Fai uns días os alcaldables das cinco formacións políticas que se presentarán ás eleccións municipais o vindeiro 24 de Maio, prestáronse a responder as preguntas dos xóvenes na reformada dársena da estación de autobuses.
O requisito para poder participar no turno de preguntas era ser menor de 25 anos. Tras as respostas dos candidatos os rapaces valorabanas positivamente ou negativamente, sendo o mellor valorado Xosé Magariños do BNG.
Os socialistas consideramos que no contexto actual a prioridade debe ser xerar emprego
Despois de 4 anos de promesas incumpridas o alcalde López Campos pretende agárrarse da ampliación da alameda municipal como bandeira salvavidas para seguir catro anos máis no sillón da Alcaldía. Sen embargo, unha vez máis o que está a facer é vender fume para enganar aos veciños.
Os socialistas xa dixemos que no actual contexto económico a prioridade debe ser apostar pola creación de solo industrial público e a creación de postos de traballo na Estrada. Non parece que sexa o momento de gastar os recursos municipais en parques e xardíns, sobre todo cando se ten incrementado o número de familias estradenses nas que non hai ningún ingreso económico.
“Non compartimos que sexa o momento idóneo para acometer a ampliación da alameda, consideramos que son outras as prioridades neste momento e por iso non imos apoiar a modificación do orzamento municipal con esta finalidade”, comentou o líder socialista José Antonio Dono. “López Campos non só non xestiona acertadamente os fondos municipais, se non que pensa que os veciños son tontos e tenta enganalos para sacar rendemento electoral”
Lembraron os socialistas que o último día antes de que se convocaran oficialmente as Sigue leyendo
As políticas activas de vivenda serán a prioridade número un do novo urbanismo alternativo, que pechará o actual ciclo especulativo, destructor da paisaxe urbana e rural do noso concello.
«Os recursos públicos priorizarán os incentivos á rehabilitación do parque de vivendas actual, tanto na vila como no rural; tanto para a venda como para o alugueiro», declarou a candidata á alcaldía, Ofelia Lema, «o cal traerá como consecuencia postos de traballo para empresas e autónomos locais, e non beneficios para grandes grupos inmobiliarios foráneos ou o destrución do comercio local».
«Paralelamente a estas medidas, procedederemos á cancelación inmediata das contas municipais nos bancos que desafiúzan a xente e a expulsan das súas vivendas», engadiu a número un de AE PODE, «e priorizaremos as relacións financeiras con entidades que teñan como principio a banca ética», concluíu.
A acción de goberno da candidatura veciñal prevé paralizar inmediatamente todas as accións urbanísticas que estean desviando cartos públicos para intereses particulares en contra do interese xeral.
A candidata á alcaldía pola plataforma veciñal A Estrada Pode avanzou hoxe as liñas mestras e medidas urxentes en materia de urbanismo que esta formación executará nos primeiros días de goberno municipal. A prioridade número un desas medidas serán as persoas, sobre todo aquelas máis carenciadas, e a efectivización do seu dereito constitucional a unha vivenda digna. Para iso, Ofelia Lema explicou que, «é preciso pór fin ao actual ciclo especulativo que o Partido Popular deseñou para A Estrada nos seus sucesivos gobernos locais e cuxas consecuencias están ben á vista: destrución da paisaxe urbana e rural, demolición de elementos arquitectónicos emblemáticos na nosa historia local, fomento da burbulla especulativa que acabou por rebentar e traer a Sigue leyendo
O conflito que hoxe queremos facer público a todos os medios de comunicación e a sociedade estradense no seu conxunto, nace no mes de setembro do ano 2014.
Naquel momento e por expreso desexo das súas familias, transmitímoslle ao Xefe Territorial Don César A. Pérez Ares, a petición da recollida no pobo aos nen@s que veñen o colexio do Foxo. Mandóuselle o escrito ao seu departamento e alí ben lle explicábamos despois de ler a instrución de transporte que sabiamos que eses rapac@s non eran usuarios lexitimos dese transporte. Pero nós como pais\nais considerábamos que os autobuses contaban con prazas libres, que non modificabamos a ruta, posto que este autobús vai buscar os nen@s de secundaria e que non incrementábamos a duración do traxecto. Consideramos que era unha proposta moi boa, porque a escaseza de matrícula no noso colexio e unha realidade e daríamos así a oportunidade de elixir libremente colexio ás familias interesadas. Deuselle o prazo dun mes para que a valoraran e se puxeran en contacto con nós para tratar o tema. Cal é a nosa sorpresa que o día 5 de Decembro sen antes informarnos a nós, enterámonos pola prensa local que a nosa petición era rechazada e o informe de Inspección non era favorable, alegando que a zona de escolarización deses nen@s non era o Ceip do Foxo, polo cal non había obriga de instalar unha parada no casco urbano, e a data de resolución cando o recibimos é do 29 de Decembro.
Como é posible que a prensa soubera o día 5 de Decembro algo que foi que foi Resolto o 29 ??
Tivemos que mandar un segundo escrito pedindo a resolución a nosa petición, porque intentamos poñernos en contacto co Xefe Territorial por teléfono sen conseguilo, a pesares Sigue leyendo
Sobre ás 20:30 horas de hoxe chegarán a Sabucedo os 150 xinetes participantes na III Edición da Ruta A Lanzada – Sabucedo tras recorrer 200 kilómetros.
Onte ás 9:30 horas partían de A Lanzada os 150 inscritos procedentes de diversos puntos de Galicia como Laracha, Coruña, Corcubión, Cerdedo, Porriño, Ourense, A Estrada e mesmo de fora de Galicia como de Madrid, entre outras localidades.
Deixámosvos a presentación da ruta que realizaron nos pasados días Juan Constenla, edil de Cultura, acompañado de membros da Asociación Rapa das Bestas de Sabucedo, organizadores da ruta.
Nesta ocasión, igual que nas anteriores, volveron quedarse fora interesados en participar na ruta ante a falta de aforo na Praza de Toros de Pontevedra para máis cabalos, lugar onde pasaron a pasada noite.
Fotografías da Ruta cedidas polo Departamento de Cultura e Cabaleiros de Riobó
José Antonio Álvarez capturou o primeiro salmón da tempada de pesca no río Ulla no couto de Sinde. Tratase dun exemplar de 4,2 kilos e 72 centímetros.
O pescador, un veterán de 60 anos de Ourense, practica pesca sen morte, tentou liberar ao salmón, pero non lle foi posible.
Onte tivo lugar a comisión de organización (extraordinaria urxente) na que se tratou a proposta da alcaldía de aprobación da RPT. O grupo municipal socialista trasládanos a súa opinión ao respecto:
«Consideramos un despropósito a xestión que o grupo de goberno fixo e está a facer en relación a este tema tan importante. Pretender impoñer un documento que regula o organigrama de funcionamento do concello sen ter en conta a posición contraria ao mesmo dos traballadores a través dos seus representantes sindicais e os informes desfavorables de intervención e secretaría, é unha temeridade que vai condicionar o funcionamento do concello.
Ademais, non se pode ignorar a sentenza do luns pasado que da a razón aos traballadores e anula un acordo aprobado polo actual grupo de goberno modificando as condicións laborais dos traballadores. A estimación da reclamación neste conflito colectivo terá consecuencias económicas moi importantes sobre os orzamentos municipais destinados a persoal. O previsible incremento aos traballadores non pode obviarse e non contemplarse no documento de RPT. Sigue leyendo
