A Estrada na Rede

Magariños esixe que o alcalde aparque o seu papel de axente comercial de grande superficies comerciais e mire máis polos comerciantes e vendedores da praza de abastos

O concelleiro do BNG, Xosé Magariños, amosouse moi crítico coa intención do goberno municipal de proceder ao traslado escalonado dos praceiros e praceiras da praza provisional á nova.

“Iso é matar a praza”, manifestou o concelleiro nacionalista “non pode ser que uns fiquen na praza provisional e outros se vaian para a nova”.

Neste sentido, o concelleiro nacionalista afirma que “coincidimos plenamente cos praceiros e praceiras que tampouco están de acordo con facer un traslado escalonado como pretende o alcalde os seus”. “O PP gastou 1.3 millóns de euros en remodelar a praza e agora quere tirar con este investimento cun traslado a conta gotas que nin os praceiros e praceiras entenden e tampouco entenderían os veciños e veciñas que van comprar a ela
todos os días”. Sigue leyendo →

Onte o alcalde recibeunos no concello para trasladarnos as últimas novidades e actuacións que se levaron a cabo durante esta semana.

Xosé López fálanos das actuacións que se están levando nas 51 parroquias do rural, como o arranxo das pistas de índole municipal, do viveiro de empresas que se está preparando no edificio do Novo Mercado e de que xa comezaron a trasladar a biblioteca ao seu novo emprazamento na Casa das Letras. O rexedor pide disculpas se algún usuario da biblioteca se ve perxudicado nestes momentos polo traslado, pero espera que este se remate na maior brevidade posible e pechar así unha demanda histórica dos usuarios cós actuais problemas.

Por outra banda, tamén fixo alusión ao proxecto de levar a cabo o centro hípico de Guimarei, unha mostra máis do apoio de este goberno ao deporte local. O rexedor considera que os clubes locais non só aportan actividades deportivas senon tamén formativas ao mostrar valores de respeto e convivencia, polo que considera importante o seu impulso e mantemento.

Na mañá de onte o grupo municipal do BNG, liderado por Xosé Magariños acompañado pola nacionalista, Susana Camba, daban a coñecer unha moción cá cal queren pedir o respaldo do pleno da corporación para que o concello pospoña o proxecto de ampliación da alameda municipal a favor doutros proxectos.

Magariños antepón a creación de estacionamentos e a ampliación pública do polígono industrial de Toedo a crear unha única zona verde, o cal considera un «despilfarro».

O líder do Bng esixe que o Concello utilice o PXOM como instrumento para impulsar a actividade ecónomica, esta formación política entende que se se pretende dinamizar A Estrada como centro comercial debe de ofrecérselle zonas para aparcar.

O Bloque Nacionalista representado polo seu portavoz e alcaldable Xosé Magariños, propón na súa moción que o Concello promoba crear estacionamento para dar servizo a Plaza do Mercado e a tan céntrica Praza de Galicia.

Xosé Magariños móstrouse partidario de que tamén a administración  municipal aposte pola adquisición do terreo lindante coa Casa das Letras, que actualmente esta en venda.