A Estrada na Rede

As Marías, As duas Marías ou,  As dúas en punto, é o nome co que se coñece en Santiago as irmás Maruxa (morta no 1986) e Coralia Fandiño Ricart (falecida no 1980), representadas dende hai anos nunha célebre escultura situada no parque da Alameda compostelana. As dúas irmás eran uns populares personaxes de Compostela polo feito de levar a cabo os seus paseos diarios pola zona monumental da cidade, durante as décadas dos cincuenta e sesenta, vestidas e maquilladas dun xeito moi estrafalario. Estes paseos, que tiñan lugar ás dúas en punto do medio día (de aí un dos seus alcumes), eran todo un acontecemento polo contraste que supuñan co gris ambiente que reinaba durante o franquismo e as suas coloridas vestimentas.

Sigue leyendo →

No monte do Gozo, en Compostela, atopamos duas esculturas adicadas aos peregrinos que por alí se achegan no percorrer do Camiño de Santiago. Sendo o Monte do Gozo o primeiro punto dende donde podemos ver a cidade de peregrinación compostelana,  estas duas enormes estatuas converteronse co paso dos anos nun referente do Camiño , dado que milleiros de persoas acuden aos seus pés para deixar as súas plegarias e agradecementos ao Apóstolo Santiago. A escasos cinco kilometros de Santiago non é un lugar propiamente dito adicado as visitas turísticas senon que máis ben, as esculturas,  estan  alí para dar un último empuxón de ánimo aos peregrinos: para que rematen o seu percorrido e se acheguen a catedral compostelana a abrazar ao Apóstolo.

Redacción e fotografía: Ana Requeijo.