A Estrada na Rede

Os concelleiros Manuel Magariños e Óscar Durán asistiron esta mañá, na Fundación de Exposicións e Congresos, á presentación da dobre cita feiral que se celebrará esta fin de semana: o 12º Salón Motor Classic e a 71ª Feira de Antigüidades e Artesanía.

Sábado 13 de decembro e domingo 14.

Serán 5.600 metros cadrados de espazo expositivo, distribuídos en tres pavillóns para albergar preto de 70 firmas expositoras. 40 delas terán venta directa, ás que hai que sumar 28 máis correspondentes a clubes, empresas e particulares que amosarán os seus clásicos.

Mobiliario, artesanía, bisutería, cerámica, ornamentación, numismática, libros, apeiros de labranza, téxtil e un longo etcétera conformarán a consolidada Feira de Antigüidades.

O horario será de 11.00 a 20.00 horas, tanto o sábado como o domingo.

 O Concello sumará nove elementos novos nas diferentes paradas e
realizará melloras noutros preexistentes.
 Haberá novos puntos cubertos de agarda para o alumnado a carón do
consistorio ou na Carballeira da Sagrada, en Codeseda

A concelleira estradense de Educación, Amalia
Goldar, visitou esta mañá a zona na que se erixen os tres institutos públicos do municipio
para supervisar o arranque da instalación das novas marquesiñas para as paradas do
transporte escolar, unha dotación que a responsable deste departamento municipal xa
avanzara a diferentes asociacións de nais e pais de alumnos coas que se reuniu.
Son un total de nove as novas marquesiñas que quedarán colocadas nas vindeiras semanas.
O Concello decidiu empezar polas que empregarán os alumnos dos centros emprazados na
Zona Deportiva: IES Manuel García Barros, IES Antón Losada Diéguez e IES Avelina
Valladares. Neste entorno haberá 5 puntos resgardados para que os estudantes agarden
polo servizo de transporte.
Concretamente, no IES Avelina Valladares incorpórase unha marquesiña de gran tamaño,
con 7 metros de ancho. O centro conservará outra de 2,40 metros, que será sometida a unha
intervención de limpeza e mellora.
Fronte ao IES Manuel García Barros, ao pé da Avenida da Cultura, colocarase outra
marquesiña para acoller aos alumnos que agardan polo autobús de regreso. Tamén neste
caso se manterá outra preexistente, que será limpada, e retirarase unha máis antiga. O
mesmo sucederá co IES Antón Losada Diéguez. Neste último caso o elemento quedará
instalado na parte posterior do centro, na saída que dá cara as piscinas municipais.
A instalación que comezou esta mañá completarase nos vindeiros días coa colocación dos
cristais e da serigrafía do Concello da Estrada. Goldar asumiu que son días de moita carga de
traballo, así que non puido precisar cando quedará completada toda a dotación.
En todo caso, será despois do Nadal cando se retome a colocación dos novos elementos
noutras zonas. A titular de Educación avanzou que se colocará outra das novas marquesiñas
na parada de autobús existente xunto ao consistorio, ao pé da Avenida Benito Vigo, un

punto de recollida do transporte escolar que emprega cada vez un maior número de
alumnos.
Tamén se instalará outro elemento na Carballeira da Sagrada, en Codeseda, para dar servizo
aos usuarios do transporte escolar neste punto.

 Louzao asigna, seguindo os estatutos da entidade, competencias “en
aras de buscar unha maior coordinación e unha xestiós máis ordenada”.
 Esta delegación non debe confundirse cunha xerencia e non ten parella
percepción económica algunha.
 O padroado aproba o calendario feiral para o próximo ano, que
arrancará en marzo cunha Feira de Oportunidades do Comercio.

O recinto feiral da Estrada acolleu a primeira hora
desta mañá a última reunión anual do Padroado da Fundación de Exposicións e
Congresos. No marco desta sesión, o alcalde, Gonzalo Louzao Dono, realizou unha
delegación de funcións en calidade de vicepresidente desta entidade en favor do
concelleiro Manuel Magariños Maceiras.
O Padroado da popularmente coñecida como Fundación do Moble está composto por
representantes da Xunta de Galicia, Deputación de Pontevedra, Concello da Estrada e
Cámara de Comercio de Vilagarcía. “En aras de buscar unha maior coordinación e unha
xestión máis ordenada escollemos a unha persoa que poida ter máis dedicación, polo
que deleguei neste edil o que vén recollido nos estatutos da propia Fundación”, explicou
o dirixente local.
En concreto, os estatutos recollen no artigo referido ao vicepresidente primeiro da
Fundación de Exposicións e Congresos (o alcalde da Estrada) a capacidade de delegar as
funcións que ten atribuídas para dispoñer de gastos e ordenar pagamentos; convocar
reunións do comité executivo (que seguirá presidindo Gonzalo Louzao) e asinar, en
representación do Comité, todos aqueles contratos ou actos que el mesmo acordase
concluír dento do ámbito das súas competencias.
“Buscaba unha persoa que tivera ese perfil con capacidade de coordinación e xestión e
atopámolo na persoa de Magariños”, explicou o alcalde. Aclarou tamén que o que se
busca é gañar en operatividade e axilidade na toma de determinadas decisións propias
do día a día da Fundación estradense. Incidiu en que este papel de Magariños como
responsable por delegación do vicepresidente non ten que confundirse, en ningún caso,

cunha xerencia e aclarou asemade que estas funcións non teñen aparellada una
percepción económica.
Por outra banda, o Padroado aprobou o orzamento de 2026 (que xa gse recolleu no
marco dos orzamentos autonómicos) e tamén o calendario feiral para o vindeiro
exercicio. Arrancará en marzo coa 14ª Feira de Oportunidades do Comercio (días 13,14 e
15 dese mes) e continuará co 10º Salón do Vehículo de Ocasión (abril), a 4ª Feira
Multisectorial ExpoEstrada (23 e 24 de maio) e a 38ª Feira do Moble de Galicia (do 17 ao
20 de setembro), xunto con tres edicións da Feira de Antigüidades e o 12º Salón Motor
Classic do mes de decembro

 O alcalde visita actuacións que están agora en execución no marco do
Plan Camiña Rural.
 A nova remesa de pavimentacións rurais está en licitación, coa previsión
de contratar nos vindeiros días e comezar as obras co arranque do ano.
 O Concello traballa xa na redacción dos novos plans para 2026, cunha
previsión de investimento doutros 2 millóns de euros.

O alcalde da Estrada, Gonzalo Louzao, visitou estes
días as obras que se atopan en execución para a mellora da rede viaria no ámbito rural. O
mandatario explicou que o receso nas intensas precipitacións das últimas xornadas está
permitindo imprimir celeridade aos traballos. En concreto, as actuacións que están en
execución pertencen ao Plan Camiña Rural. No mes de xaneiro tomará o relevo outro
proxecto que nestes intres se atopa en licitación e que chegará a infraestruturas de 23
parroquias.
O Plan Camiña Rural 2025, financiado pola Axencia Galega de Desenvolvemento Rural
(Agader), inclúe a pavimentación de vías que son de titularidade municipal e que
conectan as parroquias de Ribela e Codeseda. O montante das actuacións programadas
é de preto de 160.000 euros (159.641).
O alcalde explicou que se apostou por incluír neste plan o camiño que conecta o lugar da
Igrexa (en Ribela) co de Marcenlos (Codeseda), unha infraestrutura que comunica coa
estrada provincial que une A Estrada con Forcarei. Indicou que se estiveron limpando as
cunetas e asfaltando con aglomerado en quente.
Outra das vías nas que se actúa con este proxecto é un ramal que atravesa Trabadela,
tamén na parroquia de Ribela, de novo mediante limpeza de foxos, varrido superficial e
firme a base de aglomerado en quente, con rega de adherencia. A mesma actuación
reservouse para A Portela, na parroquia de Codeseda, onde xa se rematou o asfaltado.
Por outro lado, o Concello ten en licitación un proxecto de pavimentacións en vías de 23
parroquias, financiadas con fondos do Plan +Provincia da Deputación de Pontevedra e
que se achegarán aos 800.000 euros de investimento. O alcalde trasladou hoxe a

previsión de que estes traballos entren en execución xa no vindeiro mes de xaneiro, logo
de que nos próximos días se reúna a mesa de contratación.
A relación de intervencións prevista sería a seguinte:
• Toedo: Toedo, Cerrada das Carballas, O Soutiño, O Soutiño-Igrexa e A Carballa.
• San Pedro de Ancorados: O Foxo e O Foxo-Penalba.
• Callobre: Ponteliñares-Moreira (Devesa) e Ponteliñares.
• Guimarei: A Torrevella.
• Santo André de Vea: Trazaríns-Cardelle e Cardelle.
• San Xiao de Vea: Vilanova.
• San Tomé de Ancorados: Igrexa.
• Aguións: A Raxeira, O Codeso e A Frieira.
• Vinseiro: Vis de Correa.
• Matalobos: Guendos e Saiñas.
• Remesar: Aldea Grande e A Rabeta.
• Santeles: Viasque, Sar e Fondevila.
• Berres: Altiño de Berres.
• Orazo: Barro.
• Arnois: Gundián.
• Loimil: Loimil (Igrexa).
• Rubín: Bemposta.
• Cora: Cora.
• Lagartóns: Os Tatos e O Viso.
• Codeseda: Barro e Vilaboa.
• Nigoi: O Pazo.
• San Miguel de Castro: Igrexa.
• San Miguel de Barcala: Negreira e Cimadevila.
Finalmente, Louzao Dono, sinalou hoxe que o goberno traballa xa na redacción de novos
plans de asfaltados rurais de cara a 2026, coa previsión de investir outros dous millóns
de euros para mellorar a rede de comunicación das parroquias.

 Comeza a desfrutar da súa xubilación, tras teren ingresado no corpo
policial estradense en febreiro de 1989, durante o goberno de Elvira
Fernández

O alcalde da Estrada, Gonzalo Louzao, recibiu hoxe
no seu despacho a Aurelio Fernández Bascuas, policía local no municipio durante os
últimos 37 anos e que agora comezará a desfrutar da súa xubilación. O rexedor quixo
despedilo a agradecerlle, en nome propio e no de todos os cidadáns, os seus anos de
servizo público.
Louzao sinalou que tivo ocasión de traballar de xeito coordinado con Aurelio Fernández
durante a súa etapa como concelleiro de Urbanismo e tamén como responsable da área
de Feiras, realizando tarefas tan pouco sinxelas como a reorganización dos dous
mercados.
Lembrou tamén épocas complexas e excepcionais, como a derivada da crise sanitaria do
coronavirus dende marzo de 2020, un momento no que Fernández Bascuas exercía a
xefatura no corpo policial municipal.
O alcalde tamén estimou que este policía axudou á dignificación deste corpo e apuntou
que comeza agora unha “nova e merecida etapa despois de anos de entrega e traballo
en favor da seguridade pública”.
Aurelio Fernández comezou estes 37 anos de servizo na Policía Local da Estrada o 9 de
febreiro de 1989, sendo alcaldesa Elvira Fernández. Nun exercicio profesional no que o
día a día na rúa e o contacto cos cidadáns é constante, recoñeceu que o seu traballo
como policía foi sempre vocacional.

 Realizarase un fresado integral do seu pavimento e aplicarase un
formigón de limpeza. Despois abrirase ao paso de vehículos ata despois
do Nadal.
 No entorno da praza quedará só aberta a circulación por Pérez Viondi
para enlazar coa Avenida de América.
 Tamén dende este xoves, a parada de taxis trasládase á Praza de Galicia,
fronte ao Banco Santander, e a parada de autobús móvese á Praza da
Constitución.
 O tráfico volverá para as festas, ata que as obras cheguen á Praza de
Galicia despois de Reis

As obras de reforma da Praza de Galicia e a súa
contorna continúan avanzando estes días a bo ritmo, concentradas no entorno máis
inmediato do espazo que se bautiza popularmente como A Farola. Deixando esta
améndoa central para despois das festas do Nadal e contemplando o paro vacacional do
sector da construción a consecuencia das mesmas, o Concello anuncia hoxe que dende
este xoves quedará cortada ao tráfico rodado a Rúa 56, por espazo aproximado de dúas
semanas.
Dende o 4 de decembro, a Rúa 56 súmase, pois, ao peche da Rúa San Paio, de maneira
que a única circulación permitida no entorno máis próximo á Praza de Galicia será a que
empregue a Rúa Pérez Viondi para despois acceder á Avenida de América.
O alcalde, Gonzalo Louzao, explicou hoxe que a Rúa 56 estará cortada para poder
realizar unha obra de fresado integral do seu asfalto. De seguido, aplicarase un formigón
de limpeza, reabríndose ao tráfico para que se poida circular por ela durante o Nadal,
antes de que se coloque o novo pavimento.
“Estase traballando na Rúa Don Nicolás, con ese primeiro treito case rematado, e
continuarán cara a igrexa parroquial de San Paio. Tamén se está rematando a
pavimentación na Rúa Marqués de la Vega de Armijo e nas vindeiras semanas as obras
concentraranse no entronque entre a Rúa 56 e a Rúa San Paio”, explicou o rexedor. De

seguido, sinalou que se respectará a xornada feiral de mañá mércores, pero dende
primeira hora do xoves chegarán as máquinas de fresado e pecharase a Rúa 56. “Despois
de botar o formigón de limpeza poderase pasar ata que comece a colocarse a pedra”,
precisou.
“Entendemos que facer obras sempre ten estas consecuencias e molestias. Para a parte
comercial non van ser gravosas, porque non se afectará ás beirarrúas, pero é certo que
para a circulación vanse afectar moitos costumes que temos”, asumiu Louzao Dono.
Travesía da Igrexa
Haberá tamén cortes na Travesía da Igrexa, que conecta coa zona do Cruceiro, e a
situación traerá consigo cambios na parada de taxis e no servizo de autobús que cobre a
liña A Estrada-Santiago.
A parada de taxis trasladarase fronte ao Banco Santander, na propia Praza de Galicia,
dende a mañá do xoves e a parada de autobús da Praza de Galicia pasa á Praza da
Constitución, a carón do consistorio.
“Dixemos que non queriamos afectar á Praza de Galicia durante o Nadal porque é unha
arteira comercial moi importante e tamén escenario da programación que se presentará
estes días”, apuntou Louzao. Despois de Reis os traballos chegarán xa de cheo a este
céntrico e neurálxico enclave da capital estradense.

 O Plan de Acción Comunitaria da Deputación resolve favorablemente
as 48 subvencións solicitadas por asociacións veciñais e de mulleres
rurais que axudou a tramitar o Concello.
 A media das axudas é de 10.000 euros para acondicionamento de
múltiples locais, totalizando 480.000 de achega provincial.
 A elas súmanse outras 19 subvencións do programa da Xunta, cunha
media de 12.000 euros por entidade.
 O alcalde reúnese cos representantes dos colectivos para explicar o
proceso de execución e xustificación, ademais de animar a cursar
solicitude para as convocatorias de 2026.

O alcalde da Estrada, Gonzalo Louzao, mantivo este
luns unha reunión con representantes de diferentes asociacións de veciños e de
mulleres rurais da Estrada para abordar o proceso de execución e xustificación de obras
nos seus locais sociais, ao abeiro do Plan de Acción Comunitaria que vén de resolver a
Deputación de Pontevedra e que suporá o investimento de 480.000 euros no rural
estradense. A esta contía hai que engadir os fondos procedentes da liña de axudas que,
para esta mesa finalidade, ten a Xunta de Galicia. Isto fai que estas infraestruturas das
parroquias atraeran un investimento próximo aos 700.000 euros.
O rexedor lembrou que o Concello da Estrada respaldou ás asociacións en todo o
proceso de tramitación das axudas a través dos seus departamentos de Urbanismo e
Subvencións. Ademais de orientalos e acompañalos no trámite de solicitude, dende a
administración municipal asumiuse a elaboración das memorias técnicas para que os
colectivos non tivesen que afrontar gastos. “Falamos de que é investimento para os
locais sociais, que é onde se reúnen os veciños e se fan actividades, sendo espazos
indispensables para a vida pública das nosas parroquias”, argumentou Louzao Dono.
“O ano pasado presumiamos de que, coa colaboración do Concello e as directivas,
conseguimos que A Estrada fose, o municipio con máis capital investido nestes

colectivos veciñais. Daquela foron 30 subvencións; este ano presentáronse 48
solicitudes e foron 48 as resoltas favorablemente”, informou o xefe do executivo local.
“O obxectivo que nos marcamos foi que neste 2025 fora case o 100% das parroquias con
solicitude e resolución favorable. As subvencións acadadas teñen, maioritariamente,
unha achega de 10.000 euros. Polo tanto, foron 480.000 euros que van directamente
destinados aos colectivos veciñais e de mulleres rurais do Concello da Estrada para
mellora dos seus locais”, continuou o alcalde.
A maiores, o dirixente sinalou que no plan da Xunta foron 19 solicitudes, “que recibiron
xa a achega no verán e realizaron as obras”, cunha media de achega de 12.000 euros por
colectivo. Isto supón máis de 200.000 euros a maiores.
“Cos dous programas, practicamente todas as parroquias tiveron unha ou dúas
subvencións destinadas neste 2025 ás melloras dos locais”, manifestou Gonzalo Louzao,
que quixo felicitar publicamente ás directivas das asociacións e agradecer o traballo
realizado polos departamentos municipais que se implicaron nesta tramitación para a
mellora de instalacións que son todo un referente para actividade social no ámbito rural.
As asociacións
No Plan de Acción Comunitaria obtiveron axuda a Asociación de Veciños e Cultural A
Farrapiña de Pardemarín, Asociación de Veciños e Cultural Isaac Quenqueirades de
Callobre, Asociación de Veciños de San Pedro de Ancorados, Asociación de Veciños A
Mamua de Parada, Asociación de Veciños San Esteban de Oca, Asociación de Veciños de
Tabeirós, Asociación de Veciños O Rueiro de Couso, Asociación de Mulleres de Castro,
Asociación de Veciños de Cora, Asociación de Mulleres Rurais de Santo André de Vea,
Asociación de Veciños Novo Centro de Berres, Asociación de Veciños Amigos do Castro
de Barbude, Asociación de Veciños Santa Cristina de Vea, Asociación de Veciños de
Paradela, Asociación de Veciños Santa Apolonia de Guimarei, Asociación de Veciños A
Cruxeira de Remesar, Asociación de Veciños Nosa Señora das Dores de Toedo,
Asociación de Mulleres Rurais A Gándara de Codeseda, Asociación de Mulleres Rurais de
Vinseiro, Asociación de Veciños Santa Mariña de Barcala, Asociación de Veciños de Agar,
Asociación de Veciños Fonte do Santo de San Xurxo de Vea, Asociación de Mulleres
Rurais Os Muíños de Curantes, Asociación de Mulleres Rurais de Matalobos, Asociación
de Veciños de Arca, Asociación de Mulleres Rurais As Bugineiras de Nigoi, Asociación
Deportivo Cultural de Guimarei, Asociación de Mulleres Rurais Santa Clara de
Ancorados, Asociación de Mulleres Rurais Castro Valente de Barcala, Asociación de
Veciños San Breixo de Lamas, Asociación de Veciños de Frades, Asociación de Veciños de
Baloira, Asociación de Mulleres Rurais A Sobreira de Callobre, Asociación de Mulleres
Rurais San Xiao de Vea e Baloira, Asociación Veciñal da Terra de Guimarei, Asociación
Veciñal e Cultural A Somoza Nova, Asociación Veciñal de Liripio, Asociación da Veciñanza

do Outeiro-Moreira, Asociación Veciñal Santa Mariña de Ribeira, Asociación de Veciños
e Amigos de Ribela, Asociación de Mulleres Rurais Torre da Barreira de Riobó,
Asociación de Veciños de San Lois de Orazo, Asociación de Veciños Manuel Castiñeira de
Ouzande, Asociación de Veciños San Xoán da Cañoteira, Asociación de Mulleres Rurais
de Santeles, Asociación de Veciños de San Xorxe de Cereixo, Asociación de Veciños
Pouso-Carril e Asociación de Veciños Xuntos por Loimil.
No tocante ás axudas da Xunta, figuran Asociación de Veciños Pouso-Carril, Asociación
de veciños e veciñas de Orazo, Asociación de Mulleres Rurais A Torre da Barreira de
Riobó, Asociación de Veciños Santa Mariña de Barcala, Asociación de Veciños Santa
Apolonia de Guimarei, Mulleres Rurais Santa Clara de Ancorados, Asociación de Veciños
Cora, Mulleres Rurais Os Muíños de Curantes, Asociación da Veciñanza do OuteiroMoreira, Asociación de Veciños Santa Eulalia de Matalobos, Asociación de Veciños de
Arca, Asociación de Veciños A Farrapiña, Asociación de Veciños de Frades, Asociación de
Veciños San Campio de Rubín, Asociación de Mulleres Rurais San Miguel de Cora,
Asociación de Veciños, San Xorxe de Cereixo, Asociación Cultural de Mulleres Rurais de
San Xurxo de Vea e Aosicación de Mulleres Rurais de Paradela.
Na reunión deste luns explicouse aos colectivos que teñen agora seis meses de prazo
para executar as obras do Plan de Acción Comunitaria, tendo que estar listas o vindeiro
14 de maio. Abordouse tamén o proceso de xustificación e animouse ás asociacións a
comezar xa a traballar para solicitar as axudas correspondentes ás convocatorias de
2026, que sairán xa a comezos de ano.