A Estrada na Rede

 Coa previsión de que incremente a súa dimensión, quedará instalada na
Praza da Constitución entre o 15 de maio e o 7 de xuño, con catro fins
de semana completos de actividades.
 Louzao: “A nosa intención é que funcione como un auténtico
catalizador da actividade cultural a pé de rúa, converténdose nun punto
de encontro da cidadanía e nun contedor cultural dinámico que permita
achegar a programación a todos os veciños e veciñas”

O Concello da Estrada volverá apostar este ano pola
instalación dunha carpa de gran formato na Praza da Constitución, aos pés do
consistorio, como elemento centralizador e catalizador dunha ampla programación
cultural e festiva que incluirá dúas das citas máis importantes do calendario estradense:
a Festa do Salmón e a Feira da Sidra.
O alcalde, Gonzalo Louzao, confirmou hoxe que a administración local ten xa pechada
toda a programación que se desenvolverá neste espazo, que quedará montado o
vindeiro 15 de maio e que se manterá nesta gran praza ata o 7 de xuño. Aínda sen querer
entrar en detalles, o rexedor avanzou que esta carpa condensará unha proposta lúdica
e cultural “ampla, variada e pensada para estradenses de todas as idades”.
“A nosa intención é que esta carpa funcione como un auténtico catalizador da actividade
cultural a pé de rúa, converténdose nun punto de encontro da cidadanía e nun contedor
cultural dinámico que permita achegar a programación a todos os veciños e veciñas”,
sinalou o rexedor estradense.
Louzao Dono avanzou tamén que, “tendo en conta o éxito da montaxe do ano pasado,
este ano tentamos incorporar novidades”. Dixo o alcalde que será unha carpa de maior
dimensión, que ofreza aínda máis cabida para as actividades programadas. Sinalou que
arestora estanse pechando os últimos detalles para coñecer o seu formato e dimensións
exactas, valorando tamén sobre o terreo o encaixe que se lle podería ofrecer na Praza
da Constitución, atendendo ás esixencias e necesidades de cada tipo de evento.

Entre as citas máis destacadas que terán lugar neste recinto inclúense dúas das
celebracións máis agardadas do calendario festivo na Estrada. A primeira delas será a
Festa do Salmón, que este ano coincide coa celebración do Día das Letras Galegas. Será
o domingo 17 de maio, se ben a gran carpa na que se desenvolver acollerá actividades
previas o venres 15 e o sábado 16. Outro dos grandes eventos será a Feira da Sidra,
prevista para o 6 de xuño. As dúas celebracións atoparán na carpa un espazo idóneo
para reforzar a súa proxección e participación.
Gran acollida
“Repetimos esta aposta porque o ano pasado o seu éxito foi rotundo, tanto pola
resposta da cidadanía como pola capacidade de ofrecer unha programación moi ampla
durante moitos días cun investimento contido”, sinalou o alcalde. Gonzalo Louzao
incidiu en que a instalación desta carpa coincide coa chegada do bo tempo, favorecendo
a presenza nas rúas. “Falamos dun espazo que funciona como punto de encontro na rúa,
que crea ambiente e que contribúe a facer vila”, puntualizou.
O rexedor incidiu ademais en que “non é só unha infraestrutura, senón un verdadeiro
contedor cultural no que caben propostas de estilos moi diferentes e pensadas para
todas as idades”. Puxo o acento en que serán cadro fins de semana repletos de
diferentes propostas. “Temos xa toda a programación pechada, cun calendario moi
completo que combina actividades familiares, musicais e de lecer para distintos
públicos”, sinalou.
Con esta iniciativa, o goberno local apostou pola dinamización cultural a través dun
cambio no modelo que se empregaba ata o de agora para celebracións como a Festa do
Salmón ou a Feira da Sidra, con montaxes que se instalaban e retiraban para cada unha
destas citas e que remataban supoñendo un investimento menos rendible en termos
económicos e sociais. A nova fórmula avoga por poñeren en valor eventos que forman
parte da identidade da Estrada, apostando por un modelo de programación estable,
diverso e aberto á cidadanía.

 Co milleiro de entradas esgotadas, o Concello rende merecida homenaxe
aos veciños que acumulan máis experiencias e vivencias nesta xornada
de confraternidade.
 Francisca Torres Vázquez, da Estrada e de 96 anos, e Manuel Tallón
Ríos, de Toedo e con 94, recibiron un agarimo especial como os
participantes de maior idade nesta festa.

A Estrada viviu este domingo unha Festa do Maior de
récord. Co milleiro de entradas esgotadas días atrás, a celebración foi a máis concorrida
da historia desta festa, permitindo ao Concello render unha homenaxe aos veciños que
acumulan máis experiencias e vivencias neste municipio.
“Hoxe é día de recoñecer e celebrar pero, sobre todo, de compartir. Queremos festexar
con todos e todas vós a vida, a experiencia e o exemplo que representades todos e cada
un de vós para a sociedade estradense”, dixo o alcalde estradense, Gonzalo Louzao
Dono. O rexedor foi o encargado de dar a benvida aos asistentes no nome de toda a
corporación municipal. “A vós, ao voso traballo e ao voso esforzo, debemos que A
Estrada sexa un municipio marabilloso para vivir. Para min, o mellor”, sinalou.
As portas do pavillón polideportivo no que se celebrou a Festa do Maior abriron ás 12.30
horas para que os participantes puideran irse acomodando, a tempo para asistir á
primeira actuación da xornada, da man da agrupación de música e baile tradicional
Tequexetéldere. Arredor das 14.00 horas o amplo equipo despregado por Valenciaga
Catering comenzou a servir o almorzo, consistente en entrantes, polbo, carne ao
caldeiro e sobremesa.
Foi no momento do café cando o alcalde volveu tomar a palabra para dar paso a un dos
momentos emotivos desta xornada. “Antes de presentar ao home e á muller que
acumulan aquí máis anos de experiencia e de vivencias, quero volver a darvos as grazas
por facer que a Festa do Maior da Estrada superara este ano todas as súas marcas”,
apuntou o mandatario. “Non houbo nunca unha festa que reunira tanta xente experta
nestes anos. Somos hoxe un milleiro de persoas compartindo esta homenaxe aos
veciños que sodes unha parte fundamental da nosa sociedade”, aplaudiu.

“Dende neno sempre me gustou conversar cos maiores. Sempre me chamou a atención
o que tiñan para contarme, para ensinarme e para guiarme. Coido que detrás dos anos
hai historias, sacrificios, alegrías e tamén moitas ensinanzas que nos deixades como
legado”, compartiu o alcalde.
Xa sen máis, presentou aos dous homenaxeados con máis experiencia de entre os
participantes: Francisca Torres Vázquez, veciña da Estrada de 96 anos, e Manuel Tallón
Ríos, da parroquia de Toedo e de 94 anos. Os dous recibiron un pequeno presente
conmemorativo e o aplauso de todos os asistentes.
Despois deste recoñecemento, la orquestra Os Satélites encargouse de animar a festa.
Dende as 17.00 horas todos os interesados puideron sumarse á celebración para gozar
da música e do baile.

GALERÍA:

 O último informe de Automovilistas Europeos Asociados (AEA) estima
este tramo como punto negro e sitúao entre as estradas máis perigosas
de Galicia.
 “O que alarma neste punto é que estes sinistros están vencellados a
atropelos, producidos en pasos de peóns, no atípico paso dunha estrada
nacional por un casco urbano como o da Estrada”, subliña o alcalde.
 O Concello remitiu de xeito sucesivo e sen resposta peticións e informes
da Policía Local, nos que se incluían propostas para tentar rebaixar esta
sinistralidade.

“Pedímolo por activa e por pasiva; de viva voz e con
informes, e non nos imos cansar de repetilo porque é unha preocupación que
compartimos con moitos veciños e veciñas da Estrada: a travesía urbana da N-640
precisa medidas urxentes que incrementen a súa seguridade”. Se semanas atrás o xefe
do executivo estradense, Gonzalo Louzao Dono, poñía o acento no mal estado do firme
desta estrada nacional ao seu paso polo termo municipal, hoxe a súa reclamación
pública centrouse na perigosidade do discorrer desta vía pola capital estradense, en
especial para os peóns. O mandatario fíxoo despois de que se publicase (o día 15 de
marzo) o último informe do colectivo Automovilistas Europeos Asociados (AEA), que
estima este tramo como punto negro e sitúao entre as estradas máis perigosas de
Galicia.
Cómpre sinalar que a clasificación recollida no informe de AEA, unha asociación de
automobilistas sen ánimo de lucro, está confeccionada en base ao Índice de
Perigosidade Medio (IPM) obtido polo Ministerio de Transporte, Mobilidade e Axenda
Urbana. Dito informe apunta directamente ao punto quilométrico 204 da N-604,
coincidente coa travesía urbana. Recolle unha Intensidade Media Diaria (IDM) de 5.158
vehículos, un índice de perigosidade de 135,3 e 12 feridos ou falecidos en 11 accidentes
durante o período analizado.
“O que alarma neste deste punto conflitivo da N-640 na Estrada é que estes sinistros
están vencellados a atropelos producidos no atípico paso dunha estrada nacional por un
NOTA DE PRENSA
CONCELLO DA ESTRADA
GABINETE DE COMUNICACIÓN comunicacion@aestrada.gal
Ana Cela Neira 669 645 345
casco urbano como o da Estrada”, subliñou Gonzalo Louzao. Falamos, ademais, de
atropelos case todos rexistrados en pasos de peóns, que deixan feridos de gravidade e
nos que tamén temos que lamentar falecidos”, incidiu o alcalde.¡
O rexedor lembrou que o Concello remitiu de xeito reiterado á Unidad de Carreteras del
Estado sucesivas peticións de actuación para reducir esta sinistralidade, apoiados en
informes da Policía Local nos que, ademais de advertir do perigo na travesía urbana da
N-640, se puxo o acento nas deficiencias en materia de sinalización e se propuxeron
medidas para rebaixar o número de accidentes e, nomeadamente, os atropelos.
No Congreso
“A día de hoxe seguimos sen máis resposta por parte do Goberno Central que o feito de
que non consideren que a nosa travesía sexa un Tramo de Concentración de
Accidentes”, apuntou o alcalde. “A nosa preocupación, compartida por moitos
estradenses, ignórase co escudo da súa estatística”, lamentou.
Louzao Dono fixo esta referencia en alusión á resposta que o Goberno ofreceu ao grupo
do Partido Popular no Congreso dos Deputados en decembro de 2024. O Executivo
contestou que “non existen actualmente tramos de concentración de accidentes na
N-640 na provincia de Pontevedra e, por tanto, tampouco no termo municipal da
Estrada”. A resposta acompañouse da afirmación de que se reforzara a seguridade nos
pasos de peóns con novas marcas viais e balizas que impiden estacionar nos 10 metros
anteriores a cada paso.
A mesma contestación incorpora, a petición dos deputados do PP, a relación de
accidentes con vítimas entre 2019 e 2023 e no tramo comprendido entre os puntos
quilométricos 202++00 e 206+000 da N-640 ao seu paso pola Estrada. En 2019 foron 10,
con outra vítima en 2020 e outra máis en 2021. No ano 2022 figuran 4 e outras 6 en 2023.
Propostas
Por outra banda nos referidos informes policiais estímase que a regulación semafórica
de todos os pasos de peóns na N-640 non sería a solución máis axeitada para non
complicar, aínda máis, a circulación por esta vía xa que, nalgúns casos, a distancia
existente entre os pasos de peóns é moi pequena. Pola contra, a Policía Local suxeriu o
pintado dos pasos de peóns con colocación de sistemas luminosos na calzada; o pintado
de liñas quebradas ou “dentes de dragón” na zona de influenza dos pasos con
dispositivos de redución da velocidade ou a sinalización vertical con dispositivos
luminosos.
O feito de que a día de hoxe, en ausencia da reclamada circunvalación, o casco urbano
da Estrada continúe atravesado de extremo a extremo por unha estrada nacional fai que
NOTA DE PRENSA
CONCELLO DA ESTRADA
GABINETE DE COMUNICACIÓN comunicacion@aestrada.gal
Ana Cela Neira 669 645 345
conviva un elevado tráfico diario coa alta presenza de peóns propia dun casco urbano
do tamaño do estradense, capital municipal e comarcal.
Outras observacións
Por outro lado, os informes da Policía Local remitidos á citada unidade do Estado en
relación á N-640 tamén suxeriron actuacións de mellora da seguridade desta vía na
Avenida de Pontevedra ou a conflitividade que esta estrada presenta á altura do lugar
de Ponteliñares, na parroquia de Callobre.
No caso da Avenida de Pontevedra, os axentes refírense á nova rotonda e ao carril de
servizo da área comercial, apuntando confusión para os usuarios e a falta de sinalización,
ademais de reclamar unha prohibición que impida o cambio de sentido a final do carril
de servizo en dirección Pontevedra.

As alumnas de clarinete do Conservatorio de Música
Profesional (CMUS) da Estrada Mara González Bravo e Nerea Campos Requeijo
resultaron premiadas no X Concurso de Clarinete «Cidade de Ourense» organizado polo
Conservatorio Profesional desta cidade.
Mara González acadou un accésit na categoría B (de 8 a 12 anos) e Nerea Campos o
segundo premio na categoría A (de 13 a 15 anos).
Un total de 13 clarinetistas de toda Galicia participaron na categoría B e 14 na A.
Mencionar tamén a destacada actuación de outra clarinete do centro estradense, Celia
Neira López.
Nerea Campos xa participara neste mesmo concurso no ano 2022 acadando o 3º premio
na categoría B e o 1º premio no 2023 no III Concurso Nacional de Clarinete «Llíria Ciutat
Creativa» de Valencia.

A Escola de Emprego Xuvenil, un programa de
inserción laboral impulsado polo Concello da Estrada en colaboración con Acción Contra
a Fame, puxo hoxe en marcha o curso de Auxiliar de Comercio, unha formación de 100
horas con prácticas en empresa na que participan dez mozos e mozas do municipio
estradense e da contorna.
Esta acción formativa está financiada polo Fondo Social Europeo Plus (FSE+), pola
Consellería de Cultura, Lingua e Xuventude da Xunta de Galicia, e conta coa colaboración
do Concello da Estrada.
O curso será impartido pola entidade ARA Formación e permitirá ao alumnado adquirir
coñecementos relacionados coa atención ao cliente, a organización do punto de venda
e o funcionamento do sector comercial, combinando formación teórica con experiencia
práctica en empresas.
No acto de inicio da formación estivo presente a concelleira de Emprego, Lucía Seoane,
que quixo acompañar ao alumnado neste primeiro día e destacar a importancia de
programas que contribúan a mellorar as oportunidades laborais da mocidade.
A Escola de Emprego Xuvenil continúa ademais en proceso de selección para outras
formacións previstas dentro do programa, entre as que se atopan cursos de carretilla
elevadora e manipulador de alimentos.
Por outra banda, xa se está desenvolvendo de maneira online o curso de Monitor/a de
comedor escolar e transporte escolar, outra das accións formativas incluídas na
programación.
A escola comezou a funcionar o pasado mes de febreiro, momento desde o que se están
levando a cabo sesións grupais de orientación laboral, dirixidas pola técnica de Acción
Contra a Fame, Rocío Castro, nas que os participantes reciben apoio para definir o seu
itinerario profesional e mellorar as súas competencias para a busca de emprego.

A través desta iniciativa, a Escola de Emprego Xuvenil na Estrada ten como obxectivo
atender a un total de 55 mozos e mozas ata decembro de 2026, ofrecéndolles
orientación, formación e acompañamento para facilitar a súa inserción no mercado
laboral

 Estará aberta ata o vindeiro 6 de abril, nas modalidades presencial e
online que se oferta para esta acción formativa, centrada nas emocións,
educación e artes.
 Os estradenses e estudantes da USC poderán acudir de xeito gratuíto.

A concelleira estradense de Cultura, Lucía Seoane, e
o profesor Marcos Pequeno Gorís, investigador da Facultade de Ciencias da Educación e
integrante do Grupo de Investigación Terceira Xeración da Universidade de Santiago de
Compostela (USC), presentaron esta mañá o cartel do seminario internacional
“Emocións e Educación, un dereito. As artes como vínculo emocional”, que se celebrará
na Estrada os días 17 e 18 de abril. O prazo de matrícula queda xa aberto ata o vindeiro
6 de abril.
É a primeira vez que un seminario desta natureza se celebra na Estrada e, segundo
indicaron, resulta pouco habitual que estas propostas formativas saian fóra do espazo
universitario. Está especialmente orientado a profesionais e estudantes da área
educativa, social e cultural. No caso de que queden prazas libres, abriríase a proposta a
todo o público interesado.
A temática está centrada nas emocións como cerne da pedagoxía e nas artes como
ferramenta e vínculo emocional. A filosofía deste espazo e poñer o coñecemento ao
servizo das persoas. Desenvolverse en dúas modalidades: presencial (sala MOME) e
online (vía Teams).
Catro serán as liñas temáticas deste seminario: Emocións, educación e migracións;
Emocións, educación e artes; Emocións, educación e Axenda 2030 e Emocións e
educación de maiores.
No tocante aos horarios, o venres 17 de abril será de 15.30 a 20.00 horas, mentres que
o sábado haberá sesión de mañá e tarde (de 10.00 a 14.00 e de 16.00 a 20.00). Para as
persoas que participen no 80% das sesións expedirase certificado de asistencia.
Seoane e Pequeno informaron de que a matrícula terá carácter gratuíto para os
estradenses, que deberán amosar o seu DNI para beneficiarse desta gratuidade. Tamén

será de balde para os estudantes da USC. Para os demais participantes, o seminario
custará 10 euros e 30 euros con envío de póster.
Para realizar a matrícula os interesados poden chamar ao teléfono do Departamento de
Cultura 986 573 601 ou empregar o seguinte formulario online:
https://docs.google.com/forms/d/e/
1FAIpQLSfEzyD_6U7U0aJYT-5E_fdUhSEwpZDYjHpXX-I4h5dX0RNAA/viewform
As persoas interesadas poden obter máis información sobre este seminario
internacional consultando a súa páxina web SEMINARIO INTERNACIONAL EMOCIÓNS E
EDUCACIÓN, UN DEREITO – GAL – TERCEIRA XERACIÓN.