A Estrada na Rede

Este domingo 12 de abril ás 17:00h no bar Búhos (rúa Capitán Bernal nº 9 A Estrada) terá lugar o encontro entre a Marea Atlántica e Movemento Veciñal Estradense-Móvete para conversar sobre diversos aspectos relacionados co vindeiro proceso electoral.

Trataremos aspectos como:

• A necesidade da creación de espazos abertos á confluencia cidadá máis alá das siglas dos partidos.
• Deseño do escenario electoral e postelectoral dende unha perspectiva que responda á intención compartida de poñer fin á actual situación de alienación cidadá, de xuntar esforzos e ilusión para promover uns Concellos abertos e solidarios, uns Concellos para todxs.
• Principios básicos: Garantir unha vida digna para todas as persoas; Unha economía baseada na xusticia social e na sustentabilidade; Democracia e participación cidadá; Compromiso ético;

Dende Móvete animamos a todas as persoas do noso Concello a participar nesta conversa na que todxs aprenderemos cousas interesantes e poderemos aportar ideas  para avanzar cara outra forma de facer política: unha que defina a acción institucional como un compromiso de servizo público sobre a base dos desexos compartidos.

Móvete A Estrada

A Estrada PODE, como plataforma política que aglutina a varias asociacións e partidos políticos estradenses coa finalidade de ser alternativa de goberno nas vindeiras eleccións municipais que se van a celebrar o día 24 de maio, atópase inmersa nun protocolo de encontros e reunións cos sectores máis representativos da actividade estradense co fin de incorporar ó seu programa político as propostas arroxadas por os verdadeiros e as verdadeiras entendidos e entendidas na materia.

Por medio da presente, queremos convocar e convidar a todos e todas os asociados e asociadas da Asociación Comarcal de Empresarios, sita na avenida de Santiago nº 11, o día 13 ás 20 horas, á presentación do proxecto A Estrada PODE. Do mesmo xeito, queremos facer extensible esta invitación a todas aquelas persoas pertencentes ó ámbito empresarial e autónomo. Nesta xuntanza explicaremos polo miudo as características que nos diferencian como partido político e nos fan converxer na alternativa de goberno neste ano de cambio.

Estos encontros buscan escoitar todas aquelas propostas e inquietudes que se manifesten na xuntanza para poder facer un estudo pormenorizado das situacións que se plantexen, recollendo suxerencias dos e das concurrentes sobre as verdadeiras necesidades para os autónomos e as autónomas, así como as empresas da vila.

Dende A Estrada PODE queremos agradecer de antemán a atención que nos poida ser dispensada e a asistencia a dita xuntanza.

A Estrada Pode

A Agrupación Socialista da Estrada informa que o venres 17 de abril, terá lugar a presentación pública da candidatura de José Antonio Dono para as vindeiras eleccións municipais de maio. O acto de presentación, ao que se convida a todas e todos os estradenses, realizarase no Teatro Principal ás 21.30 h.

“Con esta presentación pública, eu e o meu equipo, abrimos as portas do noso proxecto á cidadanía para que todos os veciños e veciñas, así como as asociacións e colectivos, interesados en colaborar no proceso participativo de elaboración do programa o poidan facer. Quedando dende ese mesmo momento a disposición dos estradenses para compartir e debater as propostas que os socialistas executaremos dende o goberno municipal na vindeira lexislatura electoral”, afirmou o candidato José Antonio Dono.

A candidatura socialista, aprobada a mediados do mes de marzo, por unanimidade polos militantes estradenses incorpora  ao proxecto local xente nova, conxugando experiencia e renovación, persoas con ampla formación e experiencia laboral. Está configurada dando igual representación a mulleres e homes e concedendo representación aos veciños do casco urbano e das parroquias. “Trátase dun equipo con ilusión e ganas de traballar para ofrecer aos veciños e veciñas da Estrada outra forma de entender as necesidades locais”, recoñeceu Dono ante a Asemblea dos socialistas locais o día que se ratificou por unanimidade a candidatura encabezada polo líder socialista.

PSdeG PSOE de A Estrada 

O Teatro Principal acollerá o vindeiro sábado 18 a presentación da candidatura popular

O candidato do Partido Popular á Alcaldía da Estrada, José López Campos, informa que Juan Constenla Carbón será o encargado da coordinación xeral da campaña electoral para os comicios municipais do vindeiro 24 de maio e que Amalia Goldar foi designada responsable da coordinación do equipo que se encarga da elaboración do programa electoral.

A menos de 50 días da celebración das eleccións, José López destaca que o Partido Popular estradense está «preparado para afrontar con ilusión e ambición unha campaña en positivo» que estará baseada en explicar «o prolífico balance» da acción de goberno nestes catro anos e en presentarlle aos veciños «as novas propostas que darán continuidade ao proxecto iniciado en 2011 e que está a transformar A Estrada positivamente».

«Hai catro anos concorremos ás eleccións cun programa de goberno moi ambicioso que se foi materializando nunha porcentaxe significativa e que xa dixemos no seu día que tiña un horizonte de execución superior aos catro anos. Agora chegou o momento de darlle Sigue leyendo →