O CONCELLO PAVIMENTARÁ EN PEDRA O SEGUNDO TRAMO DACÉNTRICA RÚA DON NICOLÁS, ATA CHEGAR Á PRAZA DA INMACULADA

 Daralle a mesma estética aplicada ao tramo que conflúe con Marqués de
la Vega de Armijo, que tamén loce xa empedrada.
 A única diferenza é que esta segunda parte será transitable, mentres que
a primeira pasou a ser peonil con esta reforma.
 As obras na Praza de Galicia continúan avanzando a bo ritmo e hoxe
quedará completado o fresado de toda a contorna.

Coas obras de reforma e peonalización da Praza da
Galicia e a súa contorna avanzando a bo ritmo, o alcalde da Estrada confirmou hoxe a
decisión de empedrar na súa totalidade a Rúa Don Nicolás, completando así a
intervención realizada no seu primeiro tramo, ata a confluencia coa Rúa Marqués de la
Vega de Armijo.
Deste xeito, a rúa ampliará o seu empedrado actual ata chegar á Praza da Inmaculada, de
xeito que toda a vía quede configurada coa mesma estética, idéntica á tamén aplicada en
Marqués de la Vega de Armijo, de xeito que toda a contorna lucirá en pedra.
A diferenza estará no tránsito: mentres o primeiro tramo será completamente peonil, a
parte da Rúa Don Nicolás na que agora se traballará estará aberta á circulación,
recollendo o fluxo de vehículos procedentes de Marqués de la Vega de Armijo que
avancen cara a praza que preside a igrexa parroquial de San Paio para continuar pola Rúa
San Antón.
Por outro lado, o alcalde referiuse ás obras que se están realizando logo de teren
pechado ao tráfico a Praza de Galicia días atrás. O rexedor sinalou que, tal e como se
avanzara, as obras de fresado de toda a contorna quedarán rematadas hoxe e será
momento comezar co soterramento dos servizos (pluviais, novas conexións eléctricas ou
regos da zonas verdes) para logo aplicar a toda a superficie un formigón de limpeza.
En todo caso, a Rúa Irmáns Valladares continuará funcionando como alternativa para os
vehículos que, dende a Avenida Benito Vigo, soben por Pérez Viondi dirección Avenida
de América. Esta foi a medida que se adoptou dende este mesmo martes, buscando que
o peche da Praza de Galicia ao tráfico xerase as menores molestias posibles.

O Concello mantén a intención de reabrir a Praza de Galicia ao tránsito para o Entroido,
de xeito que este espazo poidan empregarse con normalidade durante os desfiles do
luns 16 e martes 17 de febreiro.

Publicado en Portada | Deja un comentario

Minuto de silencio na Estrada, este mediodía, tras o accidente ferroviario acontecido en Córdoba.

Minuto de silencio na Estrada, este mediodía, tras o accidente ferroviario acontecido en Córdoba.

Publicado en Portada | Deja un comentario

O CONCELLO ABRE O PRAZO DE MATRÍCULA PARA A ACTIVIDADE DEXIMNASIA PARA PERSOAS CON DISCAPACIDADE AUDITIVA

O Concello da Estrada, a través do seu departamento
de Servizos Sociais, abrirá o vindeiro luns, 19 de xaneiro, o prazo de presentación de
solicitudes para participar na actividade ximnasia para persoas con discapacidade
auditiva e que estean empadroados no municipio.
O prazo de matrícula estará aberto ata o 23 de xaneiro. A solicitudes deberán
presentarse no departamento de Servizos Sociais, en horario de 09.00 a 14.00 horas, ou
a través da sede electrónica do Concello da Estrada.
A actividade comezará o vindeiro 5 de febreiro e desenvolverase ata o 18 de xuño,
continuando entre o 3 de setembro e o 17 de decembro, de xeito que non haberá
sesións en xullo e agosto. As clases serán un día a semana, os xoves, de 09.45 a 10.45
horas.
As persoas participantes o ano pasado que xa tivesen presentado a documentación que
debe acompañar a solicitude non terán que presentala novamente.

Publicado en Portada | Deja un comentario

UN TERZO DOS USUARIOS DO VIDOC DA POLICÍA NACIONAL NAESTRADA ACODE PARA A EMISIÓN OU RENOVACIÓN DO PASAPORTE

 A expedición é unha novidade na Estrada, xa que esta prestación non
existía no municipio ata a posta en marcha do servizo itinerante para a
tramitación do Documento Nacional de Identidade.
 A alta demanda volve esgotar as citas: xa non quedan ocos en xaneiro
nin febreiro, este último con visita do Vehículo Integral de
Documentación os días 3, 4 e 19.

Un terzo das citas que os estradenses solicitan para o
Vehículo Integral de Documentación (VIDOC) da Policía Nacional correspóndense coa
expedición ou renovación do pasaporte. Este servizo é unha novidade no Concello da
Estrada xa que, antes de que esta unidade comezase a desprazarase ata a capital
estradense en abril de 2025, os residentes neste municipio tiñan que desprazarse ata
diversas cidades para poder tramitar esta documentación.
Agora, tanto a emisión como a renovación do pasaporte realízase a través do mesmo
servizo itinerante que a Policía Nacional puxo en marcha para facilitar e axilizar aos
estradenses a expedición do Documento Nacional de Identidade (DNI). O sistema de
citación corresponde á Policía Local e estas citas computan entre a trintena de quendas
dispoñibles en cada xornada operativa do VIDOC.
Neste contexto, a xefatura da Policía Local confirmou hoxe que xa están esgotadas todas
a citas dispoñibles para os meses de xaneiro e febreiro, de xeito que non será posible
asignar quendas ata que se coñezan que días visitará esta unidade A Estrada no mes de
marzo.
En xaneiro o servizo estará instalado na Praza da Constitución o vindeiro mércores, día
21. Despois de atender aos 30 cidadáns citados, a unidade trasladarase novamente á
capital estradense tres días de febreiro, todos eles completos: 3, 4 e 19. Das 90 persoas
que serán atendidas, 30 solicitaron a renovación ou emisión do pasaporte (13 para o día
3 de febreiro; 9 para o 4 e outras 8 persoas para o día 19) e 60 acoden polo DNI.

Cómpre lembrar que, aínda que inicialmente o Vehículo Integral de Documentación da
Policía Nacional visitaba a capital estradense dúas veces ao mes, a alta demanda
recomendou programar tres visitas mensuais.
Para facer uso do servizo os interesados teñen que chamar á Policía Local da Estrada, no
teléfono 986 570 898, ou acudir de xeito presencial ata as súas dependencias, na Praza
da Feira, en horario de 09.00 a 14.00 horas. Tramitada a documentación, a expedición é
agora inmediata, de xeito que en apenas 10 minutos os cidadáns saen co seu carné ou o
seu pasaporte na man. Isto axiliza moito a xestión con respecto ao servizo
anterior,ademais de facilitar este trámite administrativo aos veciños da Estrada, que
tiñan que trasladarse ata outras localidades se querían recibir o documento no mesmo
día.
Lembrar tamén que A Estrada conta dende finais do ano pasado co servizo do Punto de
Actualización de Documentación (PAD) na Casa das Letras. Nel é posible realizar xestións
como a renovación do certificado dixital, cambiar o contrasinal do DNI dixital ou anular a
sinatura dixital, entre outros trámites.

Publicado en Portada | Deja un comentario

O CONCELLO DA ESTRADA APROVEITARÁ O ESCAPARATEINTERNACIONAL DE FITUR PARA PRESENTAR A RUTA DA SIDRA

 Promocionará este atractivo o mércores no stand do Ministerio de
Agricultura, Pesca e Alimentación e, o xoves, no de Galicia.
 Representantes do sector viaxarán a Madrid para respaldar a
exposición.
 “Queremos que a sidra na Estrada sexa un baluarte económico para A
Estrada os 365 días do ano”, sinala o alcalde.
 A sidricultura estradense estará tamén referenciada na presentación do
proxecto “Caminos de la Sidra”, no stand de Turismo Asturias.

O Concello da Estrada aposta este ano pola
presentación da Ruta da Sidra na edición da Feira Internacional de Turismo (FITUR), que
arranca este mércores en Madrid. O percorrido, que une a tradición local do cultivo da
mazá e da elaboración da sidra coa indubidable vertente turística que se asocia a este
sector, será presentado tanto no stand do Ministerio de Agricultura, Pesca e
Alimentación (MAPA) como no de Galicia.
Deste xeito, a primeira das presentacións será no espazo do referido ministerio o
mércores pola tarde, reservando a segunda para o stand de Galicia, o xoves ao mediodía.
Nas dúas exposicións será o alcalde da Estrada, Gonzalo Louzao, quen se encargue de
expoñer a aposta que no municipio se está facendo por unha ruta que será
completamente sinalizada neste 2026.
“Queremos que a sidra na Estrada sexa un baluarte económico para A Estrada os 365
días do ano, podendo coñecer os distintos momentos da mazá, ademais de permitir aos
visitantes unha conexión coa natureza, co noso turismo rural e tamén con todo o noso
patrimonio histórico e cultural”, sinalou o rexedor estradense.
Gonzalo Louzao apuntou que esta é a primeira vez que a sidricultura estradense se leva a
FITUR e puxo o acento en que esta é “unha aposta polo turismo da sidra, non só porque
A Estrada sexa a capital da sidra no noroeste peninsular, senón tamén porque
presumimos da nosa Feira da Sidra e do peso que ten o sector da mazá ecolóxica e a
proliferación de lagares no noso territorio”.

Dende os sector confirmouse hoxe a presenza de varios representantes na presentación
que se fará o xoves. Ademais, nesta mesa xornada o Concello da Estrada estará
referenciado no stand de Turismo Asturias, onde será presentado o proxecto “Caminos
de la Sidra”, no que se integra o municipio estradense.
50 quilómetros
O percorrido, duns 50 quilómetros, está pensado para realizar en coche e discorre entre
pomares, lagares e elementos patrimoniais. A ruta parte da casa consistorial da Estrada,
diríxese cara Aguións e cruza o río Liñares pola Ponte Nogueira, onde xa comezan a
aparecer os primeiros pomares. Continúa por Moreira, Ancorados, Agar, Olives,
Pardemarín, Ribela e Callobre, entre outras parroquias, salpicada de antigas plantacións
que testemuñan a longa tradición sidreira destas terras.
Con máis de 280 quilómetros cadrados, A Estrada foi desde sempre unha terra propicia
para o cultivo da mazá. Moitas familias lembran como este froito se aproveitaba nas
casas para elaborar sidra, e os lagares antigos que aínda se conservan dan boa mostra de
que esta tradición non foi importada, senón herdada. A revitalización de toda esta
tradición fixo florecer plantacións, lagares e unha Feira da Sidra que celebrará este ano a
su décimo terceira edición.

Publicado en Portada | Deja un comentario

GASTRONOMÍA EN FEMININO NA ESTRADA

O alcalde da Estrada, @gonzalolouzaodono, acompañou esta mañá a Maricarmen Rodríguez, Kim Llobet e Marisé García nunha rolda de prensa na que se fixo un chamamento para que todos os interesados participen, o vindeiro xoves 22 ás 19.30 horas, na presentación do libro «De nais a fillas. Receitas para non esquecer».
O rexedor destacou que este libro «é un tributo a mulleres que foron verdadeiras creadoras e valedoras da cociña galega tradicional». «Elas preservaron e transmitiron un saber culinario que temos que entender como unha parte do noso patrimonio cultural», sinalou.
A obra recolle receitas da estradense Maricarmen Rodríguez, Manicha Bermúdez, Toñi Vicente, Chus González, Ana Gago, Eva Burgos, Carlota Cabanas, Rosalina e Teri Carballa e Loli Barreiro.
Na aportación de Maricarmen Rodríguez, con máis de 40 anos de traxectoria no Restaurante Nixon da Estrada, hai moito sabor ao salmón, estrela da cociña estradense.
Publicado en Portada | Deja un comentario

O ALCALDE REALIZA VISITAS ÁS PARROQUIAS NO DESEÑO DUN NOVOPLAN DE ASFALTADOS NO QUE SE INVESTIRÁN 2 MILLÓNS DE EUROS

Estanse valorando as necesidades in situ e tomando medicións para
priorizar as intervencións máis urxentes neste novo proxecto.
 Antes de que esta planificación se licite e se leve a execución terán que
comezar as últimas obras deseñadas en 2025, que chegarán a pistas de
23 parroquias.
 Mañá celebrarase a mesa de contratación, de xeito que haberá traballos
neste primeiro trimestre.

O alcalde da Estrada, Gonzalo Louzao, continuou
hoxe a rolda de visitas que emprendeu o venres a distintas parroquias do amplo rural
municipal, un percorrido que ten como obxectivo valorar sobre o terreo necesidades na
rede municipal de infraestruturas de comunicación. Estas visitas que o alcalde realiza
con persoal técnico municipal permiten estudar e priorizar as actuacións que serán
incluídas nun novo plan de asfaltados rurais para os que se programa un investimento de
dous millóns de euros.
“O venres estivemos facendo a medición de pistas prioritarias nas parroquias da zona
sur, dende o casco urbano, do concello”, explicou Louzao Dono, que sinalou de este
mércores o percorrido se centrou na zona sueste . “Estamos vendo in situ as necesidades
e problemas de acceso aos núcleos para incorporalas no orzamento e no proxecto de
asfaltados rurais, doutros dous millóns de euros”, sintentizou.
Asumiu o rexedor que A Estrada posúe moitos núcleos de poboación e que,
necesariamente, isto ten que traducirse na reserva de cuantiosos fondos para a mellora
da súa rede viaria. “Pero é necesario e constitúe unha prioridade para este goberno”,
dixo.
O mandatario avanzou a intención de que, contando con fondos da Xunta, da
Deputación de Pontevedra e do propio Concello, se poida “estar en obra no verán para
que e poidamos mellorar pistas cuxa situación esixe unha intervención prioritaria”.
En todo caso, o alcalde da Estrada puxo hoxe o acento en que, antes de que se execute o
proxecto no que se traballa para este 2026, teñen aínda que realizarse as melloras do

último programa deseñado no 2025, un proxecto de pavimentacións en vías de 23
parroquias, financiadas con fondos do Plan +Provincia da Deputación de Pontevedra e
que se achegarán aos 800.000 euros de investimento. A mesa de contratación será xa
mañá, de maneira que se agarda o inicio dos traballos neste primeiro trimestre do ano.

Publicado en Portada | Deja un comentario