A Estrada na Rede

• Todas as solicitudes presentadas en tempo e forma foron admitidas en
todas as quendas solicitadas por cada participante.
• A actividade de conciliación está dirixida a asistentes de entre 5 e 15
anos e realizarase en catro quendas nos meses de xullo e agosto.
• Os admitidos deben efectuar agora o pagamento.

AEstradaDeporte ten pechadas xa as listaxes de
admitidos no Campus Deportivo de Verán co que o Concello vén favorecendo dende hai
anos a conciliación da vida laboral e familiar na tempada de verán, unha iniciativa que se
suma aos campamentos urbanos ofertados dende a área de Servizos Sociais. Todas as
solicitudes presentadas en tempo e forma foron admitidas en todas as quendas
solicitadas por cada participante, de xeito que se agarda que máis de 380 cativos se
sumen a este campus nos meses de xullo e agosto.
Segundo os datos aportados polo departamento que dirixe Ismael Pena, a participación
no Campus Deportivo de Verán segue medrando, despuntando entre os programas de
conciliación estival que se deseñan no conxunto do municipio estradense. Desta volta
serán unha trintena de campistas máis que en 2024. Como cada ano, o mes de xullo será
o de maior participación.
No caso de que algún dos inscritos teña intención de renunciar a algunha das quendas
solicitadas e concedidas deberá comunicalo coa maior brevidade ao departamento
municipal de Deportes. Pechada a matrícula e realizadas xa as listaxes de admitidos, os
participantes no XVI Campus Deportivo de Verán deberán agora realizar o pagamento,
indicando no concepto nome e apelidos do participante, así como a súa quenda de
asistencia. O abono terá que realizarse antes do inicio de actividade, ben a través dunha
sucursal ou a través da banca electrónica. Neste senso, o número de conta para o pago
corresponde ao Banco Sabadell, debendo efectuarse na seguinte:
ES78 0081 2208 2300 0101 2603
O xustificante do pagamento deberá entregarse á persoa coordinadora do campus o
primeiro día da actividade, no punto de chegada e recollida, a carón das piscinas
municipais.

A actividade está dirixida para nenos e nenas dende os 5 ata os 15 anos (nos dous casos
cumpridos a día 1 de xullo de 2025). Coma cada ano, desenvolverase nas diferentes
instalacións da Zona Deportiva municipal, en horario de 08.30 a 14.30 horas e nos meses
de xullo e agosto.
O prezo da inscrición neste XVI Campus Deportivo de Verán será de 40 euros por
participante e quincena. Os asistentes puideron solicitar as quendas ou quincenas que
considerasen oportunas, ata un máximo de catro. Existen bonificacións para as familias
numerosas e as monoparentais, nos dous casos cun desconto do 20% sobre o prezo xeral
(serán 32 euros).
Os horarios e a programación das actividades de cada quenda faranse en función das
idades dos nenos, polo que non todos os participantes do Campus Deportivo farán as
mesmas actividades. Entre as que se ofertan para este verán están fútbol, baloncesto,
atletismo, bádminton, actividades acuáticas, tenis, atletismo e xogos predeportivos de
iniciación para os máis pequenos. A maiores realizarase unha excursión en cada mes, ao
parque acuático de Cerceda, en data pendente de determinar.
No tocante ás quendas, a primeira será do martes 1 de xullo ao martes 15 (11 días). A
segunda irá do mércores 16 de xullo ao xoves 31 (11 días), sendo a terceira dende o
venres 1 de agosto ao xoves 10 (10 días). A cuarta vai do 18 de agosto ao venres 29 (10
días).

 A organización tivo que recorrer a unha partida duns 500 vasos doutras
edicións para cubrir a venta para a degustación en horario de tarde.
 A Praza da Constitución encheuse cun certame que respondeu con éxito
aos cambios de deseño.
 A dobre barra central permitiu que a degustación gañase en axilidade.
 Os cálculos da organización apuntan a uns 4.000 litros de sidra
escanciados.

A Estrada viviu hoxe unha Feira da Sidra que bateu todas
as marcas. Foi unha edición de récord, non só no número de lagares presentes nesta
condolidada mostra, senón tamén en asistentes. O tirón do evento que axuda a
converter ao municipio estradense na capital galega da mazá e da sidra subiu o nivel e xa
na xornada de mañá quedaban moi poucos dos 4.000 vasos conmemorativos postos a
disposición do público para a cata dos 25 caldos que finalmente puideron saborearse na
degustación.
A feira arrancou na Praza da Constitución ás 12.00 horas. Tan só 20 minutos despois xa
se ían vendidos 3.000 vasos, cifra á que axudou o feito de que este ano a venta
anticipada funcionase mellor que na edición anterior e superase o 40% dos vasos de
degustación vendidos. Con maior celeridade que outros anos, aproveitando unhas
condicións meteorolóxicas idóneas para esta celebración, a carpa de gran formato -que
xa se despide do amplo espazo urbano aos pés dos consistorio- quedou pequena para
acoller a todos os veciños e visitantes que secundaron esta cita. Como sucedera coa
Festa do Salmón, todo o entorno do consistorio e da alameda municipal encheuse de
xente desexosa de saborear a sidra de xeito distendido, gozando do bo ambiente que se
creou.
Ao fío das 12.30 horas, o alcalde da Estrada, Gonzalo Louzao Dono, e integrantes do seu
goberno acudiron a recibir ás primeiras autoridades que se foron achegando á Feira da
Sidra, comezando pola conselleira de Medio Rural, María José Gómez, e o titular de
Cultura, Lingua e Xuventude, o estradense José López Campos. A eles uníronse o director
xeral de Gandaría, Agricultura e Industrias Agroalimentarias, José Balseiros, o director

territorial Antonio Crespo, a directora xeral de Xuventude, Lara Meneses, o secretario
xeral da Lingua, Valentín García, ou o europdeputado Adrián Váquez, entre outros. Máis
tarde sumouse á comitiva o conselleiro de Educación, Román Rodríguez.
Fluidez nas novas barras
A nova disposición do recinto permitiu que a degustación gañase en fluidez e axilidade.
Cómpre lembrar que este ano unha das principais novidades na montaxe foi a
instalación de dúas barras centrais, no canto dunha. Pasouse de 60 a 90 metros de zona
para a degustación da sidra. O que se buscou foi favorecer a circulación do público entre
os postos dos diferentes lagares. As sidras internacionais estiveron agrupadas nunha das
dúas barras, concentrándose na outra as sidras de orixe galego. O produto procedente
dos demais puntos da xeografía nacional foise dispondo entre ámbalas dúas barras.
A organización, a cargo do Concello da Estrada e da Asociación Maceira e Sidra, habilitou
este ano un maior número de mesas, dispondo mesas e cadeiras de uso preferente por
parte de maiores e nenos, ao obxecto de que a Feira da Sidra sexa un evento do que
poidan gozar cidadáns de todas as idades.
Como estaba anunciado, a degustación realizouse en dúas quendas. A primeira, de 12.00
a 15.00 horas, estivo ambientada por Os Bregadiers e Señora DJ. O éxito da venta fixo
que a organización tivera que tirar da partida de vasos doutras edicións para cubrir a
demanda en horario de tarde, unha cuestión que xa estaba prevista. Calcúlase a
distribución de arredor de 4.500 vasos.
De cinco países
O prezo dos vasos foi o mesmo que na edición anterior: 7 euros. Este pago daba acceso a
degustar ilimitadamente os caldos que ofreceron os 24 lagares participantes (de cinco
países: Francia, República Checa, Letonia, Portugal e España), aos que finalmente se
sumou unha sidra máis, a gañadora da Cider World 2025 de Frankfuert, se ben só se
dispuxo para e venta en botellas.
Concretamente, este ano a Feira da Sidra contou coa presenza das sidrerías Bereziartua,
Astarbe, Somarroza, Carral, Kuartango, Solleiro, Cabueñes, Pago de Tolina, Sidra del
Agüelo, Alfa, Celta Endovelico (Kerné Fuité e La Ferme de Billy), Cider Talk, Mr Plume,
Maeloc, Andaina PSM, Sidra Salvaje, Val de Traba, Sidra Raia, Lagar de Ribela, Peroja,
Camino, López Pampín e Rabiosa. Entre todas escanciaron hoxe arredor de 4.000 litros.
A degustación da hostalería resultou tamén un éxito, se ben se limitou á xornada de
mañá. Tamén con venta anticipada, serviron tapas e racións durante toda a mañá os
establecementos Malo Será, A Casa do Pan, O Candil de Silvia, Velis Nolis, Río Liñares, A
Fogaza, O Lar, A Artesa, A Riala e A Lacena de Chucha.
Xa en horario de tarde, o alcalde estradense sumouse á entrega do Grolo de Ouro, que
neste 2025 recaeu na organización Sidraturismo Asturias, representada hoxe na Estrada
por Lorena Alonso. A galardoada é unha asociación que ten como obxectivo combinar os
sectores sidreiro e turístico, de xeito que se difunda a sidra e a sidricultura á vez que se
xera un recurso turístico diferenciador. Maceira e Sidra da Estrada escolleu este Grolo de
Ouro nun momento no que tamén o municipio e o sector estradense está
incrementando a aposta pola vertente turística da mazá e a sidra, con iniciativas como a
recén presentada Ruta da Sidra.
O ambiente de tarde, que tivo que repartirse co agardado encontro futbolístico no Novo
Campo Municipal do CD Estradense, contou coa animación musical a cargo de Rebelda
Band e Fanfarria Taquikardia.
A XII Feira da Sidra da Estrada deixa moi bo sabor de boca. “Cando ano medramos”,
indican dende o sector.

 O Grolo de Ouro será este ano para Sidraturismo Asturias, premiando a
súa aposta pola combinación dos sectores sidreiro e turístico.
 A vertente turística da sidricultura no Concelo da Estrada exaltarase o
venres coa presentación oficial da Ruta da Sidra.
 Este mércores péchase a venta anticipada de vasos no Novo Mercado, de
10.00 a 14.00 horas.
 O primeiro sumiller de sidra de España, Haritz Rodríguez, ofrecerá
tamén o venres unha masterclass con cata comentada de sidras do
mundo.

A xornada feiral de mañá mércores será, tamén, o último
día da venta anticipada de vasos para a XII Feira da Sidra. A organización, que recae na
Asociación Maceira e Sidra e no Concello da Estrada, confía en que esta última xornada
permita superar o 30% dos vasos distribuídos, co único obxectivo de que esta
comercialización por adiantado permita aos asistentes -pensando especialmente nos
estradenses- evitar as colas que, como é lóxico, sempre rematan por formarse ao inicio
da degustación da sidra, coa congregación de todo o público participante.
Este ano son 4.000 os vasos conmemorativos que se porán en circulación durante o
evento sidreiro. Na xornada de hoxe estaba vendido algo máis do 20%, confiando en que
o tónica habitual de agardar ás últimas convocatorias faga que mañá se incremente
sensiblemente a venta. Os interesados poden facerse cun vaso no posto habilitado ao
efecto no Novo Mercado, en horario de 10.00 a 14.00.
Cómpre lembrar que o prezo dos vasos é o mesmo que na edición anterior: 7 euros. A
persoa que o adquira poderá degustar ilimitadamente os caldos que ofrecerán os 24
lagares participantes. Concretamente, este ano a Feira da Sidra contará coa presenza
das sidrerías Bereziartua, Astarbe, Somarroza, Carral, Kuartango, Solleiro, Cabueñes,
Pago de Tolina, Sidra del Agüelo, Alfa, Celta Endovelico (Kerné Fuité e La Ferme de Billy),
Cider Talk, Mr Plume, Maeloc, Andaina PSM, Sidra Salvaje, Val de Traba, Sidra Raia, Lagar

de Ribela, Peroja, Camino, López Pampín e Rabiosa. A previsión que se baralla é
escanciar entre 3.000 e 4.000 litros de sidra en dúas quendas, de 12.00 a 15.00 e de
19.00 a 21.00 horas.
Por outro lado, a organización desvelou hoxe a quen se lle concederá o Grolo de Ouro,
unha distinción que o colectivo Maceira e Sidra reserva cada ano para esta cita. Desta
volta escolleu para o recoñecemento á entidade Sidraturismo Asturias, asociación que
ten como obxectivo combinar os sectores sidreiro e turístico, de xeito que se difunda a
sidra e a sidricultura á vez que se xera un recurso turístico diferenciador.
Ruta da Sidra e cata
É esta vertente turística da sidra e a sidricultura un ámbito no que A Estrada pretende
profundar, cuestión á que se agarda axude a Ruta da Sidra, unha iniciativa que será
presentada oficialmente este venres.
Despois da presentación da Ruta da Sidra (11.30 horas na Praza da Constitución), a
actividade continuará no Restaurante Samaná, onde o primeiro sumiller de sidra de
España, Haritz Rodríguez, ofrecerá unha masterclass, de acceso libre e gratuíto, con cata
comentada de sidras do mundo.

Arredor de 200 deportistas participarán este sábado, 7 de
xuño, na sétima edición da Gala Infantil de Kyus, unha cita de judo base na que os
asistentes optarán ao cambio de grao como broche da tempada. A gala abrangue
participantes dende os 3 anos ata a categoría alevín. Ademais, aproveitando a montaxe
que se efectuará no pavillón Coto Ferreiro da Estrada realizaranse tamén os exames de
cintos de deportistas pertencentes a categorías superiores á indicada.
A gala, que arrancará ás 10.00 horas, concíbese como unha cerimonia de fin de curso
onde os judokas realizan un exhibición baseada na metodoloxía progresiva do club,
dividida por niveis, na cal cada nivel corresponde a un grado completo ou dous medios
grados. Deste xeito, durante as exhibicións demostraranse as habilidades técnicas
adquiridas durante o curso, que lles valerán aos deportistas para subir de nivel e cambiar
a cor que lucirán no seu cinto.
A demostración faise por parellas, nun intento por respectar as orixes deste deporte
pero cun enfoque máis informal e moderno. Artéllanse en dúas saídas: a primeira para
demostrar as habilidades en judo chan e, a segunda, para as referentes a judo pé.
O evento dividirase en 6 tatamis de 6×6 metros, de xeito que aproximadamente 17
parellas realizarán a súa exhibición sobre cada tatami. Cada unha das parellas realizará
dúas saídas, cunha duración que variará entre 3 e 5 minutos, dependo do nivel. Así,
estímase que a exhibición terá unha duración de 2 horas, ás que sumará media hora
adicional destinada á presentación´no, entrega de agradecementos e demostración do
equipo técnico do club.

 Os interesados teñen que realizar previamente o trámite no Rexistro e
recoller o permiso na Alcaldía.
 Cada ano autorízanse na Estrada entre 100 e 120 lumeiros.
 Os solicitantes asumen unha serie de condicións para esta práctica e
responsabilízanse dos danos que a fogueira poida ocasionar.

O Concello da Estrada está xa recibindo as solicitudes de
autorización para a realización de fogueiras na noite do vindeiro 23 de xuño, con motivo
da festividade de San Xoán. Foron xa varios os veciños que se achegaron ata o
consistorio para realizar o trámite oportuno e obter este permiso extraordinario que a
administración municipal pode expedir exclusivamente para esa xornada, atendendo a
que as competencias nesta materia corresponden á Xunta de Galicia e a que
actualmente están suspendidos os permisos de queima.
Os interesados en recibir este visto bo para os seus tradicionais lumeiros poden cursar a
petición antes do 20 de xuño. Terán que acudir ao Rexistro do Concello da Estrada,
emprazado na planta baixa do consistorio, para cubrir e entregar a correspondente
instancia. Realizado o trámite, a autorización entregarase na Alcaldía (segundo andar).
Cómpre aclarar que os permisos cinguiranse exclusivamente á noite do luns 23 de xuño,
noite de San Xoán, e que a autorización comporta a asunción dunha serie de pautas,
sendo sempre o solicitante o responsable dos danos e prexuízos que a fogueira puidese
ocasionar.
Deste xeito, se a fogueira se realiza en terreos públicos asfaltados, lousados ou pintados,
deberá protexerse o pavimento cunha capa de area en toda a superficie da cacharela.
Nela só se deben queimar elementos madeirables ou vexetais, absténdose da queima de
plásticos, cauchos ou outros materiais inflamables e contaminantes.
Asemade, os encargados de realizar as fogueiras deberán coidar que ao remate das
mesmas o lugar quede en perfecto estado de limpeza. A distancia destas ás casas terá
que ser, cando menos, de 50 metros, distancia que tamén debe asegurarse con respecto
a tendidos eléctricos ou telefónicos.

Evitarase usar nas fogueiras materias que co vento poidan provocar un incendio e
deberán delimitar realizándoas nun burato, con pedras ou nunha pequena gabia. Tamén
por mor da seguridade, non ser farán moreas dunha altura excesivamente elevada e
disporase no lugar dun sistema de extinción de incendios.
A cacharela terá que estar vixiada polos solicitantes ata a súa total extinción, que deberá
ser asegurada empapando os restos totalmente con auga ou cuberta con terra.
Cada ano o Concello da Estrada concede unha media de entre 100 e 120 permisos para a
realización de fogueiras na noite de San Xoán.

O concelleiro estradense de Turismo, Óscar Rancaño,
acompañou esta mañá en Lalín aos responsables de tres establecementos estradenses
que recibiron diplomas que acreditan o seu compromiso coa calidade turística, no marco
dos Premios Sicted. En concreto, os galardoados foron A Casa da Pastora, A Casa do Avó
e A Lacena de Chucha.
A entrega destes recoñecementos fíxose na Aula Polivalente de Lalí, baixo a organización
do GDR Pontevedra Norte. Os Prenios Sicted son convocados pola Secretaría de Estado
de Turismo, junto coa Federación Española de Municipios e Provincias (FEMP).

– A Xunta de Goberno da Estrada deu luz verde na súa
sesión de hoxe a apertura do expediente para lanzar a licitación dun novo proxecto de
mantemento da rede viaria municipal que, cun investimento de 200.000 euros, se
enmarca no Plan +Provincia, financiado pola Deputación de Pontevedra. O proxecto
afecta a un total de 189 vías da rede municipal, que discorren por un total de 47
parroquias estradenses.
Dende o goberno estradense púxose hoxe o acento en que A Estrada conta cunha rede
viaria municipal asfaltada que supera os 1.000 quilómetros de lonxitude e que resulta
vertebradora e estratéxica para o desenvolvemento económico, social e territorial do
municipio. Neste senso, o alcalde estradense, Gonzalo Louzao, fixo fincapé en que o
mantemento da rede viaria en bo estado constitúe “unha actuación estratéxica para o
tecido empresarial e comercial do municipio”, tanto para o situado no rural como para o
asentado na zona urbana. “Debemos lembrar que A Estrada posúe o 50% da poboación
en núcleos rurais”, subliñou o rexedor.
Engadiu o alcalde que moitas destas vías urxen un arranxo profundo mediante a
reposición da totalidade do pavimento pero, no caso doutras, sería suficiente coa
realización de arranxos puntuais que permitan alongar a vida útil da vía. É neste ámbito
onde pretende incidir o programa que impulsa o goberno local da man da Deputación de
Pontevedra e que se vén sumar aos diferentes plans de asfaltados, algúns deles xa en
execución.

Polo tanto, o plan de mantemento, que o goberno pretende que comece a
materializarse aproveitando as condicións favorables dos meses de verán, consiste no
arranxo destas 189 vías municipais a través dunha actuación sobre aquelas zonas que se
atopan máis deterioradas, mediante varrido enérxico da zona, afirmado con pedra,
compactación e posterior rega asfáltica con árido fino e unha dotación de 2Kg/m2
de
emulsión bituminosa.