A ESTRADA PECHA UN NADAL QUE ATEIGA AS RÚAS E QUE ANIMA ASEGUIR REALZANDO O PERCORRIDO DAS DÚAS CABALGATAS NA VILA

 A cabalgata de Reis volve atraer visitantes chegados doutros concellos
próximos e a de Papá Noel continúa incrementando a súa afluencia.
 De cara a vindeira edición, o Concello valora incrementar as carrozas
que acompañan o desfile do 24 de decembro.
 No ámbito cultural péchase un mes de programación con preto de 40
actividades.
 No plano deportivo, a San Silvestre e a San Silveira pulverizan as súas
propias marcas en Fin de Ano e logran recadar máis de 1.200 quilos de
alimentos para Cáritas.

Coas estampas da visita dos Reis Magos aínda moi
presentes, chega o momento de facer balance de toda a actividade programada durante a
celebración do Nadal no Concello da Estrada. Distintos departamentos municipais confluían
hoxe nesta valoración e coincidían en estimar moi satisfactoria a marcha dos distintos
eventos programados, aplaudido a masiva afluencia nas rúas e agardando que esta se
traducira nun positivo impacto para a vertente comercial asociada a estas festas.
O concelleiro de Promoción Económica e Servizos Municipais, Óscar Durán, subliñou o éxito
acadado, un ano máis, polas cabalgatas do 24 de decembro e do 5 de xaneiro. “A cabalgata
de Papá Noel volveu darnos unha sorpresa moi agradable. É un evento que non se programa
en todos os concellos, que cada ano ten máis público e que constitúe un importante
aliciente para hostalería e comercio”, sinalou. Lembrou que este ano o percorrido de Papá
Noel polas rúas da Estrada estivo potenciado cun desfile de personaxes de animación e
adiantou que se está valorando incorporar na vindeira edición “unha ou dúas carrozas
máis”.
“A de Reis foi un auténtico espectáculo”, continuou Durán. Puxo o acento en que a cabalgata
do 5 de xaneiro na Estrada volveu ser un éxito, respaldada de xeito masivo por público local
e foráneo. “A xente na rúa compáraa coa cabalgatas de grandes cidades, sen ánimo de
desmerecer a ninguén”, recoñeceu o concelleiro, que sinalou a presenza de moitos
espectadores chegados doutros concellos.

Nesta ocasión, os Reis Magos desfilaron nunha comitiva conformada por oito carrozas,
acompañados pola Banda de Música Municipal da Estrada e a Banda de Gaitas de Barbude.
O tempo recomendou celebrar a recepción no Teatro Principal, ateigada de nenos e nenas
desexosos de compartir os seus desexos cos Reis.
Neste Nadal as cabalgatas da Estrada distribuíronse máis de 3.000 quilos de caramelos.
Durán no esqueceu recoñecer e agradecer hoxe todo o esforzo organizativo que para o bo
desenvolvemento destes desfiles realizou o persoal municipal, os axentes da Policía Local e
tamén Emerxencias da Estrada. Recordou a complexidade engadida de ter que cortar
momentaneamente a N-640, unha cuestión que brindou ao concelleiro a oportunidade de
reivindicar a chegada da tan agardada variante.
No tocante á iluminación, o responsable desta ornamentación amosouse convencido de que
o esforzo nesta materia cubre xa as necesidades. “A xente vén á Estrada a ver o ambiente
que se crea na rúa, non vén por se temos cada ano unha árbore máis alta que a anterior. De
cara ao próximo Nadal temos que darlle unha volta e pensar nun atractivo que non pase por
incrementar as luces”, indicou.
De récord
No eido deportivo este foi un Nadal de récord. Dende o departamento que dirixe Ismael
Pena concretouse hoxe que tanto a San Silvestre do 31 de decembro como a San Silveira de
BTT superaron todas as marcas de edicións anteriores. O mesmo acontenceu coa San
Silvestre Acuática do 24 de decembro.
Na proba de bicicleta participaron un total de 177 deportistas e na carreira de Fin de Ano
foron 905 os dorsais distribuídos. Atendendo ao carácter benéfico das dúas probas, o récord
chegou tamén na cantidade de alimentos recollidos a prol de Cáritas Parroquial da Estrada,
estimando que se entregaron máis de 1.200 quilos.
No apartado cultural, o Nadal despídese na Estrada pechando un programa conformado por
preto de 40 actividades no prazo dun mes, entre o 5 de decembro e o 5 de xaneiro. A
concelleira de Cultura, Lucía Seoane, sinalou que foron moitos os eventos que se
desenvolveron con aforo completo (caso de varios dos programados na Sala Abanca ou de
espectáculos coma “Pincho” ou o concerto de Nadal do Obradoiro de Música Moderna
Carlos Barruso) e que serviron para encher de ambiente as rúas. Considerou que a
programación deseñada foi variada e pensada para o desfrute de cidadáns de todas as
idades.

Publicado en Portada | Deja un comentario

O CONCELLO RESTAURARÁ O ANTIGO FAROL DA PRAZA DACONSTITUCIÓN, QUE LEVA CATRO DÉCADAS NA AVENIDA DACULTURA

 Aínda que naceu aos pés do consistorio, foi retirado para a construción
da desaparecida fonte luminosa e colocado na Zona Deportiva no ano
1984.
 Está dotado dunha peaña de pedra a xeito de bancada e protagoniza, aos
pés do consistorio, moitas imaxes antigas.
 O goberno busca valorizar este elemento, que será embelecido coa
substitución do fuste actual que sostén o punto de luz polo do farol
ornamental de cinco brazos que había na Porta do Sol.
 A medida acompañará a limpeza e mellora de todo o paseo de esculturas
da Avenida da Cultura

O Concello da Estrada realizou nas últimas semanas un
labor de limpeza e mellora das diferentes esculturas que poboan a Avenida da Cultura,
na honra e lembranza de persoeiros aos que lles foron dedicados sucesivos Anos
Culturais na primeira década deste século. O alcalde, Gonzalo Louzao, avanzou que estas
melloras acompañaranse agora da valorización dun elemento patrimonial que foi
emprazado nesta mesma rúa, aínda que moitos anos atrás protagonizaba as fotografías
que se tomaban na Praza da Constitución, ao pé do consistorio.
Trátase dun antigo farol que naceu aos diante da casa de todos os estradenses, cunha
peaña de pedra que se empregaba a xeito de bancada, e que foi trasladado á Zona
Deportiva, concretamente a unha praza oficialmente denominada Fillos da Estrada en
Caracas.
Moito menos coñecido para os estradenses que o farol que preside -e mesmo bautiza de
xeito popular- a Praza de Galicia, este elemento tivo tamén un marcado protagonismo
na historia local. Foi durante anos o elemento protagonista aos pés do edificio do
Concello, como amosan algunhas imaxes antigas deste enclave urbano. Porén, este
punto de luz, dotado dun banco de pedra que o rodeaba, apartouse desta praza por mor

das obras de construción da mítica fonte luminosa que tamén ordenaba o tráfico ao
funcionar como unha gran rotonda.
O farol foi levado entón ao almacén municipal, do que saíu durante o mandato do
alcalde Manuel Reimóndez Portela. Comezou a desfrutar dunha segunda vida na Zona
Deportiva, na Avenida da Cultura. Quedou instalada na pequena Praza Fillos da Estrada
en Caracas, situada fronte ao IES Manuel García Barros, e alí leva máis de catro décadas.
O goberno que encabeza Louzao Dono non pretende mover este farol do seu sitio, pero
si realizar unha intervención que o realce. A idea é restaurar a súa peaña de pedra e
retirar o fuste que actualmente da soporte ao punto de luz. Máis polo miúdo, a
pretensión e substituír este elemento, de latón e escaso valor, por outro de certa
antigüidade e maior aporte estético.
En concreto, colocarase nesta histórica base o farol que tamén foi retirado no seu día da
Porta do Sol, unha estrutura de cinco brazos que foi conducida ao almacén municipal a
consecuencia das reformas experimentadas nesta zona da capital estradense.

Publicado en Portada | Deja un comentario

O SERVIZO DE EXPEDICIÓN DO DNI NA ESTRADA PECHARÁ O ANO CON630 PERSOAS CITADAS E XA TEN ESGOTADAS AS QUENDAS DE XANEIRO

 A alta demanda dá mostras da boa acollida do servizo entre a cidadanía.
 A Policía Local encárgase de asignar as quendas, que en febreiro serán
os días 3, 4 e 19.
 Ademais de seren empregado por usuarios da Estrada, tamén acoden a
esta unidade móbil de expedición veciños de concellos próximos, caso de
Cuntis, Forcarei, Teo ou Vedra.

O servizo de expedición do Documento Nacional de
Identidade (DNI) e pasaporte, que presta a Policía Nacional na Estrada dende o pasado mes
de maio e a través do Vehículo Integral de Documentación (VIDOC), ten xa esgotadas dende
hai días todas as citas do primeiro mes de 2026. O servizo pechará o ano cun total de 630
persoas citadas para a tramitación destes documentos, destacando pola proximidade aos
cidadáns e por unha rapidez na emisión desta documentación que non era posible coa
modalidade anterior.
Outros 60 cidadáns teñen xa cita para o mes de xaneiro, durante o cal o vehículo da
Policía Nacional quedará instalado na Praza da Constitución os días 7 e 21. Aínda que
inicialmente a unidade programaba dúas visitas mensuais, dos oito meses transcorridos
dende a posta en marcha deste programa foron máis as mensualidades (5 en total) nas
que se programaron tres días de emisión.
O feito de que as as citas se esgoten moi rápido dá mostra da boa acollida que entre a
cidadanía estradense está tendo este servizo de proximidade, que aforra a moitos veciños
do municipio o anterior traslado a outras cidades para a renovar a súa documentación. En
todo caso, a Policía Local, que se encarga de organizar as quedas, vén de coñecer as visitas
programadas para esta unidade no mes de febreiro. Segundo se indicou, o Vehículo Integral
de Documentación chegará á Estrada os días 3, 4 e 19 deste segundo mes de 2026.
Para facer uso do servizo os interesados teñen que chamar á Policía Local da Estrada, no
teléfono 986 570 898, ou acudir de xeito presencial ata as súas dependencias, na Praza da
Feira, en horario de 09.00 a 14.00 horas. Tramitada a documentación, a expedición é agora
inmediata, de xeito que en apenas 10 minutos os cidadáns saen co seu carné ou o seu

pasaporte na man. Isto axiliza moito a xestión con respecto ao servizo anterior,ademais de
facilitar este trámite administrativo aos veciños da Estrada.
Lembrar tamén que dende comezos deste mes A Estrada conta co servizo do Punto de
Actualización de Documentación (PAD) na Casa das Letras. Nel é posible realizar xestións
como a renovación do certificado dixital, cambiar o contrasinal do DNI dixital ou anular a
sinatura dixital, entre outros trámites.
Aínda que son principalmente veciños do Concello da Estrada os que fan uso do servizo,
tamén se achegan ata esta unidade residentes en municipios veciños, caso de Forcarei,
Cuntis, Teo ou Vedra.

Publicado en Portada | Deja un comentario

INAUGURACIÓN DA EXPOSICIÓN «CASTELAO. DE SEMPRE EN GALIZA AO CONSELLO DE GALIZA»

A mostra queda instalada na Casa das Letras da Estrada ata o vindeiro 10 de xaneiro.
No acto de inauguración participaron o conselleiro de Cultura, Lingua e Xuventude, @lopezcamposgal, o alcalde da Estrada, @gonzalolouzaodono, o presidente da Real Academia Galega, @henriquemonteagudo, o secretario xeral da Lingua, @valentingarciagomez e o director da Fundación Penzol, Xosé Manuel Soutullo.
É unha iniciativa da Cátedra Institucional Castelao da Universidade de Santiago de Compostela e da Fundación Penzol, baixo produción de Editorial Galaxia. Está comisariada por Henrique Monteagudo Romero, tamén director da cátedra dedicada ao intelectual galeguista.
A iniciativa pretende achegar ao público o pensamento e a obra de Castelao a través de paneis e materiais documentais cos que o público poderá coñecer o proceso de escritura de «Sempre en Galiza», iniciado en 1934, así como o contexto político e cultural que levou á fundación do Consello de Galiza no exilio en 1944.
Publicado en Portada | Deja un comentario

Os traballos da Xunta no castro de Barbude da Estrada sacan á luz unha muralla de época castrexa

Os traballos, enmarcados no Plan de actuacións arqueolóxicas, están destinados a ampliar o coñecemento sobre o patrimonio máis sobranceiro da Comunidade

Os interesados en coñecer os resultados poderán participar na visita guiada que se organiza este sábado, ás 10.30 horas, en colaboración co Concello da Estrada

Os traballos impulsados pola Xunta de Galicia no castro de Barburde ou Trasmonte, no concello da Estrada, acaban de sacar á luz restos dunha muralla de época castrexa. Así o anunciou hoxe o conselleiro de Cultura, Lingua e Xuventude, José López Campos, nunha visita na que estivo acompañado polo director xeral de Patrimonio Cultural, Ángel Miramontes, e na que puido coñecer o avance desta actuación.

Así, tal e como explicou o responsable autonómico de Patrimonio Cultural, a estrutura localizada, aínda en proceso de estudo, correspóndese cunha fortificación defensiva na que se inclúe tanto a construción exterior como un segundo elemento circular que, segundo os primeiros indicios, podería corresponderse á época castrexa. “Trátase dun importante achado que nos axuda a ampliar o coñecemento sobre o patrimonio máis sobranceiro da nosa Comunidade e que se complementa coa localización de material composto por cerámica da Idade de Ferro”, apuntou López Campos.

Neste senso, o conselleiro de Cultura precisou que a actuación levada a cabo na Estrada cunha achega de 17.700€ encádrase no Plan de actuacións arqueolóxicas, a folla de ruta posta en marcha polo Goberno galego cun investimento de 1,5M€ para, en solitario ou en colaboración con institucións académicas e concellos, garantir a conservación dos xacementos ao tempo que se favorece o achegamento a historia por parte da cidadanía.

No caso concreto de Barbude, os traballos están centrados na limpeza dos perfís de acceso á zona máis alta do castro, así como na realización de dúas sondaxes arqueolóxicas para avaliar unha das parcelas e no camiño de acceso. Ademais, o proxecto complétase coa elaboración de materiais divulgativos entre os que se inclúe un vídeo e unha reportaxe de fotografía área.

Ademais, co fin de que a cidadanía poida coñecer os resultados desta actuación, o sábado, en colaboración co Concello da Estrada, organizarase unha visita guiada ás 10,30 horas. Trátase dunha actividade de balde e os interesados poderán reservar praza a través do Concello, ben presencialmente ou ben no número de teléfono 986 573 601.

Publicado en Portada | Deja un comentario

As tres Negreira de Galicia celebran un acto de irmandade na Estrada

As tres Negreira de Galicia celebran un acto de irmandade na Estrada. Os concellos da Estrada, Negreira e Santa Comba están unidos por este topónimo.
O acto celebrouse na parroquia estradense de San Miguel de Barcala, da que forma parte o lugar de A Negreira.
@concellodenegreira_oficial @santa_comba_info
Publicado en Portada | Deja un comentario

Imaxes da visita guiada polas escavacións arqueolóxicas do Castro de Barbude, concorrida a pesares de que o tempo non acompañou.

Imaxes da visita guiada polas escavacións arqueolóxicas do Castro de Barbude, concorrida a pesares de que o tempo non acompañou.

 

Publicado en Portada | Deja un comentario