A Estrada na Rede

Este novo contratempo demostra o nulo interese que ten a administración central en executar esta obra importante para A Estrada

O concelleiro do BNG, Xosé Magariños, pregúntase se “o castro de Aguións apareceu onte ou xa estaba alí cando proxectaron a Variante, porque non se entende este novo despropósito, un de tantos, que persegue a esta ansiada infraestrutura”.

“Este novo obstáculo”, explicou Magariños, “demostra o pouco interese que ten a administración central en facer a Variante, definindo un traxecto ao lado de elementos arquitectónicos que están á vista de todo o mundo, sen prever que iso sería un problema para a aprobación do e execución do proxecto”. “Claro que tamén pode ser que haxa meigas que van de noite a mover os marcos do castro de Aguións para poñer atrancos a esta infraestrutura”, engadiu o concelleiro do BNG.

O concelleiro nacionalista pide explicacións ao alcalde que “terá que da explicacións convincentes do que está a pasar coa Variante, porque hai un ano, en plena campaña Sigue leyendo →

O pasado xoves vimos de reunirnos os compañeiros e compañeiras do BNG das comarcas de Pontevedra e da Estrada co fin de manter unha xuntanza de traballo na que avaliar o proceso fusión de Cerdedo-Cotobade aberto polos dous alcaldes do Partido Popular.

Este proceso de Fusión non aborda o conxunto dos problemas cos hoxe conta a poboación do rural galego e menos aínda os veciños e veciñas dos concellos de Cerdedo e Cotobade.

Ambos os dous concellos caracterízanse por ter unha poboación moi envelledida e cun cremente vexetarivo negativo, por ter un importante déficit de servizos públicos e unha capacidade económica endeble e, finalmente, por contar cun importante número de persoas desempregadas.

Pero a solución aos problemas demográficos, de desemprego ou de despoboamento é de carácter nacional e non local. Está nas mans naquelas administracións que teñen Sigue leyendo →

Zonas de aparcamento restrinxido no que non se ve a delimitación, pasos de peóns practicamente borrados e semáforos que non funcionan. 

Non se teñen realizado as modificacións na zona de aparcamento restrinxido aprobadas en outubro na Rúa San Antón. 

Actualmente a imaxe de coidado que proxecta o casco urbano resulta francamente mellorable. Dende o grupo socialista demandamos que o grupo de goberno non perda máis tempo e de inmediato proceda a realizar as tarefas de mantemento necesarias para o coidado das rúas do casco urbano.

“Zonas de aparcamento restrinxido onde non se ve a delimitación, pasos de peóns practicamente borrados e semáforos que non funcionan, bancos deteriorados e mobiliario urbano desconchado. Esta realidade causa malestar entre os estradenses e proxecta unha imaxe inxusta da nosa vila. O Concello debe efectuar de inmediato as tarefas requiridas para repoñer a sinalización horizontal e vertical situadas nas distintas rúas. Trátase de tarefas que non supoñen grandes inversións, só preocupación política polo pobo estradense e capacidade de xestión do día a día. Parece que o alcalde José López segue sen querer rebaixarse a atender as necesidades do día a día dos estradenses”       Sigue leyendo →