A Estrada na Rede

O PXOM da Estrada segue na mesma situación: pendente de que o TSXG sentencie se é legal ou ilegal 

A estratexia do Alcalde  José López Campos de usar o PXOM como arma electoral foi un erro antes e segue a ser un erro agora.  Os socialistas non somos o problema para os estradenses, o problema é a espada de Damocles que o Alcalde colgou sobre todos os estradenses e que estará no aire ata que se resolvan xudicialmente as cuestións de ilegalidade do PXOM. Non se pode obviar que foi aprobado con informe en contra do Secretario Municipal titular e sen coñecemento dos veciños e veciñas posto que foi modificado polo Alcalde despois da exposición pública.

“A sentencia do Tribunal Supremo de onte, ten que ver unicamente ca suspensión cautelar do mesmo, non co fondo do asunto, o PXOM sigue no Tribunal Superior de Xustiza de Galicia pendente de que se emita sentencia sobre a súa legalidade ou ilegalidade”, informou o líder socialista.

Esta sentencia non modifica en nada a situación actual do PXOM da Estrada, segue exactamente como estaba: pendente de que o TSXG sentencie se é legal ou ilegal. Ademais, o Secretario titular do Concello ten denunciado a este alcalde e ó tenente alcalde, por presuntas coaccións no xulgado número 2, e este xulgado pediu o expediente do PXOM fai unhas semanas, o xuíz que o pediu saberá o motivo.

“É obvio que o alcalde está nervioso, pero non nos engañemos, non está nervioso polo Plan Xeral, nin está nervioso por defender os intereses dos estradenses, está nervioso pola proximidade das eleccións municipais e a posibilidade real de perder o sillón”, comentou José Antonio Dono. “Será mellor que se dedique a xestionar, en vez de estar continuamente falando de min”.

PSdeG PSOE de A Estrada

Magariños pon o foco tamén sobre a ampliación da Alameda que planea o PP que hipotecará as decisións políticas do futuro goberno municipal

O BNG non comparte o entusiasmo do alcalde a respecto da sentenza do Tribunal Supremo sobre PXOM. O concelleiro nacionalista e candidato á alcaldía, Xosé Magariños, afirmou “que o Plan Xeral aínda está en perigo de suspenderse polas sentenzas que aínda están pendentes, esta que se deu a coñecer onte é a resolución dun recurso do contra a suspensión do Plan, pero non as que entran no fondo da cuestión do PXOM”.

“Polo tanto”, explicou Magariños, “o alcalde ten poucos motivos para a alegría, que non cante vitoria antes de tempo, porque o fundamental aínda queda por resolver polos tribunais”.

Pero o candidato nacionalista pon o foco tamén nas decisións políticas que tomará o PP no pleno de maña xoves. “A curto prazo”, explicou Magariños, “a execución do PXOM está en perigo pola teima do alcalde e do PP en gastar dous millóns de euros na ampliación da Alameda, deixando outras actuación de lado como pode ser a creación de solo público, aparcadoiros públicos e gratuítos en superficie ou distribuír pola vila as áreas verdes e de Sigue leyendo →

Esta semana Xosé López acompañado anunciaba o Tribunal Supremo rechazou o último recurso interposto compra o Plan de Ordenación Municipal.

O alcalde destacou que era a sexta sentencia favorable ao PXOM e que en todas elas se destacaba que «tiña que prevalecer o interés xeral por riba de intereses particulares».