A Estrada na Rede

Dende móvete (movemento veciñal estradense) queremos expresar o noso total desacordo co goberno municipal con respecto a aprobar unha inversión de 1,5 millóns de euros para a ampliación da alameda no derradeiro pleno desta lexislatura. A ampliación da Alameda é sen dúbida unha proposta moi apetecible para a vila de A Estrada, pero, na xestión pública como nas economías domésticas, non se trata só de que apeteza ou non, trátase de que economicamente sexa viable. Trátase de non seguir hipotecando as arcas municipais que se manteñen cos impostos de tódolos estradenses.

Xustifica o alcalde que ampliar a alameda ata a rúa Castelao era un dos puntos do seu programa, e será certo, pero se ó longo da lexislatura non foi quen de levalo a cabo, por qué comprometer ó vindeiro goberno con esta inversión?

Do mesmo xeito, o señor alcalde síntese avalado para tomar esta decisión por máis de 1500 sinaturas recollidas no ano 2000, fai 15 anos.

Está seguro o alcalde de que os veciños teñen as mesmas necesidades agora que hai 15 anos.

É se lle damos a elixir á cidadanía entre ampliar 4.000 m2 a alameda ou mercar 100.000 m2 de terreo nunha zona moi próxima ó núcleo urbano investindo un terzo do orzamento que o goberno di que ten disposto para esta inversión.

En móvete temos moi clara cal é a necesidade actual do pobo, é por iso, que cando cheguemos ó goberno, o concello poñerá á disposición dos veciños 10 hectáreas de zona verde que serán destinadas, entre outras cousas, a xardín e parque botánico, a sendeiros Sigue leyendo →

O candidato do BNG-Asembleas Abertas á alcaldía da Estrada, Xosé Magariños, reuniuse na tarde hoxe con representantes do sector turístico do concello para achegarlle as propostas do BNG e escoitar as demandas do sector.

O actual concelleiro nacionalista explicou que “na Estrada non temos praia, pero temos un rico patrimonio que está a monte e está sen explotar desde o punto de vista turístico -a Torre e o Pazo de Guimarei son un exemplo-, a posta en valor das potencialidades turísticas das que dispoñemos e, convertidos estes recursos en produtos turísticos serán a nosa prioridade se os veciños e veciñas da Estrada confían en nós para o futuro goberno municipal”.

“Así”, explicou Magariños, “aproveitando o singular patrimonio material e inmaterial (arquitectónico, paisaxístico, etnográfico, gastronómico, micolóxico, literario, musical, etc) crearanse diferentes paquetes turísticos cos que incentivar a visita de turistas á Estrada onde se combine o aloxamento, a manutención así como as visitas ás diferentes contornas do Concello da Estrada.” “Tamén apostamos pola elaboración dun plan de dinamización turística contando co sector (bares, restaurantes, casas de turismo rural… )”, explicou Magariños.

“Por outra parte”, afirmou o candidato do BNG-Asembleas Abertas, “tamén recollemos e asumimos como propias dúas propostas que nos fixeron, que son a unificación da sinalización das casas de turismo rural e a instalación de paneis informativos sobre as excelencias turísticas do concello nas principais vías de comunicación da Estrada”.

BNG de A Estrada

Magariños presenta como principal obxetivo recuperar un rural productivo no que se poida vivir e traballar. Para acadar esto dan a coñecer  29 prospostas que incluen no seu programa electoral e cas que se pretende conseguir creación de postos de traballo, mellora dos servizos no medio rural para asentar alí máis poboación e prezos rentables para os productos agrícolas e gandeiros.