A Estrada na Rede

Este fin de semana dispútanse 2 encontros da liga galega de fútbol gaélico na Estrada

Publicada el 26 febrero, 2016 por A Estrada na Rede

O Sábado 27 as 20:15h. no Manuel Regueiro de Figueiroa, IRMANDINHOS A ESTRADA vs ESTRELA VERMELHA DE COMPOSTELA.

O Sábado 27 as 21.30h. no Manuel Regueiro de Figueiroa, IRMANDINHAS A ESTRADA vs ESTRELA VERMELHA DE COMPOSTELA.

O Sábado 27 as 15:00h. no campo da Torre da Coruña, ÁRTABRAS DE OLEIROS vs BRAITHREACHAS A ESTRADA

Terceiro tempo Na cafetería Mimela as 23h. ESTADES TODOS CONVIDADOS.

Esta é a última oportunidade dos equipos de A Estrada para engancharse á liga e non dar todo por perdido.

Para este encontro Irmandinhos precisa da súa afección.

Está vai ser unha xornada intensa na que Fillas de Breogán e Ártabros defenden os seus Sigue leyendo →

Publicado en Deportes, Portada | Deja un comentario

Alexander Neira: "A mocidade da comarca ten futuro e temos que loitar por el"

Publicada el 26 febrero, 2016 por A Estrada na Rede

As xuventudes socialistas celebraron na xornada do domingo as asembleas para elixir os coordinadores comarcais da provincia de Pontevedra. Na comarca de Ulla-Umia o elixido foi o estradense Alexander Neira, Secretario de Organización da agrupación da Estrada.

As xuventudes socialistas da provincia de Pontevedra celebraron na xornada do domingo as asembleas para nomear os coordinadores das diferentes comarcas da provincia. No que respecta a comarca de Ulla-Umia, (na que se enmarca o concello da Estrada), resultou elixido Alexander Neira, que no seu discurso defendeu a importancia da mocidade na comarca ao mesmo que lamentou a situación actual desta, especialmente no que respecta o emprego: “Non é admisible o actual desemprego xuvenil que estamos a sufrir” neste aspecto destacou o prexuízo que as políticas do Partido Popular lle están a causar a mocidade, abaratando o despido e fomentando empregos lixo.

Por outra banda o novo coordinador comarcal destacou a necesidade de interesar á mocidade na política. “Para calquera democracia é moi importante ter unha mocidade politicamente activa e informada” neste senso defendeu a idea de que a política deixe de ser “aburrida” para a xuventude e pasar a erguerse como un instrumento efectivo para atender as demandas da cidadanía. Respecto a este tema mostraba o seu desexo de conseguir aumentar os afiliados a xuventudes na comarca, aínda que recoñece que é complicado.

Xuventudes Socialistas

Publicado en Política, Portada | Deja un comentario

O CIM recibe ata o luns as candidaturas ao Premio ao Labor das Mulleres da Estrada

Publicada el 23 febrero, 2016 por A Estrada na Rede

 As propostas, de mulleres ou colectivos, poden formalizarse por parte de calquer/a veciño/a no rexistro de entrada do Concello

 O xurado reunirase o vindeiro martes para emitir o seu ditame e o galardón entregarase, nesta cuarta edición, o vindeiro día 11 de marzo

O Centro de Información á Muller (CIM) da Estrada, integrado na Concellería de Benestar Social e Igualdade, pechará o vindeiro luns o prazo de recepción de candidaturas para a cuarta edición do Premio Honorífico ao Labor das Mulleres do Concello da Estrada.

As propostas, de mulleres ou colectivos, poden ser presentadas por calquer/a veciño/a e deben formalizarse no existro de entrada do Concello. As candidaturas deben centrarse en persoas ou asociacións cunha actividade relevante no municipio a prol da visibilización do traballo da muller e da igualdade.

Tras recoller todas as propostas, o xurado reunirase o vindeiro martes, 1 de marzo, para emitir o seu ditame, que terá en conta a traxectoria persoal, empresarial e local, a revelancia e o retorno social no municipio estradense. O xurado estará conformado pola Sigue leyendo →

Publicado en Cultura, Portada | Deja un comentario

Este mércores o MOME acollerá o Día de Rosalía, na conmemoración do seu nacemento

Publicada el 23 febrero, 2016 por A Estrada na Rede

Con motivo do Día de Rosalía, a parte do acto previsto para o día de mañá no MOME onde unha representación de cada un dos centros de ensino do noso concello recitaran un poema e da posterior actuación do grupo Cantar a Mares, dende o Concello da Estrada preparouse un vídeo onde 28 veciños e veciñas relacionados co mundo da música, o deporte, o teatro, os medios de comunicación, o folclore, o asociacionismo, a hosteleiría e o mundo empresarial entre outros do noso Concello recitaron o poema «A xustiza pola
man», en diferentes localizacións da Estrada, como o Pazo de Oca, o Areal de Berres, Ouzande, a Torre de Guimarei, a Praza do Concello ou a Casa das Letras son algunhas delas.

Este vídeo xa se está difundindo polas redes sociais oficiais (facebook, twitter e instagram) do Concello con grande repercusión, será colgado na páxina web do Concello e mañá será reproducido no acto conmemorativo do Día de Rosalía

Enderezo da canle onde poderedes atopar outros vídeos
https://www.youtube.com/channel/UCTBs4R14jqH0Lbh1oQoun3A

Publicado en Cultura, Portada | Deja un comentario

Domingo de Entroido en Couso

Publicada el 22 febrero, 2016 por A Estrada na Rede

O Domingo día 7 Couso celebrou o seu entroido, durante a mañá recorreron a parroquia coas súas carrozas e comparsas e dando os vivas dos xenerais a todos os veciños e veciñas.

Xa pola tarde achegáronse ata o lugar de Souto de Vea, da parroquia veciña de San Xurxo de Vea, que dende hai uns anos colabora coa parroquia de Couso, alí os máis pequenos realizaron o atranque dos mini xenerais a pesar de que xa comezaba a chover. Logo trasladáronse ao campo da festa de Couso onde estaba previsto o prato forte do día, o Encontro dos Xenerais do Ulla, pero a pesar de que comezaron mentres o público se resgardaba no palco da música, finalmente víronse obrigados a suspendelo ante a intensidade da chuvia.

Publicado en Festas, Portada | Deja un comentario

O colectivo xuvenil de A Estación acondiciona a praza superior da estación

Publicada el 21 febrero, 2016 por A Estrada na Rede

Nos pasados días o colectivo xuvenil Big Bang de A Estación tomou a iniciativa de adecentar a praza superior da estación, ante un comentario nas redes sociais sobre o seu estado de abandono.

Aquí vos deixamos un vídeo realizado polos rapaces onde mostran o seu traballo.