectura, a decoración ou o interiorismo, poderán
atopar todo o que precisan para amoblar e equipar o seu fogar ou o seu negocio, xa
que as empresas que traballan no mercado do contract tamén terán o seu
protagonismo».
Nesta liña incidiu tamén o alcalde da Estrada e vicepresidente do padroado da
fundación, José López, que quixo poñer en valor que «o sector do moble e da madeira
na Estrada está no seu mellor momento histórico»: «as grandes fábricas de produción
da Estrada están en máximos históricos de facturación e teñen capacidade para
amoblar desde o barco de cruceiros máis luxoso ata os mellores hoteis do mundo».
Por iso, avogou por «fuxir de vitimismos» e, se ben considerou que «é necesaria a
autocrítica e a reflexión para aprender dos erros», aplaudiu «os cambios e as melloras
substanciais na feira para achegarlle unha nova proposta aos visitantes». «Aínda que
houbo 31 edicións anteriores, esta feira será a edición número 1 dunha nova etapa»,
remarcou López.
«Penso que agora estamos no camiño correcto, no que esta fundación ten que ser un
organismo útil para o sector, de forma que sexa o medio que permita que o propio
sector poida ter un escaparate para presentar as súas propostas», afirmou o alcalde
estradense, antes de engadir que «ábrese un horizonte máis interesante do que
poidamos ver nos últimos anos».
Directora xeral de Comercio
Pola súa parte, a directora xeral de Comercio, Sol María Vázquez Abeal, destacou que
«A Estrada, como sitio do moble por excelencia en Galicia, vese que está a coller
novos folgos e a readaptarse cara novos mercados». «O reto era visualizar todo o
traballo que está a facer o empresariado do sector da madeira e do moble e non había
outro espazo que non fora o recinto feiral desta fundación, que ten que ser un
instrumento, non un fin, que sexa capaz de trasladar todo o saber facer e toda a imaxe
que está a proxectar o sector», salientou.
Neste contexto, recoñeceu «o gran esforzo realizado, tanto visualmente como no
concepto da feira» e animou aos galegos a visitar o recinto feiral porque «o que vai
atopar o visitante é unha feira distinta, que busca chegar non só ao consumidor final
senón tamén a aqueles profesionais que poidan ser usuarios do sector do contract».
Showcookings
Entre as últimas novidades da feira reveladas hoxe na rolda de prensa destaca a
celebración de varios showcookings con degustacións gratuítas nos stands de
Mucarce, Fervenza Mobiliario e Corral y Couto, nas que participarán cociñeiros como
Pepe Solla (Casa Solla de Poio), Diego López (Restaurante La Molinera de Lalín),
Jaume García (Velis Nolis Bistró, de A Estrada) e profesionais do restaurante O
Camiño (A Estrada)

A Feira do Moble de Galicia, que celebra a súa trixésimo segunda edición do 19 ao 23 de setembro no recinto feiral da Estrada, é un dos eventos que organiza anualmente a Fundación de Exposicións e Congresos da Estrada. Considerado o maior escaparate de mobiliario de Galicia, contará coa participación de 65 expositores dos sectores do mobiliario, o interiorismo e a decoración, que amosarán tendenzas, produtos e servizos dunha ducia de áreas: mobiliario contemporáneo, clásico, de vangarda, infantil, de cociña, de oficina, descanso, sanitarios, iluminación, interiorismo e decoración, contract e agasallos e complementos. Nesta ocasión, a Feira do Moble concentrou a súa actividade en cinco xornadas -fronte aos nove días de 2017-, se ben agarda alcanzar a cifra de 12.000 visitantes rexistrada o ano pasado ao longo dos nove días.

65 expositores participantes

Mobiliario, interiorismo e decoración

Cinco días de feira

Espazo contract

 

O recinto feiral

O recinto feiral da Estrada, situado na zona deportivo-cultural, conta cunha superficie global de 26.000 metros cadrados, distribuídos entre os cinco pavillóns habilitados para esta feira e a zona de exposición exterior. Durante os cinco días do certame, do 19 ao 23 de setembro, o recinto feiral abrirá ininterrompidamente desde as 11.00 ata as 20.00 horas, dispoñendo de servizo de restaurante/catering tanto para expositores como para visitantes. O percorrido natural e recomendable do recinto comeza no pavillón 3 (acceso á feira) e remata no pavillón 2 (saída da feira).

 

ProgramaCIÓN de actividades

MÉRCORES 19 DE SETEMBRO
•
9.30 horas: Emisión en directo do programa “Galicia por Diante” da Radio Galega desde o recinto feiral da Estrada.
•
11.00 horas: Apertura do recinto feiral.
•
11.00/14.00 horas: Demostración dun simulador virtual de barnizado no stand do proxecto Erasmus+ FUTUREfacing.
•
12.30 horas: Inauguración da 32ª Feira do Moble de Galicia, presidida polo vicepresidente da Xunta de Galicia, Alfonso Rueda.
•
19.00 horas: Showcooking con degustación gratuíta no stand de Mucarce a cargo dos cociñeiros Diego López, do Restaurante La Molinera (Lalín), e Pepe Solla, de Casa Solla (Poio).
•
20.00 horas: Peche do recinto feiral.

XOVES 20 DE SETEMBRO
•
11.00 horas: Apertura do recinto feiral.
•
12.30 horas: Charla informativa da Axencia Galega de Desenvolvemento Rural sobre as Axudas Leader. Ofrece a charla o subdirector de Relacións cos GDRs de Agader, Javier Blanco Carballal.
•
12.30 horas: A voceira nacional do BNG, Ana Pontón, visita a feira.
•
16.00/20.00 horas: Demostración dun simulador virtual de barnizado no stand do proxecto Erasmus+ FUTUREfacing.
•
19.00 horas: Showcooking con degustación gratuíta no stand de Fervenza Mobiliario a cargo de Jaume García, de Velis Nolis Bistró.
•
20.00 horas: Sorteo de agasallos entre os visitantes (2 estancias dunha noite para dúas persoas no Hotel Castro do Balneario Termas de Cuntis, en réxime de aloxamento e media pensión, con acceso ao circuíto lúdico-termal Acquaform; e 2 ceas para 2 persoas no restaurante O Asador de Leo).
•
20.00 horas: Peche do recinto feiral.

 

VENRES 21 DE SETEMBRO
•
11.00 horas: Apertura do recinto feiral.
•
11.00/14.00 horas: Demostración dun simulador virtual de barnizado no stand do proxecto Erasmus+ FUTUREfacing.
•
18.30 horas: Showcooking con degustación gratuíta no stand de Corral y Couto a cargo dos responsables da cociña do restaurante O Camiño (A Estrada).
•
19.00 horas: Acto de entrega do XXIII Premio Xornalístico Manuel Reimóndez Portela a Fernando Redondo Neira.
•
20.00 horas: Peche do recinto feiral.

 

SÁBADO 22 DE SETEMBRO
•
11.00 horas: Apertura do recinto feiral.
•
12.00 horas: Presentación do proxecto Erasmus+FUTUREfacing, a cargo de Ana Alzate (Consellería de Cultura, Educación e Ordenación Universitaria) e Montserrat Rodríguez (CIS-Madeira).
•
20.00 horas: Sorteo de agasallos entre os visitantes (2 pases dobres para acceder ao circuíto lúdico-termal Acquaform do Balneario Termas de Cuntis; e 2 ceas para 2 persoas no restaurante O Asador de Leo).
•
20.00 horas: Peche do recinto feiral.

 

DOMINGO 23 DE SETEMBRO
•
11.00 horas: Apertura do recinto feiral.
•
12.00 horas: Circuíto de karts para nenos/as no exterior do recinto feiral por cortesía de Reale Seguros A Estrada.
•
20.00 horas: Sorteo de agasallos entre os visitantes (2 estancias dunha noite para dúas persoas no Hotel Castro do Balneario Termas de Cuntis, en réxime de aloxamento e media pensión, con acceso ao circuíto lúdico-termal Acquaform; 1 pase dobre para acceder ao circuíto lúdico-termal Acquaform do Balneario Termas de Cuntis; e 2 ceas para 2 persoas no restaurante O Asador de Leo).
•
20.00 horas: Peche do recinto feiral.

 

 

O concelleiro de Cultura da Estrada, Juan Constenla, presentou hoxe na Sala de Xuntas do Consistorio a programación cultural planificada para o “Outono no Principal 2018”, que contará con 25 actuacións dende setembro ata finais de decembro.

Esta cifra ascende ata arredor dos 40 eventos cando se inclúen tamén os que terán lugar nas parroquias, nun esforzo do Concello co que “se tenta que a vila estea á altura das expectativas da cidadanía” en canto á oferta cultural, sinalou o concelleiro.

As actuacións foron elixidas tendo en consideración a todos os públicos, aínda que se puxo especial interese á hora de escoller a axenda infantil, na que terán un lugar destacado os musicais Naviland   Monster Rock, e na que repetirá, por aclamación popular, Os tres porquiños.

Esta tempada cultural comezará de forma oficial da man dun dos diversos grupos de artistas estradenses que se dan cita nesta XIV edición; o Teleclube da comedia dará o disparo de saída o vindeiro sábado 22 de setembro na parroquia de Orazo.

O Principal recibirá este ano a visita de destacados artistas do panorama nacional, tales como Pepe Viyuela, que porá en escea un espectáculo clown, e Luis Piedrahita, para cuxo monólogo, Las amígdalas de mis amígdalas son mis amígdalas, xa están vendidas a metade das entradas.

Constenla incidiu no feito de que é preciso pasar polo departamento de Cultura do Concello para recoller as invitacións para as actuacións de balde que vaian a interpretarse no Teatro Principal, por cuestións de aforo e finalizou a súa intervención sinalando que o obxectivo dende Cultura é que os estradenses queden seducidos por un ou outro evento, ademais de facer accesibles os espectáculos ao público e ampliar a “oferta cultural, xa extensa, coa que conta a vila”.

OUTONO NO PRINCIPAL

Programa cultural A Estrada 2018

 

SETEMBRO

 

A CASA DO TERROR

           Xoán Curiel + A Banda Son + d2

 

DÍA: Venres 28

HORA: 20.00 h

LUGAR: Alameda municipal (en caso de chuvia no Teatro)

XÉNERO: Concerto pop

DURACIÓN: 60 min

CATALOGACIÓN: Público infantil (6-12 anos)

LINGUA: Galego

ENTRADA: De balde

 

            A casa do terror é un libro disco editado por Galaxia que se transformou, da man do   programa de                 dinamización lingüística Fala Redes, nun espectáculo terrorificamente                divertido. Conta a historia dun       grupo de amigos que se ve obrigado a pasar a noite nun             castelo encantado. Unha historia chea de risos e sustos que se desenvolve a través de    cancións, bandas, xogos de clown e teatralizacións nas          que os máis cativos participan activamente.

 

MAR ADIANTE  

                       Odaiko

 

DÍA: Domingo 30

HORA: 18.00 h

LUGAR: Teatro Principal

XÉNERO:  Títeres, ritmo e percusión

DURACIÓN: 55 min

CATALOGACIÓN: Familiar

LINGUA: Galego

ENTRADA: De balde (recollida de convites no Departamento de Cultura)

 

Este espectáculo, incluído no programa Ano da lingua da Deputación de Pontevedra,      súmase ás celebracións das Letras Galegas facendo unha adaptación teatral do libro de M.ª              Victoria Moreno Mar adiante. Un espectáculo que mestura cantigas e música, danza e              marionetas nunha singular travesía na que navegaremos rumbo á Illa dos paxaros. Os arroaces, o vento do norte, as mareas e as estrelas son protagonistas nesta historia que               recrea o conto de Crarisca e Luceiro.

 OUTUBRO

 

       SEÑORA QUE PASEA POLA RÚA CON DOUS CANS   PRECIOSOS

           Matriohska Teatro

 

DÍA: Venres 5

HORA: 21.00 h

XÉNERO: Teatro contemporáneo

DURACIÓN: 60 min

CATALOGACIÓN: Adultos

LINGUA: Galego

ENTRADA: 5,00 € (Entrada anticipada no Departamento de Cultura)

 

Chelo do Rejo, Anabell Gago e Lorena Conde fan nesta montaxe un percorrido pola vida e            obra de María Victoria Moreno Márquez, escritora comprometida, mestra apaixonada, e          pioneira da literatura infantil e xuvenil en lingua galega. Señora que pasea pola rúa con dous     cans preciosos revela estados de ánimo, universos de imaxes e letras, de mulleres que    viaxan a contracorrente e de accións e camiños por camiñar.

           

 

       OS TRES PORQUIÑOS

             Educa Teatro

          DÍA:  Sábado 6

HORA: 17.00 h

LUGAR: Teatro Principal

XÉNERO: Musical infantil

DURACIÓN: 50 min

CATALOGACIÓN: Público familiar

LINGUA: Galego

ENTRADA: 6,00 € (Entrada anticipada en Cultura e Tiko Doco)

 

Como serían os tres porquiños e o lobo feroz hoxe en día? Onde poderían atopar un      lugar seguro e limpo, lonxe das grandes fábricas, no que poder construír as súas          casiñas? Que ritmos musicais empregarían para se presentar? A resposta a todos         estes interrogantes, coma todo, está nos libros, e tamén na historia que vai         construíndo un explorador afeccionado aos contos que percorre o bosque na             procura dos seus porquiños preferidos.

 

    PLAN SIBERIA EN CONCERTO

      

           DÍA: Domingo 21

HORA: 19.00 h

LUGAR: Teatro Principal

XÉNERO: Concerto indie

DURACIÓN: 75 min

CATALOGACIÓN: Todos os públicos

LINGUA: Galego

ENTRADA: 5,00€ (entrada anticipada no Departamento de Cultura)

 

Gañador por segundo ano da Canción do verán da TVG, Gabriel Estrada, fundador e             compoñente de Plan Siberia, presentará no Teatro Principal as cancións do seu novo             traballo discográfico, un traballo composto por cancións, frescas, pegadizas e de             estilo indie.

 

 

    LA ZANJA

    Titzina Teatre (Barcelona)

            

DÍA: Sábado 27

HORA: 21.00 h

LUGAR: Teatro Principal

XÉNERO: Teatro contemporáneo

CATALOGACIÓN: Público adulto

DURACIÓN: 90 min

LINGUA: Castelán

ENTRADA: 5,00 € (entrada anticipada no Departamento de Cultura)

 

         La zanja, é a quinta proposta dos creadores cataláns Pako Merino e Diego Lorca. Nesta                 ocasión, os actores utilizan unha historia actual para trasladarnos a un momento histórico           que formula temas esenciais como a condición humana e as súas diferentes formas de           entender o progreso e que consegue crear un universo poético que seduce e emociona. Un      dos espectáculos do ano en España. Imprescindible!

 

 

 

 

 

 

 

 

 

 

 

 

NOVEMBRO

 

       MONSTER ROCK, O MUSICAL DE                                HALLOWEEN

       Cía Telón Corto

                  

           DÍA: Sábado 3

HORA: 18.00 h

LUGAR: Teatro Principal

XÉNERO: Musical de halloween

CATALOGACIÓN: Público familiar (debe ir disfrazado)

DURACIÓN: 90 min

LINGUA: Castelán

ENTRADA: 8,00€ (entrada anticipada en Cultura e Tiko Doco) 10.00 € (en billeteira)

 

                        O tren procedente de Monster Rock acaba de facer a súa entrada na plataforma do teatro                           … O Home Invisible, Frank, Lobo, Vampi, o Profesor Hyde, Momi e Ghost están citados                               no  vello Castelo da Roca para solucionar un grave problema: Os monstros teñen medo.                      Xuntos buscarán a clave para vencer o medo á escuridade e para iso necesitarán a axuda de                        todos os cativos… Ven ao teatro disfrazado de Halloween e pásao de medo!

 

 

       LUÍS PIEDRAHITA

       LAS AMÍGDALAS DE MIS AMÍGDALAS SON MIS AMÍGDALAS

        

DÍA: Venres 9

HORA: 21.00 h

LUGAR: Teatro Principal

XÉNERO: Monólogo comedia

DURACIÓN: 80 min

CATALOGACIÓN:

ENTRADA: 15,00 (patio de butacas) 12,00 (palco) Venda anticipada no     departamento de Cultura e na web www.ataquilla.com

 

                        Las amígdalas de mis amígdalas non é un monólogo chistoso máis. É unha antoloxía                   de anécdotas xeniais entresacadas da vida cotián, unha disertación chea de hipérbo-    

                        les luminosas que falan do tempo e da espera. Despois de esgotar todas as funcións                  nos cines Callao de Madrid, Luis Piedrahita chega a Galicia presentando un dos es-                    pectáculos máis exitosos do ano.     

 

 

       LEILÍA, EN CONCERTO

         Consentimento

 

DÍA: Sábado 17

HORA: 21.00 h

LUGAR: Teatro Principal

XÉNERO: Concerto de folk tradicional

DURACIÓN: 90 min

CATALOGACIÓN: Todos os públicos

LINGUA: Galego

ENTRADA: De balde (retirada previa de invitacións no departamento de Cultura)

 

                        Enmarcado no programa Musigal da Deputación de Pontevedra, chega á Estrada o                     quinto traballo de Leilía. Un disco con vocación acústica, no que a guitarra, o acordeón, o                             contrabaixo e a gaita reflicten á perfección a beleza do canto tradicional e os versos de poe-                       tisas como Ana Romaní, Yolanda Castaño, Eva Moreda, Mariña Pérez ou Marilar   Alei-                         xandre. O deseño do espectáculo corre por conta de Quico Cadaval, un dos grandes profe-                    sionais da escena galega.

 

 

       FESTIVAL LUME NA LAREIRA

                       

DÍA: Domingo 18

HORA: 18.00 h

XÉNERO: Festival de música tradicional

DURACIÓN: 150 min

CATALOGACIÓN: Todos os públicos

LINGUA: Galego

ENTRADA: 5,00 €

 

                        Este festival estradense de música tradicional chega este ano á súa décimo primeira edición,                      unha edición que coma vén sendo habitual reunirá a unha ampla representación de grupos                        folclóricos, tales como os alumnos da Escola de Poio, Tequexetéldere ou Os da Pereiriña.                           Haberá, ademais, unha colaboración teatral por parte de Gonzalo  Valcárcel e do Padre                                Xiao,  e un peche de festa a cargo da agrupación Lume na Lareira.

              

 

 

 

 

 

 

 

 

 

 

 

               

       LOIS PÉREZ

         Contos de medo

 

            DÍA: Venres 23

HORA: 21.00 h

XÉNERO: Narración oral

DURACIÓN: 45 min

CATALOGACIÓN: +12

LINGUA: Galego

                        ENTRADA: De balde

 

                        Enmarcado dentro das actividades programadas no Festival de Cine de Terror Panic,                  o narrador oral Lois Pérez  centrará a súa contada nas lendas de medo da tradición                    oral. Nas historias do narrador lugués conflúen a tradición oral, o humor, a poesía e               as máis altas e baixas paixóns humanas. Antes da actuación de Lois, varios  integran-                 tes do Club de Lectura farán unha dramatización de contos de medo da súa autoría.

                            

       CONCERTO DE STA CECILIA

         BANDA MUNICIPAL DA ESTRADA

 

           DÍA: Sábado 24

HORA: 20.30 h

LUGAR: Teatro Principal

XÉNERO: Música clásica e popular

DURACIÓN: 60 min

CATALOGACIÓN: Todos os públicos

ENTRADA: De balde

 

Coma todos os anos, a Banda Municipal da Estrada, dirixida por Xabier Comesanha,      rende homenaxe á súa patroa, nun concerto cun repertorio pedagóxico e          heteroxéneo no que se mesturarán obras de carácter sinfónico con outras de estilo           popular.

 

 

 

 

 

 

 

 

 

 

 

 

 

       CONCERTO DE STA CECILIA

         BANDA CULTURAL DA ESTRADA

 

           DÍA: Domingo 25

HORA: 18.30 h

XÉNERO: Bandístico

DURACIÓN: 60 min

CATALOGACIÓN: Todos os públicos

ENTRADA: De balde

 

                        Tomando o relevo da Banda Municipal, a Banda Cultural da Estrada, dirixida por Ricar-

                       do Oliver, celebra a festividade de Sta Cecilia, nun concerto que reunirá a músicos de                distintas xeracións da agrupación e unha selección musical procedente do repertorio                 clásico e popular.

 

                                   

       FESTA DA POESÍA

         + Entrega do Premio Avelina Valladares

                       

DÍA: venres 30

HORA: 20.00 h

LUGAR: Teatro Principal

XÉNERO: Recital poético

DURACIÓN: 90 min

CATALOGACIÓN: Todos os públicos

LINGUA: Galego

ENTRADA: De balde

 

                        Coma todos os anos, a entrega do Premio Avelina Valladares de poesía e a Festa da                  Poesía unen esforzos para homenaxear á palabra poética. Unha delegación de todos                 os centros educativos da zona e unha representación de distintos colectivos locais              toman a palabra para honrar á lingua e literatura galegas.

 

 

 

 

 

 

 

DECEMBRO

 

SON GALEGO SON CUBANO

Roi Casal

           

            DÍA: 1 de decembro

HORA: 21.00 h

XÉNERO: Música contemporánea

DURACIÓN: 90 min

CATALOGACIÓN: Todos os públicos

LINGUA: Galego / castelán

ENTRADA: De balde (retirada previa de invitación)

 

Con textos poéticos de Xosé Neira Vilas, e unha mestura de artistas galegos e cubanos sobre o escenario, o arpista, compositor e  cantante Roi Casal trae ao Teatro Principal o froito musical do achegamento entre a cultura galega e cubana. Un concerto con sabor a bolero, a habanera e a conga pero tamén a foliada, a alalás e a pop; un concerto convertido no gran musical dos últimos anos dentro e fóra de Galicia. Reserva a túa entrada!

 

NAVILAND, EL MUSICAL DE LOS REYES MAGOS

Sketch Eventos (Madrid)

           

            DÍA: Sábado 2

HORA: 18.00 h

LUGAR: Teatro Principal

XÉNERO: Musical infantil de nadal

CATALOGACIÓN: Espectáculo infantil-familiar

DURACIÓN: 75 min

LINGUA: Castelán

ENTRADA: 10.00€ (entrada anticipada en Cultura e Tiko Doco)

 

Mony é unha cativa que o ten todo pero non é feliz. Nada lle fai ilusión, por iso este ano decidiu non escribirlles a carta aos Reis Magos. Para recuperar o espírito do nadal, emprenderá unha fantástica viaxe ao lugar no que viven os de Oriente. Nesa viaxe, Mony estará acompañada por unha divertida tropa de personaxes que farán da súa viaxe unha aventura inolvidable. Un musical entrañable que ningún neno debería perderse e no que poderán achegarlles a súa carta aos Reis Magos.

 

 

 

 

 

       FESTIVAL DE NADAL DE CORAIS

 

                        DÍA: Sábado 15

                        HORA: 20.30 h

                        LUGAR: Igrexa parroquial de Berres

                        XÉNERO: Música coral

                        CATALOGACIÓN: Todos os públicos

                        DURACIÓN: 60 min

                        LINGUA: Galego

                        ENTRADA: De balde

 

                        SINOPSE: Achégase o nadal, e con el, a homenaxe que todos os anos a Coral Polifó-                  nica de Berres lle rende en forma de panxoliñas e diversos cantos de motivo navide-                 ño. Nesta ocasión, o concerto contará, ademais da agrupación organizadora, coa                 participación da Coral O Peirao do Freixo (Outes) e a Coral San Simón de Cacheiras.

 

 

       PEPE VIYUELA

         La encerrona

 

            DÍA: Sábado 15

HORA: 21.00 h

LUGAR: Teatro Principal

XÉNERO: Clown

DURACIÓN: 90 min

CATALOGACIÓN: Todos os públicos

ENTRADA: 10.00 € (entrada anticipada en Cultura)

 

SINOPSE: Hai un reducido número de espectáculos, que por dereito propio, xa    forman parte da nosa historia teatral. Como sinala a crítica especializada, La      encerrona é o mellor espectáculo de Pepe Viyuela, un espectáculo de culto, con guitarra e cadeira plegable que o situou no Olimpo dos cómicos españois e que         todos deberiamos ver polo menos unha vez na vida. Comedia cinco estrelas!

 

 

 

 

 

 

       CONCERTO DE FIN DE ANO

         Banda Municipal da Estrada + Coral Polifónica Estradense +          Coral Polifónica de Soutomaior

                       

DÍA: sábado 22

HORA: 20.30 h

LUGAR: Teatro Principal

XÉNERO: Música coral

DURACIÓN: 60 min

CATALOGACIÓN: Todos os públicos

ENTRADA: De balde (retirada previa de invitacións)

 

            SINOPSE: Xa é un clásico do nadal estradense. O concerto de fin de ano interpretado pola Coral Polifónica Estradense, unha sección da Banda Municipal da Estrada e a    Coral Polifónica de Soutomaior porá o broche musical ao ano 2018 cunha variada    selección de fragmentos corais ambientados no nadal.

 

           

       ENCONTRO DE CORAIS PARROQUIAIS

 

DÍA: domingo 23

HORA: 17.30 h

LUGAR: Igrexa parroquial da Estrada

XÉNERO: Música coral

DURACIÓN: 90 min

CATALOGACIÓN: Todos os públicos

ENTRADA: De balde

 

            SINOPSE: Outro clásico do nadal estradense. O concerto de noiteboa    interpretado   por unha ducia de coros pertencentes a distintas parroquias estradenses volverá encher a igrexa parroquial de panxoliñas e cancións recollidas       do cancioneiro popular e litúrxico.

 

 

 

 

 

 

 

 

       RETRETE CABARETE

         O Cabaret de Dorian Gray

          

 

DÍA: mércores 26

HORA: 12.30 h

LUGAR: Teatro Principal

XÉNERO: Monicreques / Teatro con globos

DURACIÓN:  50 min

CATALOGACIÓN: 0-4

LINGUA: Non verbal

ENTRADA: 3,50€

 

SINOPSE: O Retrete de Dorian Gray mestura neste espectáculo varios dos números         máis exitosos dos seus 10 anos de vida. Escenas das que os personaxes xorden da       manipulación de globos diante do abraio dos cativos. Música, globos e o     virtuosismo    interpretativo. Velaí os tres ingredientes que levaron á compañía a        percorrer o mundo coa súa proposta escénica.

                       

 

 

       BALEADAS

       Cía Traspediante danza

 

DÍA: Xoves 27

HORA: 12.30 h

XÉNERO: Teatro danza

DURACIÓN: 50 min

CATALOGACIÓN: + 3 anos

LINGUA: Galego

ENTRADA: 3,50€

 

                        SINOPSE: Marta Alonso, Paula Alonso e Begoña Cuquejo presentan unha das súas                    propostas máis suxerentes. Un xogo coas baleas, coas cores, e tamén co públido de                   todas as idades onde danza, plástica, música, palabras e animación bailan e inte-                     ractúan, refacéndose no mesmo espectáculo. A compañía TrasPediante experimenta                coa tecnoloxía creando sropresas, risa e baleas en anaglifo, inspirándose no poema-               rio Balea2 do poeta Estevo Creus.

 

                       

              

 

 

 

 

          GALA TELECLUB DA COMEDIA NADAL

          

 

DÍA: xoves 27

HORA: 21.00 h

LUGAR: Teatro Principal

XÉNERO: Monólogo cómico

DURACIÓN:  75 min

CATALOGACIÓN: +10

LINGUA: Galego

ENTRADA: 5,00€

 

SINOPSE: Despois do éxito da primeira edición, Chelo do Rejo, Fran Campos, O Padre     Xiao, Pablo Chichas, As Lerchas, Manolo do Atlético e o Mago Toño, acompañados      pola batuta do mestre Carlos Barruso, volverán encher de gargalladas o nadal cos            seus monólogos cómicos. A Stand up comedy en formato estradense!

                       

 

 

PIEDRA A PIEDRA

         El Teatre de L´home au Dibuxait (Castellón)

 

DÍA: venres 28

HORA: 12.30 h

XÉNERO: Teatro de obxectos

DURACIÓN: 30 min

CATALOGACIÓN: 2-4 anos

LINGUA: Castelán

ENTRADA: 3,50€

 

SINOPSE: Tras máis de 1.600 representacións por 38 países e 4 continentes. Despois de recibir 16 premios nacionais e internacionais, ademais dunha nominación aos prestixiosos Premios Max, chega á Estrada unha das mellores montaxes dos últimos anos en España. Piedra a piedra é unha marabillosa proposta que consegue espertar a imaxinación dos máis cativos a partir da manipulación de pedras e restos mariños. Un espectáculo de visita obrigada!

 

 

 

 

 

 

SCREEN MAN

El Teatre de L´home au Dibuxait (Castellón)

 

DÍA:  Sábado 29

HORA: 12.30 h

XÉNERO: Espectáculo teatral de video mapping

DURACIÓN: 35 min

CATALOGACIÓN: +2 anos

LINGUA: Castelán

ENTRADA: 3,50€

 

Screen man, ou o «home pantalla», é aquel ser máxico que nos axuda a facer realidade os nosos soños. Para demostrarnos que todo é posible fai xurdir das pantallas xogos máxicos, nubes que se moven aos seus soplidos, letras que caen da súa gorra, realidades que se van formando tralo movemento das súas mans… Un espectáculo que te deixará coa boca aberta!